terêye

Walon (Rifondou)

Etimolodjeye

Do viebe « terer », avou l’ cawete « -êye »

Prononçaedje

• AFE :
  • diferins prononçaedjes :
    • /tɛ.ˈʀɛːj/ /tɛ.ˈʀej/ /tɛ.ˈʀɛj/ /tɛ.ˈʀe/
    • (pol sustantif) : /tɛ.ˈʀaːj/; miersipepieuzmint e l’ notule ALW 8.42 .
  • prononçaedje zero-cnoxheu : /tɛ.ˈʀɛːj/
• Ricepeures : te·rêye

Pårticipe erirece

	singulî	pluriyal
omrin	teré	terés
femrin	terêye	terêyes

terêye femrin

1. femrin pårticipe erirece (fok dins ene fråze al vwès passive), do viebe : «terer».

Ratournaedjes

terêye

• Francès : terrée ^(fr)

Sustantif

singulî	pluriyal
terêye	terêyes

terêye femrin

1. (mot d’ zolodjeye) trô k' ene grosse biesse ås tetes (rinåd, taesson, robete) fwait dins tere po-z î dmorer.
   • Il efoumént les rnåds dins leus terêyes
   • Dji cnoxheu tos les pazeas, les åbes, les terêyes di lapén. — André Henin (fråze rifondowe).
   • Dj' avize ene marmote, astampêye, ki m' toûne li cou et rmoussî dins s' terêye, come l' aloumire. — Lorint Hendschel.
2. trô cåvlé pa des djins, sovint po s' catchî.
   • Maria Deyi! Nos estans dins ene sôre di terêye, savoz, la ! — Jean-François Brackman (fråze rifondowe).
3. plaece k' ene metchante djin s' î catche.
   • Po vindjî nosse gamén — dji l' a prometou a s' mame cwand dj' esteu-st al môre —, i m' faleut foirci l' ôrimiele a moussî foû di s' terêye. — Joseph Lahaye (fråze rifondowe).
4. (mot do bastimint) ancyin plantchî d' gurnî fwait avou del foite tere et des lates a bolter.
5. terén la k' on tape evoye les riketes.

• 
  gueuye d' ene terêye di rnåd u d' taesson, dins l' nive

Ratourneures

1. gueuye del terêye : trô po rexhe u po moussî dvins.

Sinonimeye

• (trô d' ene biesse) : trô, bôre, terî, terire
• (trô cåvlé pa des djins) : bôme, soterén
• (plaece k' ene metchante djin s' î catche) : djîsse, radjîstoe

Dizotrins mots

taesnire

Ortografeyes

Après 1900, foû rfondou (Feller, Feller ricandjî, nén Feller) :

• tèrâye : G208
• tèréye : C13, O0, O4, G208
• tèrêye : E1, O0, O2

E rfondou walon :

• terêye : R11 ^(lére)

Li mot n’ est nén dins : C8, E203, S109, R13

Ratournaedjes

trô d' ene biesse

• Francès : terrier ^(fr)

trô cåvlé pa des djins

• Francès : souterrain ^(fr), grotte ^(fr)

plaece k' ene metchante djin s' î catche

• Francès : terrier ^(fr), repaire ^(fr), refuge ^(fr), retraite ^(fr)