blanc

Walon (Rifondou)

Etimolodjeye

Bodje tîxhon « blanka » ‎(« rilujhant »),lu-minme do lu-minme rimontant a on bodje induropeyin * bhleg- (lure), pal voye do tayon-bodje patwès latén « blancus » (minme sinse)

Prononçaedje

• AFE :
  • diferins prononçaedjes : /blã/ /blɔ̃/ (minme prononçaedje cåzu pattavå)
  • prononçaedje zero-cnoxheu : /blã/
• Ricepeures : nén rcepåve

Addjectif

	singulî	pluriyal
omrin	blanc	blancs
femrin atribut	blanke	blankes
femrin epitete (todi padvant)	blanke	blankès

blanc omrin

1. (coleur) sins coleur (paski revoyant totes les wachlires di l’ airdiè).
2. foirt clair (tot djåzant del pea.
   • Madlinne est l' piele di nosse viyaedje,
     A Lidje, cwand ele va mete si laecea,
     C' est a kî vantrè s' doûs vizaedje,
     Ses tchifes roslantes, si blanc hatrea,
     Et ses beas tchveas noers come gayete,
     Tot çoula fwait k' dji n' pou doirmi :
     Bén sovint, dj' pleure e catchete,
     Paski dj' croe k' ele si moke di mi. — Toussaint Brahy, Toussaint Brahy, œuvres wallonnes posthumes, Mad'leine, 1887, p.28 (fråze rifondowe).
     
3. (mot d’ medcén) ki n’ a pus waire di sonk e s’ vizaedje.
   • Mondju, k’ il est blanc ! i m’ a sbaré ; vouss wadjî k’ il a l’ sida ?
4. (imådjreçmint) dihessî d' ene måcule.
   • Vos dvoz t esse ossu blanc d’ petchî k’ ele est bele. — Joseph Mignolet, Li tchèsturlinne dèl bèle rotche, 1922, p.13 (fråze rifondowe).

• 
  Des djins avou des blankès mousseures.
• 
  Ene blanke rôbe.
• 
  On blanc tchvå.

Ratourneures

1. ossu blanc k’ ene afitche
2. ossu blanc k’ on feu d’ li
3. blanc come on moirt
4. blanc come ene makêye
5. blanc come li laecea, blanc come do laecea.
   • Tot l’ monde vout vey
     Li ptit dint, blanc come do laecea,
     Ki stitche come ene pitite tchiveye
     Foû del grosse djoixhe di nosse gurzea. — Martin Lejeune, Œuvres lyriques du poète wallon Martin Lejeune, p.140, « Li prumî dint » (fråze rifondowe).
   • I mina waidyî ses motons, k' estént ossu blancs k' on laecea, divins les praireyes ossu blankes k' ene nivaye. — Joseph Vrindts, Li pope d'Anvers, (1896), p.87 (fråze rifondowe).
   • Èlle èsteût si bèle insi, sins tchapê, on pavwêr divins ses tch’vès coleûr d’avonne, dès bleûs-oûy d’avièrje' et dès p’titès mins pus blankes qui l’ lèçê qu’èle buvéve. — Jean-François Renkin, On dimègne, 1896.
6. blanc come li nive
   • I mina waidyî ses motons, k' estént ossu blancs k' on laecea, divins les praireyes ossu blankes k' ene nivaye. — Joseph Vrindts, Li pope d'Anvers, (1896), p.87 (fråze rifondowe).

Parintaedje

• blankeur
• blancmint
• blancåsse, blankinasse
• blanki, blankixheu, blankixhaedje, blankixhreye
• riblanki

Sinonimeye

• (blanc come li nive) : come di l' albasse

Ortografeyes

Divant 1900 :

• blan, blank : E177a ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• blan, blanke : C8
• blanc, blanke : E1, E34
• blan : C9
• blanc : C1, E21, O0, O2, O3, O5, O92 ^(lére)

E rfondou walon :

• blanc, blanke : R9 ^(lére), R10 ^(lére), R13

Ratournaedjes

sins coleur

• Arabe : أبيض ^(ar) = أَبْيَض =‎ 'abiaD
• Arabe marokin : بيض ^(ary) = بْيض =‎ bia6 (biaD)
• Almand : weiss ^(de)
• Inglès : white ^(en)
• Espagnol : blanco ^(es)
• Francès : blanc ^(fr)
• Neyerlandès : wit ^(nl)
• Kimon amazir marokin : ⵓⵎⵍⵉⵍ ^(zgh) =‎ omlil, ⴰⵎⵍⵍⴰⵍ ^(zgh) =‎ amellal

Sustantif

	singulî	pluriyal
omrin	blanc	blancs
femrin	blanke	blankes

blanc omrin

1. coleur sins coleur.
   • Li blanc vos ahåye mî ki l’ noer.
2. ome d’ ene blanke pea.
3. (pexhon) pexhon des doûcès aiwes come li tchvene, l’ åblete, li tchacåd, tertos del famile des cyprinidae
   • Les blanc si vnént ecramyî dins l’ såme. — Lucyin Mahin (fråze rifondowe).
4. (mot d’ colebeu) colon di blanke coleur.
   • [des colons ki copinèt dvins on sondje]
     Come li solo ki rvént po fé rovyî l' oraedje,
     Dj' etinda tot doûçmint ricmincî leus cactaedjes.
     On blanc, prindant ene penêye, tot s' ratnant do stierni,
     Racontéve k' on bea djoû, si mwaisse l' aveut mådi — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.36 (fråze rifondowe).
     
5. mousmints di cisse coleur la.
   • Bouwer des blancs. — Vocabulaire des lavandières et repasseuses (fråze rifondowe).
6. (dins èn arinnoe) valet (po-z atôtchî on bon soçon).
   • Ça t’ va, blanc ?
7. spot dné åzès djins k’ ont des blonds tchveas, ki saetchèt après l’ blanke coleur.
   • — Kî k’ c’ esteut ?
     — Li ptit blanc d’ mon Ivon.

Ratourneures

1. divins l’ blanc des ouys.
   • Nos avans l' abitude do loukî l' moirt dvins l' blanc des ouys. {{s-rif|JVpa|(1896), p.12}

Waitîz eto

Lijhoz l’ årtike Blanc (coleur) so Wikipedia

Francès

Addjectif

	singulî	pluriyal
omrin	blanc	blancs
femrin	blance	blances

blanc omrin

1. blanc (mot scrît eyet prononcî e francès come e walon)

Sustantif

singulî	pluriyal
blanc	blancs

blanc omrin

1. (coleur) blanc (mot scrît eyet prononcî e francès come e walon)