médyî

Walon (Rifondou)

Etimolodjeye

Bodje « méde » avou l’ dobe cawete « -yî » des viebes, ou tot droet do latén medicare.

Prononçaedje

• AFE :
  • diferins prononçaedjes : /me.ˈdjiː/ /me.ˈdje/ /me.ˈdji/ /me.ˈdjɛ/ /me.ˈdiː/ /me.ˈdi/ /miː.ˈdi/
  • prononçaedje zero-cnoxheu : /me.ˈdjiː/
• Ricepeures : mé·dyî

Viebe

Djin et tins	Codjowa
Cåzant Ind. pr. (dji, dj’)	médeye
Atôtchî(s) Ind. pr. (vos, vs)	médyîz
Cåzants Ind. pr. (nos, ns)	médians
Rwaitants Ind. pr., nam. (i/il, ele/elle)	médeynut
Cåzant Ind. fut. (dji, dj’)	médeyrè
Cåzant D.I.E. (dji, dj’)	médyive
Cåzant Suddj. pr. (ki dji, dj’)	médeye
pårt. erirece (dj’ a, vos av)	médyî
Ôtes codjowaedjes	come tcheryî

médyî

1. (viebe å coplemint) sognî (ene maladeye, on malåde, ene plåye).
   • On lyi a médyî s' må — ALW 15 sol medcene (fråze rifondowe).
   • Ele si vneut fé médyî a Bure, dé les frés.
   • I s' a médyî lu-minme — ALW 15 sol medcene (fråze rifondowe).
   • Les pourceas, c' est målåjhey a médyî, saiss — Båze di dnêyes di l’ Årdene nonnrece (fråze rifondowe).
   • Dispoy ki nos femes l' ont médyî,
     I s' a, mafrike, tot ragrawyî ; — Henri Forir, Blouwett lîgeoiss, Po mamzel Ross R... li joû di s'fiess, 1843, p.20 (fråze rifondowe).
   • « Mame, di-st i,
     Médyîz-m', dj' a må k' po-z assoti !
     Ene pitite, ene metchante vipere,
     M' a vnou hagnî »— Martin Lejeune, "Œuvres lyriques du poète Martin Lejeune" p. 104-105, "L’amour atrape lu pètche" (fråze rifondowe).
   • Dj' irè médyî vos mwins k' on clawe
     Vosse cour k' on trawe — Jean Guillaume (fråze rifondowe).
   • Les romanichels î codént des sôres di fleurs k' i lzî faleut po médyî diferins mås — Lucyin Mahin, Ène bauke su lès bwès d’ l’ Ârdene, p. 175 (fråze rifondowe).
   • C' est dvins zels ki dji rvoe, po médyî m' languidône,
     Mi prumire florixhåjhe ki m' a fwait çou k' dji so
     Et k' dji serè djourmåy tant ki m' dimeurrè co
     — Louis Lagauche, "L' inmant", Li tchanson del Mouze, (1947), p. 99 (fråze rifondowe).
2. ((v. å nén dit coplemint)) aidî a riweri.
   • Cwand on-z a des mås d' estoumak, li camamele médeye — ALW 15 sol medcene (fråze rifondowe).
   • C' est ene sacwè ki médeye — Motî del Hesbaye (fråze rifondowe).
   • Li plåye mi schôpeye : c' est l' ôlmint ki cmince a médyî — Motî d’ Vervî (fråze rifondowe).
   • Sins zeles ki dvénreut ele e toubion ki nos khere
     Dizo l' progrès ki cmaxhe el plaece do vni médyî— Louis Lagauche, "L' inmant", Li tchanson del Mouze, (1947), p. 110 (fråze rifondowe).
3. (v. å coplemint nén direk eployî avou li dvancete « a ») mete des rmédes (so).
   • Vola ût djoûs ki dj' médeye a m' djambe — Motî Toussaint (fråze rifondowe).
4. (v. å coplemint nén direk eployî avou li dvancete « a ») trover on rméde a.
   • Li måleur est fwait, dji n' î såreu rén médyî — Motî d’ Vervî (fråze rifondowe).

Parintaedje

• médiaedje, médieu, médyince, médyinne, médiåjhe,
• rimédyî
• Loukîz a : « méde »

Sinonimeye

• (sognî on malåde) : sognî, droucter, droucturner
• (rifé on må) : riweri
• (baxhî ene poenne) : aminder, solåcyî

Sipårdaedje do mot

w. do Mitan, Basse Årdene, w. do Levant

Ortografeyes

Divant 1900 :

• médî (3inme sôre : nos médians) : E203 ^{([[:oldwikisource:fr:Dictionnaire liégeois-français (Forir)/médî (3inme sôre : nos médians)|lére]])}
• médi (4inme sôre : médihèdje, médishadge) : E212 ^{([[:oldwikisource:fr:Dictionnaire wallon-françois (Villers)/médi (4inme sôre : médihèdje, médishadge)|lére]])}

Après 1900, foû rfondou (Feller, Feller ricandjî, nén Feller) :

• mîdi : G215 p. 335
• médiè : S117, G215 p. 335
• médî (3inme sôre : nos médians) : C99, E1, E34, G215 p. 335
• médier : S17 p. 185, S117, G215 p. 335
• médi (4inme sôre : médihèdje, médishadge) : E21, E165 p. 56, E200, G215 p. 335
• médyî : C99, G215 p. 335, S117
• médî (2inme sôre : ça méde) : E213
• médi (3inme sôre : médiadje) : C1, C99, G215 p. 335

E rfondou walon :

• médyî : R10 ^(lére), FR13 (a "soigner")

Li mot n’ est nén dins : E145

Ratournaedjes

sognî on malåde

• Inglès : to treat ^(en), to cure ^(en)
• Francès : traiter ^(fr), soigner ^(fr), médicamenter ^(fr)

sognî on må

• Francès : traiter ^(fr), soigner ^(fr), soulager ^(fr)

sognî ene plåye

• Francès : traiter ^(fr), panser ^(fr), donner des soins ^(fr) (à)

fé baxhî on må, ene poenne

• Francès : remédier ^(fr) (à)

Pårticipe erirece

	singulî	pluriyal
omrin	médyî	médyîs
femrin	médieye	médieyes

médyî omrin

1. Pårticipe erirece omrin do viebe « médyî ».
   • On lyi a médyî s' må — ALW 15 sol medcene (fråze rifondowe).
   • I s' a médyî lu-minme — ALW 15 sol medcene (fråze rifondowe).