resdondi

Walon (Rifondou)

Etimolodjeye

Tayon-bodje latén « redundare » (ridoxhî, ribômer), racuzinåve avou l' vî lingaedje d’ oyi « redonder ».

Prononçaedje

AFE :
- diferins prononçaedjes : /ʀɛs.dɔ̃.ˈdi/ /ʀɛs.dɔ̃.ˈde/ /ʀɛs.dɔ̃ː.ˈdi/ /ʀɛs.dɔ̃ː.ˈde/
- prononçaedje zero-cnoxheu : /ʀɛs.dɔ̃.ˈdi/
Ricepeures : res·don·di

Viebe

Djin et tins	Codjowa
Cåzant Ind. pr. (dji, dj’)	resdondi / resdondixh
Atôtchî(s) Ind. pr. (vos, vs)	resdondixhoz
Cåzants Ind. pr. (nos, ns)	resdondixhans
Rwaitants Ind. pr., nam. (i/il, ele/elle)	resdondixhnut
Cåzant Ind. fut. (dji, dj’)	resdondirè / resdondixhrè
Cåzant D.I.E. (dji, dj’)	resdondixheu
Cåzant Suddj. pr. (ki dji, dj’)	resdondixhe
pårt. erirece (dj’ a, vos av)	resdondi
Ôtes codjowaedjes	come prusti

resdondi

(vî mot) ribômer tot djåzant d' on cayet.
- Mint l' djoû k' intrît-st el foidje,
  On-z oya resdondi
  Li mårtea so l' eglome
  Bouxhant k' po-z assoti. — Louis Lagauche, "L' inmant" (1947), p. 53 (fråze rifondowe).
(v. sins coplemint) rivni aviè l' schoûteu tot djåzant d' on son, aprume dins ene eglijhe ou avå l' montinne.
- Li tchinne s' abate d' ene pîce; li crestea resdondixh, et l' tere tronne, dismetant k' on groûlaedje di tonire, si stårant dzeu les bwès va mori dins les vås. — Henri Simon, Li pan dè bon Diu : Recueil complet des Poèmes wallon de Henri Simon, Li mwért di l' åbe (fråze rifondowe).
(v. sins coplemint) fé on grand brut ki s' sitåre tocosté.
- Les vivås et les «k' i vike tant k' on l' towe !» resdondixhît a fé sclater les cwåreas — Dieudonné Salme (fråze rifondowe).
- So li cminçmint do Paradis,
  Å boird del Mouze, èn ome clawtêye,
  Et sol batea k’ i rapîçtêye,
  Vos oyoz les côps resdondi. — Joseph Vrindts, Vîx Lîge, (1901), p.111, “Li Vîx Batai” (fråze rifondowe).
- I tchantreut voltî si l' canon ni resdondixhreut nén si foirt, låvå, bén lon. — Paul Moureau, Contes d' aprandjire, 1932, Les cougnous dèl boune cinsrèsse, lijhåve e Feller vaici (fråze rifondowe).
- Å minme moumint, on-z ôt resdondi des pas di tchvås k' apatraftèt sol rote : vocial les djindåres… — Marcel Fabry, Li hatche di bronze, (1937), p. 52 (fråze rifondowe).
(v. å coplemint nén direk eployî avou li dvancete « di ») si rimpli d' on brut.
- L' air resdondixh des tchambes k' ont fwait peter — Motî Haust (fråze rifondowe).
- Cwand l’ convwè rprind s’ coûsse pol dierinne tape, les compårtimints resdondixhèt di resploes al môde. — Dieudonné Boverie, Li loumire pierdowe, p. 54-55 (fråze rifondowe).
- Les Lidjwès nd eralît djoyeus
  Fjhant resdondi les rouwaletes
  Di leus pus ahåyants respleus… — Louis Lagauche, Mayon, 1923), p. 70 (fråze rifondowe).
(pus stroetmint) (tot djåzant d' ene cloke) dagnter.
- Li cloke resdondixh avå l' viyaedje — Motî Haust (fråze rifondowe).
- Les xhiltaedjes del grosse clotche kimincént-st a resdondi A cénk eures après l' dinner — Léon Bukens, ratournant Garcia Lorcas (fråze rifondowe).
(v. sins djin) si dit d' ene plaece la ki les sons rvinèt viè l' bruteu.
- Come i risdondixh divins ciste eglijhe cial ! — Motî Forir (fråze rifondowe).

Parintaedje

Sinonimeye

resbrandi
(tot djåzant d' ene cloke) : ribômer, dagnter

Sipårdaedje do mot

w. do Levant, w. do Mitan (Djodogne)

Ortografeyes

Divant 1900 :

risdondé : E203 ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

resdondi : R10 ^(lére)

Li mot n’ est nén dins : R13

Ratournaedjes

ribômer (vî mot)

Francès : rebondir ^(fr) (archaïsme)

rivni viè l' shoûteu, e cåzant d' on son

Francès : résonner ^(fr)

fé on grand brut ki s' sitåre tocosté

Francès : retentir ^(fr)

tot djåzant d' ene cloke

Francès : sonner ^(fr), résonner ^(fr)

la ki l' son ribôme po rivni viè l' schoûteu

Francès : ça résonne, il y a de l' écho

Pårticipe erirece

resdondi (nén candjåve)

Pårticipe erirece do viebe « resdondi ».

Codjowas

	Dobès rfondowes
resdondi		resdondixh

Do viebe «resdondi»

indicatif prezintrece, prumire djin do singulî
kimandeu prezintrece, deujhinme djin do singulî, fôme camaerådrece