vanter

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « vanter », el pout stitchî vaici.

Prononçaedje

• AFE :
  • prononçaedje zero-cnoxheu : /vɑ̃ː.ˈte/ (minme prononçaedje pattavå)
• Ricepeures : van·ter

Viebe

Djin et tins	Codjowa
Cåzant Ind. pr. (dji, dj’)	boute
Atôtchî(s) Ind. pr. (vos, vs)	boutez
Cåzants Ind. pr. (nos, ns)	boutans
Rwaitants Ind. pr., nam. (i/il, ele/elle)	boutnut
Cåzant Ind. fut. (dji, dj’)	boutrè
Cåzant D.I.E. (dji, dj’)	boutéve
Cåzant Suddj. pr. (ki dji, dj’)	boute
pårt. erirece (dj’ a, vos av)	bouté
Ôtes codjowaedjes	come bouter

vanter (viebe å coplemint)

1. dire do bén d’ ene sakî, d’ ene sacwè, pol fé bén vey, pol mete ådvant d’ tot.
   • Vos vnoz co vanter vo martchandijhe ? — Motî d’ Nivele, a « mèprijî » (fråze rifondowe).
   • I fåt todi k' i vante ses efants. — Motî Gilliard (fråze rifondowe).
   • Iy ! Iy ! Ké bon peket ! Ci n' est nén po vs vanter,
     Mins dj' n' a måy beu do sfwait : c' est co do Vî Sistinme. — Édouard Remouchamps, Tåtî l’ Pèriquî, 1884, Ake I, Sinne XI, v. 192-193 (fråze rifondowe).
   • Ossu tote li tåvlêye
     Ni trovéve nén des mots beas assez po vanter
     Li fén gosse di tot çou k' on siervéve å diner. — Joseph Kinable, Les crostillons, 1889, On régal, p.17 (fråze rifondowe).
   • Des linreas dismelant l’ rapiguele
     Li grosse saedje-dame, k’ ode li dringuele
     Kimince a vanter l’ djonne gurzea. — Martin Lejeune, Œuvres lyriques du poète wallon Martin Lejeune, p.129, « C’èst-on valèt !» (fråze rifondowe).
   • Leyîz m' vis tchanter bele aiwe d' Oûte di m' cour,
     Come èn amoureus vante si binamêye ;
     Puski vos nos dnez vosse meyeuse hinêye
     Leyîz m' vis inmer d' on tinrûle amour ! — Louis Lagauche, L'aimant, Tchanson po l’êwe d’Oûte, (1947), p. 157 (fråze rifondowe).
2. (viebe å prono) : Loukîz a : « si vanter ».

Parintaedje

• vantård
• forvanter
• vantreye
• vantijhe
• vanteu
• vantrea

Sinonimeye

• candôzer
• fiesti
• platchter

Mots vijhéns

• amandoûler
• froter l’ mantche
• préjhî
• herer des pôces e l’ oraye
• shofler des pôces e l’ oraye

Ortografeyes

Après 1900, foû rfondou (Feller, Feller ricandjî, nén Feller) :

• vanter : C9 (a « iute », « tokter »), C106, E1, E34, E165, O4 (a « djoûrnéye », « oche »), S0
• vantér : FO94, SpO1 p. 49
• vantè : C8

E rfondou walon :

• vanter : R10 ^(lére), R13

Ratournaedjes

dire bråmint do bén di

• Francès : vanter ^(fr), adûler ^(fr)