påye

Walon (Rifondou)

Etimolodjeye

Tayon-bodje latén « pax » (« påye, coeyisté, ripoizaedje »).

Prononçaedje

• AFE :
  • diferins prononçaedjes :
    • /pɔːj/ /paːj/ (betchfessî å)
    • (pa rfrancijhaedje) /pɛː/ /pe/
  • prononçaedje zero-cnoxheu : /pɔːj/  ^{aschoûtez lu}
• Ricepeures : nén rcepåve

Sustantif

singulî	pluriyal
påye	påyes

påye femrin

1. termene k’ on n’ si bate nén, inte payis.
   • C’ est Noyé
     On vôreut k’ çoula fouxhe vré
     Avou l’ påye so l’ tere
     Et des omes di boune volté. — André Gauditiaubois.
2. acoird po mete ene ahote a on conflit.
   • Les araedjîs, avou leu påye,
     K’ i loumèt d’ Fexhe et ki l’ diåle åye,
     Cisse påye ki, dispoy deus troes ans,
     Fwait setchi les ptits et les grands,
     Cisse påye ki dji lome on tchinisse,
     Di tchagrin m’ a fwait vni l’ djaenisse ! — Marian de Saint-Antoine, Paskeie di J’han Sapire, poirteu â seigge, 1795, tecse lijhåve e Feller vocial et schoutåve vola (fråze rifondowe).
3. airance la k’ on est trankile, sins brut, sins mehins.
   • So leu voye, i trovèt Decan
     Ki mete li påye avou ene botaye. — Henri Forir, Blouwett lîgeoiss, Po beûr on kô al fiess, 1843, p.22 (fråze rifondowe).
4. cossina fwait inte deus pårteyes k’ estént e guere u e margaye.
   • Li påye di Cargnon, riscrîte e walon.
   • Li påye uropeyinne po les mancîs lingaedjes.
   • Il aveut minme fwait eplaidî des papîs, — nén si må scrîts k’ ça, åré — po splitchî li Påye d’ Aroucha, inte li govienmint houtou eyet les revinteus toutsis. — Lucyin Mahin.

Ratourneures

1. fé påye et cwite
2. lai m’ e påye
3. våt mî l’ påye ki l’ guere

Parintaedje

• avou l’ bodje « påjh- »
  • påjhûle / pajhire
  • rapåjhî, rapåjhant, rapåjhaedje
  • rapåjhter, rapåjhtant, rapåjhtaedje, rapåjhteu
• avou l’ bodje « pwai- »
• rapwairi

Mots d’ aplacaedje

• lai-m’-e-påye
• Påye di Fexhe, Påye d’ Angleur (mots istorikes, po çou ki rwaite l’ eployaedje di « påye »)
• Påye di Cargnon, Påye di Versaye (noûmots, po çou ki rwaite l’ eployaedje di « påye »)

Sinonimeye

• (airance la k’ on est trankile) : påjhûlisté, påjhirté, coeyisté

Contråve

• (termene k’ on n’ si bate nén, inte payis) : guere

Omofoneye possibe

• Påye (viyaedje)

Pwaire minimom

• /paːj/
  • paye (f.n.; strin)
  • paye (f.n.; salåre, çou k’ est payî)
• /pɔːj/
  • poye (f.n., oujhea, frumele do cok)
  • poy (o.n.; pwel)
  • poy (adv.; après)
• /pe/
  • pé (adv. pus må)
  • pés (tetes d’ ene vatche)

Mots vijhéns

• påwe (pawon, oujhea)
• påwion (o.n., inseke)
• på (o.n., piket)

Ratournaedjes

termene k’ on n’ si bate nén, inte payis

• Inglès : peace ^(en)
• Espagnol : paz ^(es)
• Francès : paix ^(fr)
• Itålyin : pace ^(it)
• Neyerlandès : vrede ^(nl)
• Polonès : pokój ^(pl)

rairance la k’ on est trankile

• Francès : paix ^(fr), tranquilité ^(fr), quiétude ^(fr), sérénité ^(fr)

acoird inte deus pårteyes k’ estént e l’ guere

• Francès : paix ^(fr), traité ^(fr), charte ^(fr), accord ^(fr)