resserer

Walon (Rifondou)

Etimolodjeye

Do viebe « serer » avou l’ dobe betchete « re- » di recloyaedje des viebes (avou les rîles di scrijhaedje do son S), çou ki dene on mot avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /ʀɛ.sɛ.ˈʀe/ /ʀɛ.sɛ.ˈʀɛ/ /ʀa.sɛ.ˈʀe/ /ʀɛ̃.sɛ.ˈʀe/
  • prononçaedje zero-cnoxheu : /ʀɛ.sɛ.ˈʀe/
• Ricepeures : res·se·rer

Viebe

Djin et tins	Codjowa
Cåzant Ind. pr. (dji, dj’)	ressere
Atôtchî(s) Ind. pr. (vos, vs)	resserez
Cåzants Ind. pr. (nos, ns)	resserans
Rwaitants Ind. pr., nam. (i/il, ele/elle)	ressernut
Cåzant Ind. fut. (dji, dj’)	resserrè
Cåzant D.I.E. (dji, dj’)	resseréve
Cåzant Suddj. pr. (ki dji, dj’)	ressere
pårt. erirece (dj’ a, vos av)	resseré
Ôtes codjowaedjes	sipepieus tåvlea

resserer (viebe å coplemint)

1. reclôre.
   • Ca l’ efant, tot parey ki l’ fleur,
     Clintche si bea front, piede ses coleurs,
     Cwand il est resseré dvins ene plaece
     La k’ il î fwait trop rebômé. — Joseph Vrindts, ”Vîx Lîge” (1901), p.186, “On peu dè Solo” (fråze rifondowe).
   • On n’ ressere nén les sots ; ca on voet des djins tos les djoûs ki passèt leu veye a sayî do fé ene sacwè avou rén. — Arthur Xhignesse, « Bwègnes mèssèdjes & pititès gotes » (1905), p.14 (fråze rifondowe).
   • Il a bea vos resserer; vos fritchtez todi evoye — Albert Maquet (fråze rifondowe).
   • Dj' a prins l' tins Do resserer Inte mes doets On sondje di plouve — David André (fråze rifondowe).
   • Valeut i vraiymint les poennes do cwiter si viyaedje et ses djins po s' vini, di s' plin gré, resserer inte ses grijhès murayes ? — Jean-Pierre Dumont (fråze rifondowe).
2. contni.

« Il est vraiy ki Defrêcheux mågré si ptit hopea d’ ouves est télmint bén d’ amon nozôtes, il a télmint bén tchanté çou ki nosse peupe rissint pol djustice, li bonté, li feme, l’ efant, les pôvriteus, k’ on pout dire ki l’ åme del raece walone est resserêye tote etire divins ses ovraedjes » — Joseph Mignolet, Li walon å payîs di Lîdje, (1938), p.55 (fråze rifondowe).

1. (viebe å prono) : Loukîz a : « si resserer ».

Parintaedje

• resseré, resserant
• resseraedje
• risserer
• Loukîz a : « serer »

Ortografeyes

Divant 1900 :

• sretseré (s' resserer) : E178

Après 1900, foû rfondou (Feller, Feller ricandjî, nén Feller) :

• rassèrè : C8, S117
• rèssèrè : S36 ^(lére)
• rassèrer : S109, S117
• rèssèrer : C106
• rinsèrer : O3, O4

E rfondou walon :

• resserer : R10 ^(lére), R13

Ratournaedjes

resserer

• Francès : enfermer ^(fr), emprisonner ^(fr), confiner ^(fr)