evilmer

Walon (Rifondou)

Etimolodjeye

Bodje « velin » avou l’ betchete « e- » des viebes avou l’ cawete di codjowaedje « -er » des viebes racuzinåve avou l' vî lingaedje d’ oyi « envlimer ».

Prononçaedje

• AFE :
  • diferins prononçaedjes : /ɑ̃ːv.ni.me/ /ɛ.viːl.me/ /ɛ.vɛʀ.me/ /ɛ.vjɛʀ.mi/ /ɛ.vɛʀ.mi/ /a.vɛl.mi/ /ɛ̃.vɛ.ni.me/ /ɛ.vɛ.ni.mɛ/ /ɛ.wil.me/ /ɛ.vyl.mɪ/ /ɛ.vyl.me/ /ɛ.vil.mɪ/ /ɛ.vɛl.mɪ/ /ɛ.vil.me/ Prononçaedje a radjouter
  • prononçaedje zero-cnoxheu : Prononçaedje a radjouter /ɛ.vil.me/
• Ricepeures : e·vil·mer

Viebe

Djin et tins	Codjowa
Cåzant Ind. pr. (dji, dj’)	evilmêye
Atôtchî(s) Ind. pr. (vos, vs)	evilmez
Cåzants Ind. pr. (nos, ns)	evilmans
Rwaitants Ind. pr., nam. (i/il, ele/elle)	evilmêynut
Cåzant Ind. fut. (dji, dj’)	evilmêyrè
Cåzant D.I.E. (dji, dj’)	evilméve
Cåzant Suddj. pr. (ki dji, dj’)	evilmêye
pårt. erirece (dj’ a, vos av)	evilmé
Ôtes codjowaedjes	come tchicter

evilmer

1. (viebe å coplemint) (mot d’ medcén) epwezner, froxhî ene plåye.
   • on-z evilmêye ene plåye a l' greter
2. (viebe å coplemint) (imådjreçmint) apiri ene sacwè.
   • Li no k' i poirtéve, l' educ et l' instruc k' on lyi aveut dné disk' al betchete des doets, n' avént siervou k' a evilmer s' laide åme. — Joseph Vrindts, « Li pope d'Anvers » (1896), p.47 (fråze rifondowe).
3. (viebe å coplemint) (imådjreçmint) fé målåjhey les afwaires da ene sakî.
   • Evilmer les afwaires.
   • Et so çoula, Colasse
     Tchessa foû di s' coujhene li djalot marlatcha,
     K' aveut raetchî l' pwezon ki dveut, dai, ç' moumint la
     Evilmer po lontins l' veye do vî rapace ! — Louis Lagauche, "Mayon" (1923), p. 29 (fråze rifondowe).
   • Ni vnoz nén evilmer les cåzes.
4. (viebe å prono) (mot d’ medcén) nén riweri comifåt mins divni co pés tot djåzant d' ene plåye.
   • èn abcès ki s' evilmêye.
   • li coixheure s' a evilmé.
   • Et sès spales, qui lès cwèdes avît totes disson-n’tés,
     Estît magnèyes dès mohes,
     Ca lès mohes, come lès omes,
     Inmèt d’miner l’åriole so ’ne gougne qui s’èvilmêye… — Joseph Mignolet, "Li tchant del croes", 1932, p. 98.
5. (viebe å prono) (mot d’ medcén) apiri tot djåzant d' ene malådeye.
   • Ene maladeye ki s' evilmêye.
6. (viebe å prono) (imådjreçmint) apiri tot djåzant d' ene margaye.
   • ça s' a evilmé.

Parintaedje

• evilmaedje
• evilmeure
• revilmer
• divilmer
• vilmeus

Sinonimeye

• (nén riweri comifåt mins divni co pés tot djåzant d' ene plåye) : si revilmer, s’ epwezner, s’ efouwer, s’ apostumer, si pounyî
• (fé pé) : agraver, apiri, egrami
• (divni pé) : apiri, agraver

Ortografeyes

Après 1900, foû rfondou (Feller, Feller ricandjî, nén Feller) :

• èvilmi : E170, G215
• èvîlmer; èvèrmer : G215
• invènimer : O4
• èvulmi : E170, G215
• èvièrmi : G215
• èvèlmi : E1, E21, E170, G215
• èwilmer : E170
• èvulmer : E1, E170
• èvènimè : C1
• avèlmi : G215
• èvilmer : E1, E170, G215
• èvèrmi : G215
• anv'nimè : G215

Ôtès ortografeyes (avou des sourdants nén rkinoxhous) :

• èvulmer : E215

Ratournaedjes

epwezner, froxhî ene plåye

• Francès : infecter ^(fr)

apiri ene sacwè

• Francès : aggraver ^(fr), empirer ^(fr)

fé målåjhey les afwaires da ene sakî

• Francès : gâter ^(fr), pourir ^(fr)

nén riweri comifåt mins divni co pés tot djåzant d' ene plåye

• Francès : s'infecter ^(fr)

apiri ene sacwè

• Francès : aggraver ^(fr), empirer ^(fr)

apiri tot djåzant d' ene margaye

• Francès : aggraver ^(fr), empirer ^(fr), s'envenimer ^(fr)