acmoide

Walon (Rifondou)

Etimolodjeye

Bodje « moide » (hagnî) comprindou imådjreçmint, pa l'voye do latén *accommordere avou l’ betchete « ac- » des viebes, çou ki dene on mot avou l’ cawete di codjowaedje « -de » des viebes mot cité dins l’ FEW 2/2 959 eyet co mot cité dins l’ FEW 24 171a, racuzinave avou li vî francès amordre.

Prononçaedje

• AFE :
  • diferins prononçaedjes :
    • /ak.ˈmwat/ /ak.ˈmwɛt/ (betchfessî oi, halcrosse rîlêye)
    • (avou ene ôte cawete) /ak.mwaʀ.ˈde/ /a.kɔ.mwa.ˈde/ /a.kɔ.mwaʀ.ˈsi/
  • prononçaedje zero-cnoxheu : /ak.ˈmwat/
• Ricepeures : ac·moide

Viebe

Djin et tins	Codjowa
Cåzant Ind. pr. (dji, dj’)	acmoid
Atôtchî(s) Ind. pr. (vos, vs)	acmoirdoz
Cåzants Ind. pr. (nos, ns)	acmoirdans
Rwaitants Ind. pr., nam. (i/il, ele/elle)	acmoidnut
Cåzant Ind. fut. (dji, dj’)	acmoidrè
Cåzant D.I.E. (dji, dj’)	acmoirdeu
Cåzant Suddj. pr. (ki dji, dj’)	acmoide
pårt. erirece (dj’ a, vos av)	acmoirdou
Ôtes codjowaedjes	come ratinde

acmoide (viebe å coplemint) (å prono : s’ acmoide)

1. riçure (ene djin), et fé camaeråde avou leye.
   • Si vs avoz l’ måleur di l’ acmoide e vosse tchambe, i n’ vos cwitrè nén pus k’ ene pouce — Jean Wisimus.

1. fé amoussî, fé intrer (des novelès dujhances, des nouvès uzances, des novelès abutudes).
   • On ns aprindeut les viyès manoyes eyet les viyès mzeures, c’ esteut po-z acmoide e payis les manoyes et les mzeures del Révolucion francesse. Les Inglès, ki passèt portant po foirt sûtis, n’ ont co savou, disk’ asteure, acmoide les novelès mzeures e leu payis, et portant i ricnoxhèt k’ ele sont meyeuses ki les leurs — Nicolas Lequarré.
2. rinde doumiesse (ene såvadje biesse).
   • On n’ a nén todi åjhey po-z acmoide les djonnès biesses — Reynolds Hostin.
   • Ça fwait ki li Ptit Prince acmoirda li rnåd ; et cwand fourit po nd aler, li rnåd lyi djha : « Dji tchoûlrè »
     - C’ est vos l’ fåte, responda li Ptit Prince ; dji n’ vos voleu pont fé d’ må, mins vs avoz volou ki dji vs acmoirdaxhe — LHen~, ratournant « Li ptit prince ».
3. fé abitouwer (ene djin, ene biesse, ene plante) a on novea payis.

Parintaedje

• acmoirdou
• acmoisse
• racmoide

Sinonimeye

• (bén rçure): ascoyî
• (rinde doumiesse): aprovijhî

Mots vijhéns

• (fé s’ abitouwer) aclever

Ortografeyes

Divant 1900 :

• akmoitt : E203 ^(lére)
• akmoirdé : E203 ^(lére)
• akmoid : E177 (1839)
• ackmuatte : E212 ^(lére)
• acmoid : E89 ^(lére), E177 (1823)

Après 1900, foû rfondou (Feller, Feller ricandjî, nén Feller) :

• ac’mwède : E1, E34
• ac’mwade : E212b
• acomwader : C9
• acmwèrder : E170
• acmwade : C13
• acomwade : C9
• acomwarsi : C9
• acmwède : E170

E rfondou walon :

• acmoide : R9 ^(lére), R10 ^(lére)

Li mot n’ est nén dins : C8, R13

Sipårdaedje do mot

Coinrece Payis d’ Lidje, Nameur, Cinè.

Ratournaedjes

bén rçure

• Francès : accueillir ^(fr)

fé amoussî, fé intrer

• Francès : introduire ^(fr), implanter ^(fr), faire adopter, faire admettre

aprovijhî

• Francès : apprivoiser ^(fr)

fé s’ abitouwer

• Francès : acclimater ^(fr), habituer ^(fr)

Codjowa

acmoide

1. suddjonctif prezintrece, prumire et troejhinme djins do singulî, do viebe « acmoide ».
   • Eco I fåt i ki dj' l' acmoide.