splinke

Cial, n a des racsegnes eciclopedikes so les splinkes

Walon

• 

  Li bwès d’ beyôle, c’ est li splinke ; li bråyloe, c’ est l’ tchinne (1) et li splinke (2).

Alofômes di s(i)- / (e)s-

Cogne prumrece (dirî V.)	Dispotchaedje (dirî C.)	Divanceye voyale (dirî C.)
splinke	siplinke	esplinke

Etimolodjeye

Calcaedje di l’ almand « Sprenkel » (schåyoe), avou ridaedje R L (mot cité dins l’ FEW 17), kécfeye avou assaetchance di spingue.

Prononçaedje

• AFE :
  • diferins prononçaedjes : /splɛ̃k/ /spʀɛ̃k/ /splẽk/ /spʀek/
  • prononçaedje zero-cnoxheu : /splɛ̃k/
• Ricepeures : nén rcepåve

Sustantif

singulî	pluriyal
splinke	splinkes

splinke o. & f. (mot bikebok)

1. bwès k’ on passe dins ene tchinne po serer on sistinme d’ atelaedje, copurade :
   1. (mot d' tcheron) dins l’ bråyloe do tchår (sistinme di seraedje do xhamea sol londje).
   2. po serer les fagots.
   3. po tinkyî li coide po serer les tcherêyes di four.
   4. po serer l’ coûte d’ ene tcherowe.
   5. (mot des tchårs) po tni bon ene tronce k’ on tchereye so on tchår.
      • Po n’ nén fé do trîxhneu, dji vons poirter l’ tronce å splinke. — P.-J. Dosimont.
2. li minme bwès, ki sieve come baston.
   • Dj’ a fotou do splinke å tchén. — Motî d’ Bastogne (fråze rifondowe).
3. cingue di cur k’ on pout serer ene sakî so on lét, ene tcherete di stroupyî.
   • Li fi del måjhone si pormoennéve dins ene pitite tcherete todi bén rlujhante å solea, niclêye come les djambes do gamén resserêyes dins des gotires di fier, erloyeyes avou des splinkes di noer cur. — J. Schoovaerts (fråze rifondowe).
4. (mot d’ medcén) binde (elastike ou di stofe) k’ on sere åtoû d’ on mimbe ki sonne.
5. trintche di pwin.

Parintaedje

• splincant
• splinkea
• splinkî
• splincter

Ortografeyes

Divant 1900 :

• splinck : E212
• splinke : E212

Après 1900, foû rfondou (Feller, Feller ricandjî, nén Feller) :

• sprinke : G209 p. 162
• suplinke : S117
• splinke : G209 (p. 137 et 162), E1, C13, S27, S109, S117
• siplinke : S0
• splénke : C106
• sprékes : G209 p. 160
• s(u)plinke : S0

Li mot n’ est nén dins : R13

Si vos irîz rnaxhî dins des ôtes motîs, et trover l’ mot « splinke », riherez ciddé li scrijha do mot ki vos î avoz trové, et l’ rahouca do motî el djivêye.

Ratournaedjes

± bwès po serer

• Francès : tortoir ^(fr), garrot ^(fr)

± baston Loukîz a : baston

• Francès : bâton ^(fr)

± cur po serer d’ astok

• Francès : sangle ^(fr)

± binde k’ on sere åtoû d’ on mimbe ki sonne

• Francès : garrot ^(fr)

pîce di pwin

• Francès : tranche ^(fr)