pidjoler

Walon (Rifondou)

Etimolodjeye

Bodje « pidjole » avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /pi.d͡ʒɔ.le/
  • prononçaedje zero-cnoxheu : /pi.d͡ʒɔ.le/
• Ricepeures : pi·djo·ler

Efants ki pidjolèt (sinse 1)

Viebe

Djin et tins	Codjowa
Cåzant Ind. pr. (dji, dj’)	pidjole
Atôtchî(s) Ind. pr. (vos, vs)	pidjolez
Cåzants Ind. pr. (nos, ns)	pidjolans
Rwaitants Ind. pr., nam. (i/il, ele/elle)	pidjolnut
Cåzant Ind. fut. (dji, dj’)	pidjolrè
Cåzant D.I.E. (dji, dj’)	pidjoléve
Cåzant Suddj. pr. (ki dji, dj’)	pidjole
pårt. erirece (dj’ a, vos av)	pidjolé
Ôtes codjowaedjes	come bouter

pidjoler

1. (v. sins coplemint) (mot d’ djeu) djeu d' coûsse avou deus groupes ki dvèt sayî di fé des prijhnîs di l' ôte costé.
   • Les efants pidjolèt avå les rowes. — Motî Haust (fråze rifondowe).
2. (pa stindaedje do sinse) cori.
   • Pidjolans, savoz : nos estans an retård ! — Motî Haust (fråze rifondowe).
3. (imådjreçmint) (belès-letes) voler dins tos les sinses.
   • Est ç’ èn oujhea di l’ air si bleu,
     Wice k’ on voet
     L’ aronde po fé l’ amuzete
     Pidjoler d’ tos les bijheas ? — Martin Lejeune, “ Œuvres lyriques du poète Martin Lejeune” p.133, « Nosse feye » (fråze rifondowe).
   • Mès sondjes dansèt… Awè; dji v’s-èl kifèsse,
     Come lès lèdjîrs påvions qu’pidjolèt d’zos l’cîr bleû,— Émile Wiket, Fruzions d' cour, p.170.
   • Dji voe des cresses di toets, des tchminêyes,
     Des riguilites di hôts-volés
     Et des tchawes-soris pidjoler
     Et des ôtes båbecînes… — Jules Claskin, « Airs di flûte et autres poèmes wallons », édition critique de Maurice Piron, 1956, « Po m’ båbècîne », 1923, p.45 (fråze rifondowe).
   • Dji n' ritrouve pus l' vete coxhete
     La k' pidjolént les fåbites,
     Linroûs, pénsons. — Louis Lagauche, "Les belès-eures" (1928), p. 60 (fråze rifondowe).
4. (imådjreçmint) si mouwer raddimint et adjetmint, (tot djåzant d' on spirou, metans).
   • Wice ki l' feneu, del campagne fwait s' twelete
     Èt k' al vesprêye on ritchesse les berbis,
     K' avå les bodjes li spirou pidjole. — Louis Lagauche, "Li ptit hierdî" (1926), p. 24 (fråze rifondowe).
5. (v. sins coplemint) roter nén droet to fjhant des catoûs.
   • So nosse bele Mouze, totes les anêyes,
     On n’ veyeut ki des patineus,
     Al dilongue del rowe des Teneus,
     Pidjoler tote ene sinte djournêye. — Joseph Vrindts, ”Vîx Lîge” (1901), p.7, “L’Hiviér” (fråze rifondowe).
   • Al baye, ene cope vént s’ aspoyî
     Et leus åbions dansèt
     Et pidjolèt so l’ aiwe avå les bokets d’ lune
     Et d’ blankès plomes ki s’ kitoirtchèt. — Jules Claskin, « Airs di flûte et autres poèmes wallons », édition critique de Maurice Piron, 1956, « Disseûlance », 1922, p.20 (fråze rifondowe).
   • Come des grandès colowes, les pazeas, les rouwales,
     Qui dischindént d' Biernåmont, dås Tawes ou d' Djolivet,
     Pidjolént-st inte deus håyes ou passént-st å triviè
     D' ene tere ou d' ene praireye po-z avni disk' ås Wales. — Louis Lagauche, "Mayon", p. 7 (fråze rifondowe).

Parintaedje

• pidjole
• pidjolaedje

Sinonimeye

voler dins tos les sins

• volter
• cavoler

cori donci donla

• biyairder
• cabiyairder
• tchamler
• berwezî
• zigzaguer

Sipårdaedje do mot

w. do Levant

Ortografeyes

Divant 1900 :

• pidjolé : E203 ^(lére)

Après 1900, foû rfondou (Feller, Feller ricandjî, nén Feller) :

• picholer : JVri
• pidjoler : E1

Li mot n’ est nén dins : R10, C8

Ratournaedjes

djouwer

• Francès : caracoler au jeu de barres ^(fr) (nén ratournåve direk e francès)

cori

• Francès : courir ^(fr) (surtout en parlant d'enfants)

voler nén droet

• Francès : voltiger ^(fr), tournoyer ^(fr)

avancî nén droet hatche et matche

• Francès : faire des caracoles, zigzager ^(fr), serpenter ^(fr)