stofe

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stofe	sitofe	estofe

Etimolodjeye 1

Tayon-bodje latén « stupa » (stope) divnou l’ almand « Stupfa », pu candjî e « stuffa », « stoff », « stuff », did la, ripassé ezès lingaedjes romans pal voye do walon (stofe) et do bourguignon « estofle »; mot cité dins l’ FEW 17 247b.

Prononçaedje

• AFE :
  • prononçaedje zero-cnoxheu : /stɔf/ (minme prononçaedje pattavå)
• Ricepeures : nén rcepåve

Sustantif

singulî	pluriyal
stofe	stofes

stofe femrin

1. féns fis texhous, bråmint po fé des mousmints, et ôte tchoi (gordenes, envd.).
   • Gn a nén assez di stofe divins ci tchapea la. — Motî Forir (fråze rifondowe).
   • Et si vo vwès est ossu boune
     Ki l’ estofe di vosse marone,
     Vos pôrîz concori avou Colas Bweron ! — Léon Bernus.
   • Dj’ aveu les deus filets plins a hope, et l’ pake di stofe dizo l’ bresse, et l’ poûssete : dj’ esteu tcherdjeye come on bådet. — Båze di dnêyes di l’ Årdene nonnrece (fråze rifondowe).
   • Li costire discôpéve çou k’ i faleut pol paltot djus del pake di stofe. — Jean-Jacques Gaziaux.
   • Li mame a tchåssî ene cote k’ i n a nén seur po deus cints francs di stofe po l’ fé, et les efants corèt a dmey tot nous. — Paul-Henri Thomsin.
   • On djonne here, prince di s’ mestî, avou si blanke cote et si rafûlaedje del tiesse avou on ceke di stofe pol tini. — Lucyin Mahin.

Ratourneures

1. del sitofe si tene k’ on shofelreut des poes houte : vårmint tene.
2. esse rabiyî sins stofe : dijhêye cwand onk (ene) vos dit vos cwate verités.
3. linwe di comere, linwe di curé, c’ est del sitofe a n’ sawè dschirer : po dire ki les comeres et les curés ont ene boune linwe.

Parintaedje

• stofé
• stofreye

Mots vijhéns

• drap, testile, toele

Dizotrins mots

• (sôres di stofes) : tirtinne, pilou, tchamwesse
• (operåcions so ene sitofe) : cresper, cretler, sclefer
• (råyaedje d’ ene sitofe tot fjhant on « V ») : cénk
• (muzeures) : ône, pake, pîce
• (boirds) : rivlinne, sinzorî

Dischindance

• Espagnol : estofa
• Francès : étoffe
• Portuguès : estofa

Ortografeyes

Divant 1900 :

• sitof : E203 ^(lére)
• sutoffe : E212 ^(lére)

Après 1900, foû rfondou (Feller, Feller ricandjî, nén Feller) :

• stofe / sutofe : E34, E212b, S0, S117
• stofe / sitofe : C8
• stofe : C1, C106, E1
• stofe / èstofe : O4

E rfondou walon :

• stofe : R13
• stofe / sitofe u estofe : R10 ^(lére)

Ratournaedjes

stofe

• Arabe : ثوب ^(ar) =‎ thoûb
• Arabe marokin : توب ^(ary) =‎ tob
• Almand : Stuff ^(de)
• Francès : étoffe ^(fr), tissu ^(fr)
• Gåmès : ètofe
• Neyerlandès : stof ^(nl), weefsel ^(nl)

Sourdants

Etimolodjeye: Dicotations

Waitîz eto

Lijhoz l’ årtike stofe so Wikipedia

Etimolodjeye 2

Do viebe « stofer ».

Prononçaedje

• AFE :
  • diferins prononçaedjes : /stɔf/ /stuf/ /stuːf/
  • prononçaedje zero-cnoxheu : /stɔf/

Codjowas

stofe

1. indicatif prezintrece, prumire et troejhinme djins do singulî, do viebe « stofer »
2. suddjonctif prezintrece, prumire et troejhinme djins do singulî, do viebe « stofer »
3. kimandeu prezintrece, deujhinme djin do singulî, fôme camaerådrece, do viebe « stofer »

Adviebe

stofe (nén candjåve)

1. Svierba do viebe di stofer (aveur foirt tchôd) dins l’ ratourneure : fé stofe.