rilignî

Walon (Rifondou)

Alofômes di r(i)-

avou ene sipotchåve voyale	avou ene divanceye voyale	sipotcheye cogne
rilignî	erlignî	rlignî

• 

Etimolodjeye

Tayon-bodje latén « lenus » (doûs, nén froed) avou l’ betchete « ri- » des viebes ey avou l’ cawete di codjowaedje « -er » des viebes; ridivni doûs.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Disfondowes: r(i)lignî, (è)rlignî, r(i)ligni, r(u)lignî, (è)rlègni, (è)rlègnî, r(i)lègnî, (è)rlignî-n, r(u)ligner, r(u)lignè, r(ë)ligner, miersipepieuzmint el mape A.L.W. 3.24 ey el notule A.L.W. 3.85.

Viebe

rilignî (codjowaedje)

1. (v. sins djin) fé pus doûs, tot djåzant do tins, ki dmeure toltins dizeu zero, adon ki dvant, i djaléve tofer.
   • Li vint a tourné, por mi, i va rlignî — Motî del Fagne et del Tieraxhe (fråze rifondowe).
   • Li tins s' radoûcixh; i va rlignî — Motî d’ Cerfontinne (fråze rifondowe).
   • Cwand i rlegne, les meurs sonnèt — Motî Forir (fråze rifondowe).
   • Les semaedjes schitèt cwand i rlegne — Motlî d’ Tchonveye (fråze rifondowe).
   • I fåreut ki cist emårlaedje la fijhaxhe rilignî — Motî d’ Djivet (fråze rifondowe).
2. (v. sins coplemint) :
   1. fonde.
      • Li glaece rilegne.
   2. disdjaler, tot djåzant d' ene ahesse k' esteut prinjhe del glaece.
      • Li robinet rlegne.
      • Mouze rilignrè sins oister — Motî Forir (fråze rifondowe).
      • Les toets rlignèt (E. Dethier).

      F. dégeler.

   3. disdjaler, tot djåzant d' èn edjalé amagnî.
      • Dji rexhe li tchå di l' adjaloe al nute, come ça el rilegne tot doûçmint.

      F. se décongeler.

   4. (imådjreçmint) si sgoter.

      F. couler.

      aveur si nez ki rlegne : aveur todi ene gote å nez, di cåze d' on matchurea.

3. (v. å coplemint) :
   1. fé fonde.
      • Li solea a rlignî l' flô. El plouve erlegne el nive (F. Deprêtre et N. Nopère).
   2. disdjaler.
      • Dj' a rlignî l' tchå k' esteut e frigo.
   3. bate sins remission, dins les djeus d' cåtes, u les djeus d' cwårs.
      • Il a stî rlignî, mi ome.

      On dit eto: ploumer.

Parintaedje

• rilén, rilignant
• rilignaedje
• dislignî, dislén
• rilignter

Ratournaedjes

• F. faire un temps de dégel.
• F. fondre.
• F. faire fondre.
• F. décongeler.
• F. décaver.