netyî

Walon (Rifondou)

Etimolodjeye

Bodje « nete », avou l’ dobe cawete « -yî » des viebes.

Viebe

Djin et tins	Codjowa
Cåzant Ind. pr. (dji, dj’)	neteye
Atôtchî(s) Ind. pr. (vos, vs)	netyîz
Cåzants Ind. pr. (nos, ns)	netians
Rwaitants Ind. pr., nam. (i/il, ele/elle)	neteynut
Cåzant Ind. fut. (dji, dj’)	neteyrè
Cåzant D.I.E. (dji, dj’)	netyive
Cåzant Suddj. pr. (ki dji, dj’)	neteye
pårt. erirece (dj’ a, vos av)	netyî
Ôtes codjowaedjes	sipepieus tåvlea

netyî (viebe å coplemint) (å prono : si netyî)

1. rinde prôpe (ene sacwè k' esteut mannete).
   • Fåt netyî l' måjhon
   • Elle est ki neteye li tchambe.
   • Netyîz vos solés !
   • C' est on rméde ki neteye les plåyes.
   • Cwand elle a veyou m' mwin plinne di sonk, ele l' a pris dins l' sinne, sins moti. Pu, elle a metou deus ôtes doets e s' boke et netyî m' côpeure — Lorint Hendschel, So l’ Anuti.
   • Di ç' tins la, gn aveut ene peclêye di ptits mestîs dins ç' coulot la: poirter ås saetchs, bouter åzès tcheretes des vîwarîs, rifé des velos, netyî des cwåreas, tini on ptit botike ou ene pitite estale — Jean-Pierre Hiernaux (fråze rifondowe).
2. rissaetchî l' ewalpeure (des ptits poes, des feves, evnd.), aprester (des verdeures) po les magnî.
   • Netyîz vos legumes; totaleure dji n' årans pont d' sope po mareder.
   • Ele netyive li salåde.
   • (Li saeyea disboirdéve di poretes, di celeris, d' agnons, des salådes, ene axhlêye di poes et on coirbion d' feves) Dj' irans netyî tot ça (R. Dedoyard)
3. (mot des cinsîs) taper evoye l' erî-fa, tot djåzant d' ene djin u d' ene biesse.
   • Li vatche ni vout nén netyî
4. (imådjreçmint) touwer (aprume al vwès passive).
   • Tos les rezistants ont stî netyîs.
5. bate å djeu, prinde å djeu, prinde les cwårs da (ene sakî) å djeu.
   • Dji lyi a netyî si hasse.
   • I s' a fwait netyî disk' å dierin sô.
6. fote a l' ouxh.
   • I s' a fwait netyî foû di s' plaece.
   • Si mwaistresse l' a netyî — Motî d’ Vervî (fråze rifondowe).

Ratourneures

1. netyî li ståve : (mot des cinsîs) rissaetchî l' ansene del djournêye.
2. netyî les coshets, les vea : (mot des cinsîs) rissaetchî l' ansene ås pourceas, ås veas.
3. netyî ene sitofe : ???
4. netyî on bî : rissaetchî les teres kel ristopèt. On dit eto : rilever.

Parintaedje

• netiaedje
• netieu, netieuse, neteyresse
• netieure
• neteymint
• rinetyî

Sinonimeye

• (bråmint des sinses) : rinetyî
• (rinde prôpe) : raprôpriyî, rassonrer
• (tot passant ene loke) : xhorbi, rixhorbi, rilocter
• (des verdeures) : splitchî, peler (canadas, evnd.)
• (on ståve, des biesses) djèter, monder, smonder, handler
• (v.s.c., taper foû l' erî-fa) parer

Ortografeyes

Après 1900, foû rfondou (Feller, Feller ricandjî, nén Feller) :

• nètchî : G205 p. 325
• gnètî : G205 p. 325
• nièti : C1, C13
• nètî : E1, E34
• nètiyer : G205 (pal voye do pårticipe erirece "nètiyé")
• nètyî : C99, G205 p. 325
• nètyi : O2
• netir : S110
• nèti : O0
• nètchè : G205 (pal voye do pårticipe erirece "nètchè")
• nètyè : G205 p. 325
• nètiyî : O4, G205, S109, S117
• nètcher : S117, G205 (pal voye do pårticipe erirece "nètché")
• nètier : S117
• nètyer : G205 p. 325
• nètîre : S104, S107

E rfondou walon :

• netyî : R10 ^(lére), R13
• nètyî : R2

Ratournaedjes

rinde prôpe

• Arabe : il a netyî : نظف ^(ar) = naZaf
• Arabe marokin : il a netyî : neqqa = نقى, ne0ef = نضف; (måjhon) chqa = شقى; (poes, feves) ferrek = فرك
• Inglès : to clean ^(en)
• Francès : nettoyer ^(fr)
• Gåmès : nètîr
• Neyerlandès : reinigen ^(nl), schoonmaken ^(nl)

rissaetchî l' ewalpeure

• Francès : (verdeures) éplucher ^(fr), peler ^(fr); (poes, feves) écosser ^(fr), égousser ^(fr);

ôtes sinses

• Francès : (sitofe) énouer ^(fr); (bî) écurer ^(fr); (linne) débourrer ^(fr); (fote a l' ouxh) congédier ^(fr); si netyî : se débarbouiller ^(fr); (tins) s'éclaircir ^(fr)

Pårticipe erirece

	singulî	pluriyal
omrin	netyî	netyîs
femrin	netieye	netieyes

netyî omrin

1. Pårticipe erirece omrin do viebe "netyî", ki pout esse eployî come addjectif et come sustantif.

Addjectif

	singulî	pluriyal
omrin	netyî	netyîs
femrin padrî	netieye	netieyes
femrin padvant	netieye	netieyès

netyî omrin (come addjectif djondrece, metou padvant u padrî l’ no)

1. rindou prôpe.
2. moirt, touwé.

Ratourneures

1. netyî come en flate : loukîz a : flate