crevinter

Walon (Rifondou)

Etimolodjeye

Tayon-bodje latén « crepantare » (crever), dandjreus avou assaetchance di "crever l' vinte".

Prononçaedje

• AFE :
  • prononçaedje zero-cnoxheu : /kʀɛ.vɛ̃.te/ (minme prononçaedje pattavå)
• Ricepeures : cre·vin·ter

Viebe

Djin et tins	Codjowa
Cåzant Ind. pr. (dji, dj’)	crevinte
Atôtchî(s) Ind. pr. (vos, vs)	crevintez
Cåzants Ind. pr. (nos, ns)	crevintans
Rwaitants Ind. pr., nam. (i/il, ele/elle)	crevintnut
Cåzant Ind. fut. (dji, dj’)	crevintrè
Cåzant D.I.E. (dji, dj’)	crevintéve
Cåzant Suddj. pr. (ki dji, dj’)	crevinte
pårt. erirece (dj’ a, vos av)	crevinté
Ôtes codjowaedjes	sipepieus tåvlea

crevinter

1. (v. å coplemint)
   1. crever l' vinte di
      • Li singlé crevinta troes di nos tchéns. — Motî Forir (fråze rifondowe).
   2. maker po touwer.
      • Il a crevinté (l' pourcea). — Motî del Hesbaye (fråze rifondowe).
2. (viebe å prono) : Loukîz a : « si crevinter ».
   1. si fé mori (a on deur ovraedje)
      • Ele s' a crevinté a bouwer. — Motî Haust (fråze rifondowe).

      Les beldjikins et les franskineus s' ont leyî prinde a l’ verdjale ki nos nd estans tot aplakés et k’ nos nos crevintrans lontins po nos è saetchî foû. — J.-P. Dumont (fråze rifondowe).

   2. (si crevinter d' rire) : crever d' rire (rire sins s' saveur arester).
      • Å pus sovint, i s' crevintént d' rire di totes ces biestreyes la. — R. Dambly (fråze rifondowe).

      Il î pierdént motoit sacwantès måyes mins tote li classe si crevintéve di rire rén k' a rloukî l' flamind ki coréve inte les bancs po-z apicî les måyes ki les cårpeas lyi evoyént par e-n esprès. — R. Dambly (fråze rifondowe).

Sinonimeye

• (crever l' vinte) : trawer
• (taper sol tiesse po touwer) : maker, assoumer
• (bouter foirt) : si (fé) crever, si fé peri, si fé mori, si fornåjhi
• (crever d' rire) : rire a s' disfåfiyî l' botroûle, toumer evoye di rire

Sipårdaedje do mot

w. do Coûtchant

Ortografeyes

Divant 1900 :

• krèvinté : E203

Après 1900, foû rfondou (Feller, Feller ricandjî, nén Feller) :

• crevinter : E1, E213

Li mot n’ est nén dins : E34, E200, S0, R13

Ratournaedjes

± touwer (tot macant, tot drovant l' vinte

• Francès : éventrer ^(fr), assommer ^(fr)

± bouter foirt

• Francès : se crever ^(fr), s’esquinter ^(fr)

± crever d' rire

• Arabe marokin : mat be-dhek =‎ مات بدّحك
• Francès : mourir de rire ^(fr)