drener

Walon (Rifondou)

Alofômes di d(i)-

Plinne cogne	Sipotcheye cogne
direner	drener

Li rfondaedje di ç’ mot cial est co so balance. Fåt i scrire « drener » u « draener » ?

Etimolodjeye

Bodje « rin », avou l’ rafoircixhante betchete « di- » des viebes, avou l’ cawete di codjowaedje « -er » des viebes, mot cité dins l’ FEW 10 249a.

Prononçaedje

• AFE :
  • diferins prononçaedjes : /dʀɛne/ /dʀane/ /dʀanɛ/ /dʀaːne/ /dʀãne/
  • prononçaedje zero-cnoxheu : /dʀɛne/ (waire u nén prononcî insi å 20inme sieke)
• Ricepeures : dre·ner

Viebe

Djin et tins	Codjowa
Cåzant Ind. pr. (dji, dj’)	drene
Atôtchî(s) Ind. pr. (vos, vs)	drenez
Cåzants Ind. pr. (nos, ns)	drenans
Rwaitants Ind. pr., nam. (i/il, ele/elle)	drennut
Cåzant Ind. fut. (dji, dj’)	drenrè
Cåzant D.I.E. (dji, dj’)	drenéve
Cåzant Suddj. pr. (ki dji, dj’)	drene
pårt. erirece (dj’ a, vos av)	drené
Ôtes codjowaedjes	sipepieus tåvlea

drener

1. (v. sins coplemint)
   1. crever dizo l' ovraedje.
      • Å scours, dji drene.
      • Vinez d'lé mi, tos vos-ôtes qui drènèt d'zos l' pwès dè l' vèye, èt dji v' rindrè corèdje — Jean Bosly, ratournant L' imitåcion d' Djezus-Cri.
      • Èt mèrci Diu, v’s-èstez trop djônne
        Po drènez d’zos l’ pwès dès displis. — Ernest Brassinne.
      • D’on condan-né qu’drènéve dizo l’fårdê di s’creû…
        Jésus n’èsteût pus à rik’nohe… — Joseph Mignolet, "Li tchant del croes", 1932, p. 98.
   2. moudri, kimaxhî;
      • Tot ravôtiant s’ poupåd divins s’ grand vwele di ranse,
        Ele s’ a-st ashiou dvant mi
        Et, so troes moes k’ ont xhilté come ene transe,
        Ele a djemi.
        Troes mots k’ ont fwait drener s’ pôve coir. — Jules Claskin, « Airs di flûte et autres poèmes wallons », édition critique de Maurice Piron, 1956, « Si feume », p.66-67 (fråze rifondowe).
2. (viebe å coplemint)
   1. bouxhî dissu (ene biesse, ene djin) a make.
      • Ça n' vieve a rén d' drener les biesses — Motî d’ Bastogne (fråze rifondowe).
   2. scheure.
      • Li nûlêye a drené,
        Ses pezants toneas d’ aiwe rôlèt tot avå l’ cir ; — Jules Claskin, « Airs di flûte et autres poèmes wallons », édition critique de Maurice Piron, 1956, « Å triviès dèl plêve », 1922, p.21 (fråze rifondowe).
   3. fé crever, tot djåzant d' ene deure ovraedje.
      • Ti t' frès drener a poirter des grossès tchedjes inla.
3. (viebe å prono) : Loukîz a : « si drener ».
   1. si touwer a l' ovraedje.
      • Dji so tot drané — Motî d’ Bastogne (fråze rifondowe).

Parintaedje

• drané, drane
• drenant

Sipårdaedje do mot

w. do Coûtchant, Basse Årdene

Ortografeyes

Divant 1900 :

• dirèné : E203 (!!! a-z aveuri) ^(lére)

Après 1900, foû rfondou (Feller, Feller ricandjî, nén Feller) :

• dirèner / d'rèner : E170 a "dirèner"
• dran.ner : O0
• drèner : E1
• draner : S0, S117, O0

E rfondou walon :

• drâner : JDsp
• drener : R13

Li mot n’ est nén dins : E89

Ratournaedjes

v.s.c., crever dizo l' ovraedje

• Francès : fléchir ^(fr), être accablé ^(fr)

v.c., crever dizo l' ovraedje

• Francès : éreinter ^(fr)

v.c., bouxhî so ene biesse a make

• Francès : maltraiter ^(fr), brutaliser ^(fr)