djalêye

Walon (Rifondou)

• 
  djalêye d' ivier
• 
  djalêye di pemes
• 
  foye di djalêye d' oxheas
• 
  djalêye di labo

Etimolodjeye 1

Do viebe « djaler », avou l’ cawete « -êye ».

Prononçaedje

• AFE :
  • diferins prononçaedjes : /d͡ʒa.ˈlɛːj/ /d͡ʒa.ˈlɛj/ /d͡ʒa.ˈle/ /d͡ʒa.ˈlej/ /d͡ʒɛ.ˈlej/
  • prononçaedje zero-cnoxheu : /d͡ʒa.ˈlɛːj/
• Ricepeures : dja·lêye

Sustantif

singulî	pluriyal
djalêye	djalêyes

djalêye femrin

1. (nén contåve) (mot d’ meteyo) sôre di nive ki s' fwait pa edjalaedje del rozêye al tere.
   • Li djalêye a cût mes feves.
   • Les verdeures ont stî prinjhes del djalêye.
   • Li bîje disbobine lès djaléyes
     Su mès deûs massales totes roselantes.
     Li bîje sofèle tote li djoûrnéye,
     Todi pu fèle èt pus agnante.
     — Jacques Desmet.
   • Qui l’iviér vinse asteûre ! Li grain, fwért èt vigreûs,
     pout ratinde, sins crankî, lès djalêyes èt lès freûds
     — Henri Simon, Li pan dè Bon Diu, Li sûrdèdje.
2. tins ådzo d' zero dgrés.
   • Pa ç' djalêye ci, nos irans a l' glissoere sol fosse.
   • Cwand dji m' voe prijhnî des bijhes et des djalêyes
     Et k' i m' fåt bén viker come el fwait l' sodoirmant,
     Mi cour djereye do rpinde å lon ses evolêyes
     El sôlante florixhåjhe des prumîs tins crexhants— Louis Lagauche, "L' inmant", Li cité des Aclots, (1947), p. 131 (fråze rifondowe).
   • A l' ivier, cwand les stoeles xhinèt les dints, c' est sene di djalêye — Michel Anselme (fråze rifondowe).
   • Ci pire la n' aléve nén po basti: ele tournéve a rén avou les plouves et les djalêye (ramexhné pa Jean Germain).
3. (contåve) nute k' il î fwait dizo d' zero dgré.
   • Gn a co yeu troes djalêyes e moes d' may.

Ratourneures

1. blanke djalêye, claire djalêye : edjalaedje del rozêye del nute, dabôrd k' i n' djale nén do djoû. F. gelée blanche.
2. evoyî al djalêye
3. poyowe djalêye : djalêye ki leye come des poys après les fis, les åbes. On dit eto: djivronde. F. givre.
4. poyowe djalêye est d' pô d' durêye; u : li (blanke) djalêye a s' cou rlavé : i rploût docô après.
5. li djalêye do vénrdi sint ni fwait pont d' toirt ås fleurs : : doûce creyance
6. djalêye e moes d' avri et d' may, c' est des mizeres a tot sketer : paski totes les verdeures ki vnèt d' esse semêyes, les åbes ki boutèt vont edjaler.
7. noere djalêye, djalêye ki coixhe : grand froed di hôte bijhe.
8. li tins eva al djalêye u : si va mete al djalêye u : si rtape a djalêye : i va fé dizo zero tins del nute.
9. del nive dissu des broûs, del djalêye divant troes djoûs
10. el djalêye a s' cou rlavé : : i ploût dsu.
11. djalêye e-n avri ey e may, c' est des mizeres a tot sketer :

Sinonimeye

emårlaedje, mårlaedje, måle, råle, relêye

Omofoneye possibe

• diålêye (tchedje di grins diålés)

Ortografeyes

Après 1900, foû rfondou (Feller, Feller ricandjî, nén Feller) :

• djalé : E165 p. 114
• djèléye : O0, O3, O4
• djalée : S109
• djaléye : C1, C8, C13
• djalêye : E1, E34, O2, S0

E rfondou walon :

• djalêye : R9 ^(lére), R10 ^(lére), R11 ^(lére), R13

Ôtès ortografeyes (avou des sourdants nén rkinoxhous) :

• djaléye : G251
• djalée : G251

Ratournaedjes

rozêye prinjhe ådzo d' zero dgrés

• Arabe : صقيع ^(ar) = صَقِيع =‎ çaqî3
• Arabe marokin : jri7a (jriHa) =‎ جريحة = جْريحة
• Almand : Reif ^(de)
• Inglès : frost ^(en)
• Espagnol : escarcha ^(es)
• Francès : gelée ^(fr)
• Neyerlandès : rijp ^(nl), rijm ^(nl)
• Kimon amazir marokin : ⴰⴳⵔⵉⵙ ^(zgh) =‎ agris

tins ådzo d' zero dgré

• Almand : Frost ^(de)
• Inglès : frost ^(en)
• Espagnol : helada ^(es)
• Francès : gel ^(fr)
• Neyerlandès : vorst ^(nl)

Etimolodjeye 2

Do viebe « djaler », avou l’ cawete « -êye » (après Lidje, «djalêye» et après Tchålerwè, «djèléye» ), avou assaetchance do francès «gelée» (so Nameur et l' Basse Årdene, «jèléye»).

Prononçaedje

• AFE :
  • diferins prononçaedjes :
    • /ʤa.'lɛːj/ /ʤɛ.'lej/
    • (pa rfrancijhaedje) /ʒɛ.'lɛːj/ /ʒɛ.'lej/ /ʒɛ.'le/
  • prononçaedje zero-cnoxheu : /d͡ʒa.ˈlɛːj/
• Ricepeures : dja·lêye

Sustantif

singulî	pluriyal
djalêye	djalêyes

djalêye femrin

1. (amagnî) sôre di prinjhe sirôpe, k' on fwait avou sacwants fruts (gurzales, pemes, poeres).
   • Dj' a mindjî del djalêye so m' tårtene.
   • Li dame del måjhone k' aveut-st apoirté ene miyete di djalêye al malåde derit a s' mere : — Joseph Vrindts, « Li pope d'Anvers » (1896), p.82 (fråze rifondowe).
2. djus d' tchå raclairi, et divnou glumiant.
   • Del djalêye di vea.
   • On nos a siervou on pî d' pourcea avou toplin del djalêye.
3. (noûmot pa stindaedje do sinse) prodût tchimike del minme cogne, k' on saetche di des ales.
   • I plonkèt dins l' aiwe po ramasser les ales, k' i rvindèt po fé del djalêye.

Mots d’ aplacaedje

• djalêye d’ oxheas

Ortografeyes

Après 1900, foû rfondou (Feller, Feller ricandjî, nén Feller) :

• jèléye : FC99 a "gelée"
• djèléye : O0, O3, O4
• djalêye : E1, E34
• gèléye : C8

E rfondou walon :

• djalêye : R10 ^(lére)
• djelêye : R9 ^(lére), R11 (rifondaedje ricandjî enawaire) ^(lére)

Li mot n’ est nén dins : R13

Ratournaedjes

• F. gelée, gélatine.
• F. gelée.
• F. gel, agar-agar.

Waitîz eto

Lijhoz l’ årtike djalêye (discramiaedje) so Wikipedia