acmoide

Walon (Rifondou)

Etimolodjeye

Bodje « moide » (hagnî) comprindou imådjreçmint, avou l’ betchete « ac- » des viebes.

Viebe

acmoide (v. å coplemint)

1. riçure (ene djin).
   • Si vs avoz l’ måleur di l’ acmoide e vosse tchambe, i n’ vos cwitrè nén pus k’ ene pouce. — Jean Wisimus.
2. fé amoussî, fé intrer (des novelès dujhances, des nouvès uzances, des novelès abutudes).
   • On ns aprindeut les viyès manoyes eyet les viyès mzeures, c’ esteut po-z acmoide e payis les manoyes et les mzeures del Révolucion francesse. Les Inglès, ki passèt portant po foirt sûtis, n’ ont co savou, disk’ asteure, acmoide les novelès mzeures e leu payis, et portant i ricnoxhèt k’ ele sont meyeuses ki les leurs. — Nicolas Lequarré.
3. aprovijhî (ene såvadje biesse).
   • On n’ a nén todi åjhey po-z acmoide les djonnès biesses. — Reynolds Hostin.
   • Ça fwait ki li Ptit Prince acmoirda li rnåd ; et cwand fourit po nd aler, li rnåd lyi djha : "Dji tchoûlrè" "C’ est vos l’ fåte, risponda li Ptit Prince ; dji n’ vos voleu pont fé d’ må, mins vs avoz volou ki dji vs acmoirdaxhe". — A. de Saint-Exupéry, rat. pa L. Hendschel.
4. fé s’ abitouwer (ene djin, ene biesse, ene plante) a on novea payis.
5. (viebe å prono) : Loukîz a : « s’ acmoide »..

Sinonimeye

• (bén rçure): ascoyî

Mots vijhéns

• (fé s’ abitouwer) aclever

Parintaedje

• acmoirdou
• acmoisse
• racmoide

Ortografeyes

Divant 1900 :

• akmoitt : E203
• akmoirdé : E203
• akmoid : E177 (1839)
• ackmuatte : E212
• acmoid : E89 ^(lére), E177 (1823)

Après 1900, foû rfondou (Feller, Feller ricandjî, nén Feller) :

• ac’mwède : E1, E34
• acmwèrder : E170
• acomwarsi : C9
• acmwade : C13
• acomwade : C9
• acomwader : C9
• acmwède : E170

E rfondou walon :

• acmoide : R9 ^(lére), R10 ^(lére)

Li mot n’ est nén dins : C8, R13

Sipårdaedje do mot

Coinrece Payis d’ Lidje, Nameur, Cinè.

Ratournaedjes

bén rçure

• Francès : accueillir ^(fr)

fé amoussî, fé intrer

• Francès : introduire ^(fr), implanter ^(fr), faire adopter, faire admettre

aprovijhî

• Francès : apprivoiser ^(fr)

fé s’ abitouwer

• Francès : acclimater ^(fr), habituer ^(fr)