hatchî

Walon (Rifondou)

Etimolodjeye

Bodje « hatche » avou l’ cawete di codjowaedje « -î » des viebes.

Prononçaedje

• AFE :
  • diferins prononçaedjes : /ha.ˈt͡ʃiː/ /hɛ.ˈt͡ʃiː/ /a.ˈt͡ʃiː/ /a.ˈt͡ʃi/
  • prononçaedje zero-cnoxheu : /ha.ˈt͡ʃiː/
• Ricepeures : ha·tchî

Viebe

hatchî (viebe å coplemint) (2^inme troke) (codjowaedje)

1. côper e ptits bokets.
   • Hatchî del tchår. — Motî Haust (fråze rifondowe).
2. spiyî avou ene hatche
   • Il î corèt abeymint
     Avou leus hatches et leus coides
     Po hatchî wice k' i gn a rén
     I gn a nén des pus adroets. — François Barillié, divins Li camarad′ dè l'joie, 1852 (fråze rifondowe).
3. (belès-letes) assåder, ataker.
   • A vosse mwin gåtche, c' est les Vervîtwès, et a mwin droete, c' est les Lidjwès, et droet dvant vos, c' est les Holandès, loukîz les bén come i hatchèt. — François Barillié, Li camarad′ dè l'joie, 1852, L’antermagique, p.74 (fråze rifondowe).
   • — Lès côps d’halbådes di sès sôdårs tchèrpintés d’plonk,
     Lès rôl’mints dèl tonîre qui hatchît sès rampårs —
     C’èst l’coûr plin d’djalos’rèye qui l’djâle potche so nosse monde… — Joseph Mignolet, "Li tchant del croes",, 1932, p. 17.

Parintaedje

• hatchisse, hatchêye, hatcheure
• hatchrece, hatchwere, hatchåd
• hatchaedje, hatcheu, hatchreye
• hatchrote
• cohatchî, discohatchî, rihatchî
• hatchoter

Sinonimeye

• cotaeyî
• discotaeyî

Ratourneures

1. on n’ såreut hatchî sins fé des schetes

Ortografeyes

Divant 1900 :

• xhechi : E212 ^(lére)
• hachî : E203 ^(lére)

Après 1900, foû rfondou (Feller, Feller ricandjî, nén Feller) :

• hatchî : E1
• atchî : C9, C106, O0, O3, O4, O51
• hètchî : E1
• atchi : C1, C13

E rfondou walon :

• hatchî : R9 ^(lére), R10 ^(lére)

Ratournaedjes

hatchî

• Francès : hacher ^(fr)

Pårticipe erirece

	singulî	pluriyal
omrin	hatchî	hatchîs
femrin	hatcheye	hatcheyes

hatchî omrin

1. pårticipe erirece do viebe « hatchî ».

Addjectif

	singulî	pluriyal
omrin	hatchî	hatchîs
femrin padrî	hatcheye	hatcheyes
femrin padvant	hatcheye	hatcheyès

hatchî omrin

1. må fwait, sins nole sogne.
   • On ovraedje k’ est hatchî. — Motî Haust (fråze rifondowe).