kernaxhe

Walon (Rifondou)

Etimolodjeye

Bodje « kern- » ‎(« crin »), avou l’ cawete « -axhe » mot cité dins l’ FEW 2 1340b

Prononçaedje

• AFE :
  • diferins prononçaedjes : /kɛʀ.naʃ/ /kyʀ.naʃ/ /kœʀ.naʃ/ /kaʀ.naʃ/ /kʀɛ.naʃ/ /kɛʀ.laʃ/ Prononçaedje a radjouter (betchfessî xh, halcrosse rîlêye)
  • prononçaedje zero-cnoxheu : /kɛʀ.naç/ (waire u nén prononcî insi å 20inme sieke)
• Ricepeures : ker·naxhe

Sustantif

singulî	pluriyal
kernaxhe	kernaxhes

kernaxhe femrin

1. (mot d’ medcén) parfonde coixheure dins l' pea, dins li schoice d' èn åbe, fwaite pa åk ki côpe.
   • I s’ a fwait ene fameuse --- a s’ bodene — Motî d’ Cînè (fråze rifondowe).
   • Ene kernaxhe, c' est ene plaiye ki va disk' å cur, mins moens fond k' ene schiråde; i gn a k' fé d' el rakeude, mins ça pout lèyu ene marke — Båze di dnêyes di l’ Årdene nonnrece (fråze rifondowe).
   • Ene kernaxhe, c' est cwand on s' côpe parfondmint avou on coutea, on razoe, ou e passant des fis d' ronxhes — Båze di dnêyes di l’ Årdene nonnrece (fråze rifondowe).
   • Mi såpe a ridé sol coxhe, et dj' a-st atrapé ene bele kernaxhe å schinon del djambe — Motî d’ Bouyon (fråze rifondowe).
   • Dit-st i lu: dji t' dinrè ene botaye di rodje ôle ki rwerit totes les kernaxhes — Gaston Lucy (fråze rifondowe).
   • Il est moirt, l' efant;
     On-z a tapé on drap
     Dissu l' kernaxhe;
     Et la, dins m' tiesse,
     C' est tot ki s' ecomaxhe — Lucien Somme (fråze rifondowe).
   • Ene mwaijhe parole est ossu laide k' on côp d' coutea; vos ploz fote on côp d' coutea a on soçon, pu lyi dire traze côps pardon, li kernaxhe dimorrè todi — Pierre Otjacques.
2. plaece di cisse coixheure la cwand ele s' a rfwait.
   • Il end aveut todi wårdé ene kernaxhe al figueure — Båze di dnêyes di l’ Årdene nonnrece (fråze rifondowe).
   • Li laide et grande costeure – ene sacwè d’ drole et di sbarant – a divnou ene kernaxhe ki royléve mi bresse. Et cmincî a m’ fé assoti — JMost (fråze rifondowe).
3. (botanike) plaece k' èn åbe a stî côpé u ripé.
   • Les burtons des åbes abatous laiynut des ridaxhes di seuve sipritchî foû d' leus kernaxhe.

Parintaedje

• crené
• crenler
• crin
• discrenler
• si diskernaxhî
• kernaxhaedje
• kernaxhî

Sinonimeye

• crin
• côpeure
• skernaxhe

Ortografeyes

Après 1900, foû rfondou (Feller, Feller ricandjî, nén Feller) :

• kèrlache : O0
• curnache : S109, S117, G215 p. 141
• keúrnache : G215 p. 141
• crènache : C9, G215 p. 141
• kèrnache : C1, C13, O0, O2, G215 p. 141
• quarnache : S25
• carnache : G215 p. 141

E rfondou walon :

• kernaxhe : R10 ^(lére)

Li mot n’ est nén dins : C62, R13

Ratournaedjes

parfonde coixheure dins l' pea

• Francès : entaille ^(fr), blessure ^(fr), coupure ^(fr), taillade ^(fr), estafilade ^(fr)

plaece d' ene parfonde coixheure cwand ele s' a rfwait

• Francès : cicatrice ^(fr), balafre ^(fr)

blesseure a èn åbe

• Francès : blessure ^(fr), plaie ^(fr)

Codjowas

kernaxhe

1. indicatif prezintrece, prumire et troejhinme djins do singulî, do viebe « kernaxhî ».
2. suddjonctif prezintrece, prumire et troejhinme djins do singulî, do viebe « kernaxhî ».
3. kimandeu prezintrece, deujhinme djin do singulî, fôme camaerådrece, do viebe « kernaxhî ».