rapairi

Walon (Rifondou)

Viebe

Bodje « pair- » (sinse ?), avou l’ betchete « ra- » des viebes, avou l’ cawete di codjowaedje « -i » des viebes.

Prononçaedje

• AFE :
  • diferins prononçaedjes : (betchfessî ai)
    • /ʀa.pwɛː.ˈʀi/ /ʀa.pɛː.ˈʀi/ /ʀa.pe.ˈʀi/ Prononçaedje a radjouter /ʀa.pe.ˈʀœ/
    • (ôte cawete d' infinitif) /ʀa.pe.ˈʀjiː/
  • prononçaedje zero-cnoxheu : /ʀa.pɛː.ˈʀi/
• Ricepeures : ra·pai·ri

Viebe

Djin et tins	Codjowa
Cåzant Ind. pr. (dji, dj’)	rapairi / rapairixh
Atôtchî(s) Ind. pr. (vos, vs)	rapairixhoz
Cåzants Ind. pr. (nos, ns)	rapairixhans
Rwaitants Ind. pr., nam. (i/il, ele/elle)	rapairixhnut
Cåzant Ind. fut. (dji, dj’)	rapairirè / rapairixhrè
Cåzant D.I.E. (dji, dj’)	rapairixheu
Cåzant Suddj. pr. (ki dji, dj’)	rapairixhe
pårt. erirece (dj’ a, vos av)	rapairi
Ôtes codjowaedjes	come prusti

rapairi

1. (viebe å coplemint) rafrister l' tcholeur, e l' esté, tot djåzant d' on frisse vint.
   • Gn a vnou on ptit poy d' air del mer, k' a rapairi l' waernu.
2. (viebe å coplemint) rafroedi (ôte tchoi).
   • Prustez m’ vos raecenes,
     Po ki dj’ m’ î ragrabouye,
     Î rapairi mes lepes
     Tot bevant å sourdant — Jacques Desmet, Dêrènes bates, Mès racènes, 2014 (fråze rifondowe).
3. (viebe å coplemint) (mot d’ mônî) rafroedi (li farene) cwand ele rexhe del boultreye.
4. (viebe å coplemint) rapåjhî.
   • Li mere a waitî d' el rapairi come elle a seu — Lucyin Mahin.
   • Sôdårds, rapairixhoz tos ls efants pa ene ledjire caresse — Christian Thonet (fråze rifondowe).
   • Ele baltêye on moumint la, dzeu ene bele tere d' avoennes ;
     Loucant cial, loucant la po rapairi ses djonnes — Louis Lagauche, "L' inmant" (1947), p. 75 (fråze rifondowe).
5. (v. sins coplemint) rafroedi et ramoli, tot djåzant del tchå d' ene biesse djusse touwêye.
   • I fåt ratinde deus djoûs po kel pourcea rapairixhe.
   • Nos lairans l' tchår rapairi e l' cåve — Motî d’ Cerfontinne (fråze rifondowe et rarindjeye).
6. (viebe å prono) : Loukîz a : « si rapairi ».

Notule d’ uzaedje

Li viebe å prono « si rapairi » si rescontere bén pus sovint ki li simpe « rapairi ».

Parintaedje

• rapairixhant
• rapairixhaedje
• rapairixhmint

Ratournaedjes

rafroedi ene tchôde sacwè

• Francès : rafraîchir ^(fr)

rafroedi l' farene

• Francès : refroidir ^(fr)

rapåjhî

• Francès : apaiser ^(fr), tranquiliser ^(fr)

rafroedi po del tchå

• Francès : amollir ^(fr), mollir ^(fr), attendrir ^(fr)

Pårticipe erirece

	singulî	pluriyal
omrin	rapairi	rapairis
femrin	rapaireye	rapaireyes

rapairi omrin

1. Pårticipe erirece omrin do viebe "rapairi".
   • On s' a rapairi divant d' boere del froede aiwe, e l' leyant cori ene miete so ses bresses — Rawete do Motî Gilliard (fråze rifondowe).

Addjectif

	singulî	pluriyal
omrin	rapairi	rapairis
femrin padrî	rapaireye	rapaireyes
femrin padvant	rapaireye	rapaireyès

rapairi (come addjectif djondrece, metou padvant u padrî l’ no)

1. ki n' est pus nåjhi.
   • Dji so-st ene miete rapairi; dji va rprinde mes usteyes et m' bezogne — Motî d’ Fosse-li-Veye (fråze rifondowe).
   • Asteure ki dj' so rapairi, dji m' riboute a l' ovraedje — Motî Pirsoul (fråze rifondowe).
2. ki n' a pus peu.
   • Li gamene, ene miete rapaireye, s' a vnou mete so s' schô.
3. (mot d’ meteyo) ki n' est pus si stofant, tot djåzant do tins.
   • Li tins est tot rapairi — Motî Alphonse Massaux (fråze rifondowe).
   • Li tins est rapairi cwand i court di l' air; i n' fwait pus si tchôd; ça fwait do bén — Motlî sol tins k' i fwait a Djåçlete, p. 32 (fråze rifondowe et rarindjeye).
   • Après ene nûlêye d' oraedje, li tins est sovint rapairi — Motlî sol tins k' i fwait a Djåçlete, p. 60 (fråze rifondowe et rarindjeye).

Sinonimeye

• (pus scran): ripoizé, dihodé
• (ki n' a pus peu): rapåjhî, rapåjhté, rimetou

Ratournaedjes

ki n' est pus nåjhi

• Francès : reposé ^(fr)

ki n' a pus sogne

• Francès : calmé ^(fr), apaisé ^(fr), tranquilisé ^(fr), , rasséréné ^(fr), remis de ses émotions ^(fr)

Codjowa

	Dobès rfondowes
rapairi		rapairixh

Do viebe «rapairi»

1. indicatif prezintrece, prumire djin do singulî
2. kimandeu prezintrece, deujhinme djin do singulî, fôme camaerådrece

Omofoneye possibe

• raperer (ricnoxhe li plaece di, fr. repérer)
• rapwairyî (rimete des sacwès a pwaires)