dijhinne

Walon (Rifondou)

Etimolodjeye

Bodje « dijh » avou l’ cawete « -inne ».

Prononçaedje

• AFE :
  • diferins prononçaedjes : /diː.ˈʒɛ̃n/ /diː.ˈʒɛn/ /diː.ˈhɛ̃n/ (betchfessî jh)
  • prononçaedje zero-cnoxheu : /diː.ˈʒɛ̃n/
• Ricepeures : di·jhinne

Sustantif

singulî	pluriyal
dijhinne	dijhinnes

dijhinne femrin

1. a pô près dijh.
   • Cwand l’ pourcea årè wangnî ene dijhinne di kilos, nos l’ axhorrans. — A. Moors-Schoefs (sourdant a recråxhî) (fråze rifondowe).
   • I tnént ene pitite cinse : sacwants bounîs d’ pasteure, troes cwate vatches et ene dijhinne di bedêyes. — Henry Matterne (fråze rifondowe).
   • Dj’ a stî picî pa les Boches ene dijhinne di djoûs après lu. — André Dewelle (fråze rifondowe).
   • Nos n' avans co tot a schipe ene dijhinne d' airtchîs — Paul-Henri Thomsin, ratournant e walon Walon’rèye, tére di lédjindes, 1998, p. 25 (fråze rifondowe).
2. (matematikes) sinifiance do chife metou l’ deujhinme a cmincî del droete, dins on nombe sicrît e chifes arabes.
   • Adicionez les unités, adonpwis, les dijhinnes.
3. (e l’ eglijhe catolike) shûte di dijh grins so on tchaplet.
   • Vos diroz deus dijhinnes di tchapelet.
4. (Istwere) troke di dijh måjhons, dins on viyaedje, ki les djins s’ etraidént po totès sôres di corwêyes.
   • Li grand Dedè si dveut fé côper l’ djambe, rogneye del grangrinne. Mins i n’ aveut nén l’ moyén d’ payî l’ medcén. Adon, li dijhinne s’ a propôzé po fé l’ ovraedje el plaece di l’ årtisse. — Ernest Benoit (fråze rifondowe).

Ratourneures

1. des dijhinnes (et des dijhinnes) : bråmint.
   • A on moumint dné, des dijhinnes di biesses ont peté evoye e fjhant on brut d’ tos les diåles : c’ esteut des sodoirmants. — Lucyin Mahin, Ène bauke su lès bwès d’ l’ Ârdene (fråze rifondowe).

Parintaedje

• dijhinnî
• Loukîz a : « dijh »

Mots d’ aplacaedje

• dijhinne d’ anêyes

Sinonimeye

• (des dijhinnes) : des dijh et des dijh
• (troke di dijh manaedjes s’ etraidant) : dijhinnî

Mots vijhéns

• troejhinne, cwatrinne, cénkinne, shijhinne, setinne, ûtinne, nouvinne, dimeye dijhinne, dozinne, dimeye dozinne
• vintinne, trintinne, cwarantinne, céncwantinne, swessantinne, septantinne, ûtantinne, nonantinne, cintinne

Ortografeyes

Après 1900, foû rfondou (Feller, Feller ricandjî, nén Feller) :

• dîhinne : E1
• dîhéne : E21
• dîjène : O2, O3
• dijînne : C8
• dîjinne : S117
• dîjin.ne : C1
• dîhêne : E34
• dîjînne : C9

E rfondou walon :

• dijhinne : R9 ^(lére), R10 ^(lére)

Ratournaedjes

a pô près dijh

• Inglès : decade ^(en)
• Espagnol : década ^(es)
• Francès : dizaine ^(fr)
• Neyerlandès : tiental ^(nl)

troke di dijh manaedjes ki s’ etraidnut

• Francès : dizainier ^(fr), dizenier ^(fr) (Beldjike, el France, li mot a èn ôte sinse)