bouxhî djus

Walon (Rifondou)

Etimolodjeye

Aplacaedje di : «bouxhî» + «djus».

Vierbire

bouxhî djus (v. å spitron)

1. (viebe å coplemint) fé toumer (ene djin, on cayet) tot lyi dnant on côp.
   • Vos l' bouxhrîz djus avou on doet. — Motî Haust (fråze rifondowe).
   • Tot s' batant l' djoû del fiesse,
     On côp d' pougn k' i rçuva,
     L' esboirgna :
     Come il aveut beu,
     L' ôte el bouxha djus,
     Dispoy, i n' voet pus. — Henri Forir, Blouwett lîgeoiss, On bon pârti (traduit du français), 1843, p.29 (fråze rifondowe).
   • Di m' cuzén, c' esteut l' mariaedje,
     On m' dit d' aler tot doûçmint
     Al marieye, sorlon l' uzaedje,
     Padzo l' tåve, disfé l' loyén.
     Mins a poenne esteu dj' al tere,
     D' on côp d' pî dj' so bouxhî djus :
     Dj' aveu pris l' djambe d' ene grand-mere
     Dji dveu ene desse å Bon Diu. — Toussaint Brahy, Toussaint Brahy, œuvres wallonnes posthumes, Ji d'véve ine dette â bon Diu, 1886, p.17 (fråze rifondowe).
     
   • Mins on bouxhreut bén djus l’ ome ki fwait l’ fricasseu d’ feves et ki rmonte si col di troes doets po fé l’ yane. — Arthur Xhignesse, Bwègnes mèssèdjes èt p'titès gotes, (1905), p.13 (fråze rifondowe).
   • Et cwand les fåtcheus vnèt so posse,
     Tot bouxhant djus les hôts djaveas,
     C' e-st on vû nid ki l' fier atrosse
     Et fwait carôler sol hourlea. — Jean Dessard, D'ine cohe so l'aute, 1939, p.30 Amon lès oûhês (1934) (fråze rifondowe).
   • Les pîs des hôtins ni m’ tripelront nén ; les mwins des våréns ni m’ bouxhront nén djus — Ratournaedje des såmes, p. 58 (fråze rifondowe).
2. (viebe å coplemint) (camaerådreçmint) touwer.
   • Li colera k’ endè bouxhive tant djus,
     Esteut por zels ene vindjince dal copete,
     Et ls enocints fjhént zûner leus clapetes. — Joseph Vrindts, Vîx Lîge, (1901), p.115, “Li Cholèrâ” (fråze rifondowe).
   • Vos dvîz tuzer a çoula davance el plaece do fé l' fiesse avou Delfosse … C' est twè ou c' est lu k' a bouxhî l' ome djus? — Paul-Henri Thomsin, ratournant Maigret èt l’danseûse d’å Gai-Moulin, 1994, p. 18 (fråze rifondowe et rarindjeye).
3. (viebe å coplemint) fé toumer tot distrujhant, fé toumer d' on plin côp.
   • I fårè bouxhî ç' meur la djus — Motî d’ Cînè, a «bouchi» (fråze rifondowe et rarindjeye).
   • Mins, mågré les côps d' hatches, les côpe-feu k' on-z î drouve,
     Les waezons k' on ritoûne et çou k' on bouxhe djus,
     Come èn infier, li feu passe oute et porshût si ouve
     Avou l' côp d' mwin do diåle ! Li vint, ki huze dissus ! — Louis Lagauche, L'aimant, (1947), Li ponne dè gård di bwès, p. 148 (fråze rifondowe).
   • E 1983, li Walonreye esteut å fén mitan di rascråwes k' ont bén manké del bouxhî djus — Lucyin Mahin, ratournant l' afitcha pol tuzance walone.
4. (viebe å coplemint) (mot d’ medcén) rinde foirt malåde (des djins, des biesses), tot cåzant d' on må.
   • Li pesse, ås pôvès biesses, livréve li guere;
     S' ele ni morént nén totes, totes estént bouxheyes djus — Antoine Kirsch, dins Les biesses acsûtes del pesse (fråze rifondowe).
5. (viebe å coplemint) wangnî so ene sakî.
   • I s' dit bén k' i gn a des vidius
     Ki vont sayî del bate,
     Mins ç' n' est nén zels kel bouxhront djus! — Louis Lagauche, Lès bèlès-eûres, (1928), p. 63 (fråze rifondowe).
   • Neni, i gn a rén a fé di ç’ costé la. Li boûsse m’ a bouxhî djus. C’ est ç’ trô la k’ i m’ fåt stoper avou çou k’ dji va toutchî do notaire. — Louis Lagauche, Les bwèh'lîs, 1948, p.17 (fråze rifondowe).
6. (viebe å coplemint) (mot d’ acleveu di tchvås) fé toumer di s' tchivå.
   • Esse bouxhî djus d' si tchvå — Motî Haust (fråze rifondowe).
7. dins l’ ratourneure : «bouxhî l’ martchî djus».
8. (viebe å prono) : Loukîz a : « si bouxhî djus ».

Ratourneures

1. Vos l' bouxhrîz djus avou on doet : dijhêye po s' fote d' on flåwe.

Mots d’ aplacaedje

bouxhe-tot-djus

Sinonimeye

mete al tere

• taper djus
• bouter djus
• abate
• distrure

touwer (camaerådeçmint)

• ahessî
• likider
• ramuster

rinde foirt malåde

• acsure
• rascråwer

Ortografeyes

Divant 1900 :

• bouxhi-ju : E212 ^(lére)
• bouhî-ju : E203 ^(lére)

Après 1900, foû rfondou (Feller, Feller ricandjî, nén Feller) :

• bouhî djus : E1 a «bouhî»
• bouchi djus : C13 a «bouchi»

E rfondou walon :

• bouxhî djus : R10 ^(lére), R11 ^(lére)

Ratournaedjes

mete al tere

• Francès : abattre ^(fr), détruire ^(fr), mettre à bas ^(fr)

touwer

• Francès : liquider ^(fr), régler son compte ^(fr), zigouiller ^(fr)

rinde foirt malåde

• Francès : abattre ^(fr), frapper ^(fr), atteindre ^(fr) (gravement)

fé toumer di s' tchivå

• Francès : désarçonner ^(fr), mettre à terre ^(fr)

wangnî so

• Francès : surpasser ^(fr), l' emporter ^(fr) sur, vaincre ^(fr)

Pårticipe erirece

bouxhî djus omrin

1. Pårticipe erirece omrin do viebe « bouxhî djus ».

Addjectif

	singulî	pluriyal
omrin	bouxhî djus	bouxhîs djus
femrin	bouxheye djus	bouxheyes djus

bouxhî djus omrin

1. k' a atrapé ene laide maladeye.
   • Li pesse, ås pôvès biesses, livréve li guere;
     S' ele ni morént nén totes, totes estént bouxheyes djus — Antoine Kirsch, dins Les biesses acsûtes del pesse (fråze rifondowe).
2. malåde, coûtchî e s' lét.
   • Dji m' trouve cåzu bouxhî djus å mwinde vint contraire. — Jean Bosly, ratournant L' imitåcion d' Djezus-Cri. — Jean Bosly, L’ îmitåcion d’ Jèzus-Cris (ratourné di J. Bosly) (fråze rifondowe).
3. coûtchî sol costé, tot djåzant d' on tchvå, d' ene vatche.
   • Sint Djôzef, Mareye et Djezus,
     Djondant l' ågne, k' esteut bouxheye djus,
     Si djhît :— Joseph Vrindts, « Pâhûles rîmês » (1897), "Li nivaie", p.79 (fråze rifondowe).

Sinonimeye

• acsût, djondou, rascråwé

Ratournaedjes

• contaminé, atteint
• fr= allité
• F. être sur le flanc, en décubitus latéral.