hepe

Walon (Rifondou)

• 

  Hepes so on blokea.

• 

  Hepe cwårrece (a droete) et hepe findrece (a hintche).

Etimolodjeye

Tayon-bodje vî francike * « happja » (minme sinse) mot cité dins l’ FEW 16 144b (lére).

Prononçaedje

• AFE :
  • diferins prononçaedjes : /hɛp/ /ɛp/ /hap/ /ap/ ; miersipepieuzmint e l’ notule ALW 1.49 ; (H prumrece)
  • prononçaedje zero-cnoxheu : /hɛp/
• Ricepeures : nén rcepåve

Sustantif

singulî	pluriyal
hepe	hepes

hepe femrin

1. usteye des bokions, avou on taeyant d’ fier d’ on costé, metowe so on mantche, fwaite po finde u po côper.
   • L’ abateu a rpassé si hepe, i va abate on grand plope.
   • Dji lyi fin l’ tiesse d’ on côp d’ hepe, el ci ki m’ vôreut aprinde èm mestî d’ boskiyon. — René Painblanc.
   • On-z atake a-z abate al hepe d’ on costé, pu on s’ adjnoye, et rceper d’ l’ ôte costé. — Motlî d’ Tchonveye.
   • Les côps d’ lådje hepe bouxhnut e bwès,
     Té l’ mouvmint d’ on metronome
     Dinant tot si epoltaedje a l’ ome. — Pierre Lazard.
2. (pus stroetmint) hatche des tchårlîs et des mnujhîs, des tcherpetîs avou on court mantche et on arondi taeyant, plat d’ on costé, po cwårer les bwès.
   • Les hepes ni s’ rawijhèt ki d’ on costé ; l’ ôte est plat. — Ernest Benoit.
   • on tchèsse on cougnèt d’ bwès al liesse dèl hèpe po fé sèrer l’ mantche — Motî Haust.

Ratourneures

1. fé ene sacwè al hepe : nel nén fé comifåt. On dit eto : fwait al fonne.
2. hårder s’ hepe
3. bate s’ hepe
4. afiler s’ hepe

Parintaedje

• hepiete
• hepler
• hepter

Mots d’ aplacaedje

• hepe cwårrece, hepe al buze hepe plate d’ on costé po cwårer les bwès.
• hepe-tchape

Sinonimeye

• (pol bwès) hatche, abatrece, cougneye
• (di botchî) hatchåd, hatchoe

Dizotrins mots

• grand-hatche, cwårrece

Ortografeyes

Divant 1900 :

• hep : E89 ^(lére), E203
• xheppe : E212

Après 1900, foû rfondou (Feller, Feller ricandjî, nén Feller) :

• hèpe : E1, E212b, S0, S38b
• = hęp (hèpe) : S38 (hagnon 1)
• ape : O0, O3, O4, O5
• èpe : C1, C8, C9, C13, O0

E rfondou walon :

• hepe : R9 ^(lére), R10 ^(lére), R13

Ratournaedjes

usteye po côper do bwès

• Arabe : chaTour =‎ شطور ^(ar); chaqour =‎ شقور ^(ar)
• Arabe marokin : chaqor = شقور
• Almand : Beil ^(de), Hacke ^(de)
• Inglès : axe ^(en), hax ^(en)
• Francès : hache ^(fr), cognée ^(fr)
• Neyerlandès : bijl ^(nl), hakbijl ^(nl)

fé ene sacwè al hepe

• Francès : faire quelque chose grossièrement

Waitîz eto

Lijhoz l’ årtike hepe so Wikipedia.