schayon

Walon (Rifondou)

Ordinairmint	Dirî cossoune s’ on prononce /sk/
schayon	eschayon

Etimolodjeye

Bodje « schåle » (avou candjmint d’ voyale), avou l’ dobe cawete « -ion », avou rmagnaedje /lj/ => /j/; mot cité dins l’ FEW 11 272

Prononçaedje

• AFE :
  • diferins prononçaedjes : /ha.jɔ̃/ /hɛ.jɔ̃/ /ça.jɔ̃/ /çɛ.jɔ̃/ /ʃajɔ̃/ /skajɔ̃/, miersipepieuzmint e l’ notule ALW 4.98 ; (betchfessî sch); (36 prononçaedjes).
  • prononçaedje zero-cnoxheu : /ska.jɔ̃/ (waire u nén prononcî insi å 20inme sieke)

Sustantif

singulî	pluriyal
schayon	schayons

schayon omrin

1. (mot des mnujhîs et scrinîs) bwès metou triviè d' ene schåle, d' ene tcheyire.
   • Gn a on schayon del schåle k' est cassé.
   • Dj' esteu vijhene, dit-st ele li viye rowe di begnon, avou ene schåle k' aveut pierdou tos ses schayons — Émile Wenkin (fråze rifondowe).
   • Ni metoz nén les pîs so les schalons d' mes tcheyires.
2. (noûmot pa stindaedje do sinse) (djustice) livea d' on tribunå.
   • Li djudjmint do tribunå d' deujhinme schayon d' Brussele tchait come on maca li 22 d' djun 1982 — Lucyin Mahin.
3. gré dins l' avançmint d' ene sacwè.
   • Li cloyaedje d' Egunkaria a stî on schayon pus hôt dins cisse politike la — Pablo Sarachaga.
   • Adon dj’ a l’ ådjeu d’ griper, schayon pa schayon, disk’ a l’ miercopete — José Schoovaerts (fråze rifondowe).
   • Li wespiante ålouwete
     Tot gripant viè l' solea
     A tchaeke novea schayon
     Racmince si tchansonete — Croejhete Linåd, p. 12 (fråze rifondowe et rarindjeye).

Ratourneures

1. boûsson
   1. plat schayon : asplati boûsson.
      • On meteut on plat schayon tos les cénk schayons.
2. livea d' on tribunå.
   1. tribunå di dierin schayon : tribunå k' i gn a pus rén ådzeu.

Sinonimeye

• (bwès d' ene schåle, d' ene tcheyire) : boûsson, bodjon, sploton

Omofoneye possibe

• /ha.jɔ̃/ : hayon (pitite håye po s' mete al coete)

Ortografeyes

Divant 1900 :

• haïon : E203 ^(lére)

Après 1900, foû rfondou (Feller, Feller ricandjî, nén Feller) :

• hayon : E1, G204 p. 203
• (è)scayon : O4, G204 p. 203
• chayon : C13, G204 p. 203
• hyayon : G204 p. 203

E rfondou walon :

• schayon : R10 ^(lére)
• schalon : R9 ^(lére), R11 (rifondaedje ricandjî enawaire) ^(lére)

Li mot n’ est nén dins : R13

Ratournaedjes

bwès metou triviè d' ene schåle

• Inglès : rung ^(en)
• Francès : échelon ^(fr), barreau ^(fr)
• Neyerlandès : sport ^(nl), trede ^(nl)

livea des tribunås

• Francès : instance ^(fr)

gré d' avançmint d' ene sacwè

• Inglès : step ^(en)
• Francès : étape ^(fr), degré ^(fr), niveau ^(fr), stade ^(fr)
• Neyerlandès : stap ^(nl)

Co a rindjî : tribunå di dierin schayon: cour ^(fr) de cassation ^(fr), cour suprème