xhene

Li rfondaedje di ç’ mot cial est co so balance.

Walon (Rifondou)

Etimolodjeye

(etimolodjeye nén acertinêye) motoit ki les deus mots si sont acmaxhîs avou l' tins.

• Tayon-bodje vî francike « kīnan* », did la, avou l' betchete es, li vî francès « eschignier » et l' viebe « xhiner » avou svierba do viebe mot cité dins l’ FEW 9 324, sotnowe pa Haust avou.
• Tayon-bodje vî francike « handjan* » adon racuzinåve avou « hagnî », pal voye do vî francès « haignier » (brognî, gruziner), did la li sustantif vî francès « haigne » (laide trogne). Ou pus schayetmint, disfondowe hègnî di « hagnî » rilevêye a Hu. Hègnî (grimacer) et hègnan (grimaçant) do motî Forir vinèt sotni ciste abayeye, mins pôreut ossu esse li minme candjmint d' voyale ki signer/segnî. Esplicreut k' i n' avaxhe nol ôte ridaedje -NER/-GNÎ e walon minme si chiner vént do vî francès « eschignier ».

Prononçaedje

• AFE :
  • diferins prononçaedjes : /hɛɲ/ /ʃin/ /ʃɛɲ/
  • prononçaedje zero-cnoxheu : /ʃɛn/
• Ricepeures : nén rcepåve

Sustantif

singulî	pluriyal
xhene	xhenes

xhene femrin

1. çou k' mostere li vizaedje do ci, del cene ki l' kitoid.
   • Ké xhene, cwand on n' lyi a dné k' deus biyokes !
   • Come i s' tournéve après leye, tot estené, ele lyi fjha-st ene clignete et ene dimeye xhene k' on åreut polou prinde po on sorire — Jean-Pierre Dumont (fråze rifondowe).
   • (I boutèt leus veres foû. Hinri fwait ene xhene et tosse, Crespin å contraire si raletche) — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Mins on n’ aprind nén a on vî mårticot a fé des xhenes, dai, potince ! Dji vs l’ a yeu d’ ene alinne. — Henri Simon, Li bleû-bîhe, 1886, p.15 (fråze rifondowe).
   • I fjheut des mawes et des xhenes eco pé k' onk dås Lolåds. — Antoine Bouhon, Les Brixhes da Gèrâ, 1900, sinne I, p.4 (fråze rifondowe).
   • Et l’ pexheu ki vént passer s’ tins,
     Sol boird del Mouze, tos les dimegnes,
     Al longue s’ a-st afaiti des xhenes
     Ki l’ ome doet fé cwand i s’ sitind
     El gofe ki lyi sievrè d’ bedreye. — Joseph Vrindts, Vîx Lîge, (1901), p.16, “Li Pèheu à l’Vège” (fråze rifondowe).
2. vizaedje ki s' kitoid, po mostrer k' el djin voet voltî ene sacwè, ene parole.
   • I tire ene drole di xhene.
3. (foclore) masse di cwarmea.

Ratourneures

1. fé des xhenes ås stoeles
2. fé l’ xhene
3. fé ene xhene
   • Dispoy tofer, il î crexhe ene bele vegne
     Ki dj' dôrlote come li boune mere si ptit
     Et si ene halene mi fwait kécfeye ene xhene,
     On bea påwion vént sol côp m' redjouwi. — Louis Lagauche, Amon nos autes, tchansons tchusèyes, (1908-1912), «L'éritèdje» p.72 (fråze rifondowe).
4. fé l’ xhene so tot mostrer avou s' vizaedje k' on n' inme nén.
   • Sins esse on halcotî, i fwait l' xhene so tot !— Thomas Gaspar, Li Rantoele l° 102 p. 11 (fråze rifondowe). F. grimacer, rechigner, faire la moue.

Mots d’ aplacaedje

1. xhene d’ apoticåre
   1. essegne k' i gn aveut ås apotekes. F. enseigne.
   2. seure mene. F. mine renfrognée.

Sinonimeye

vizaedje ki s' kitoid, måcontin (dins les ratourneures: drole di ~, fé ~)

• pote
• mawe
• figueure
• tiesse
• gueuye
• mene

Ortografeyes

Divant 1900 :

• xhigne : E212 ^(lére)
• hegn : E203 ^(lére)

Après 1900, foû rfondou (Feller, Feller ricandjî, nén Feller) :

• chine : C1, C100
• hègne : E1 ^(lére), E34, E170
• higne : E212b

E rfondou walon :

• xhene : R9 ^(lére), R10 ^(lére), R13

Li mot n’ est nén dins : E89

Ratournaedjes

dessén do vizaedje ki s' kitoid

• Francès : grimace ^(fr), singerie ^(fr)

vizaedje d' on måcontin (dins les ratourneures: drole di ~, fé ~)

• Francès : tête ^(fr), gueule ^(fr), bouille ^(fr), moue ^(fr)

masse di cwarmea

• Francès : masque ^(fr)

Codjowas

xhene

1. indicatif prezintrece, prumire et troejhinme djins do singulî, do viebe « xhiner ».
2. suddjonctif prezintrece, prumire et troejhinme djins do singulî, do viebe « xhiner ».
3. kimandeu prezintrece, deujhinme djin do singulî, fôme camaerådrece, do viebe « xhiner ».

Waitîz eto

• So Berdelaedjes, vey li bate di dvizes.