craeye

Walon (Rifondou)

Etimolodjeye

Tayon-bodje latén « craticula » ‎(« glindisse »), mot cité dins l’ FEW 2 1290b.

Prononçaedje

• AFE :
  • diferins prononçaedjes : /kʀaj/ /kʀaːj/ /kʀɛːj/ /kʀoːj/
  • prononçaedje zero-cnoxheu : /kʀɛj/
• Ricepeures : nén rcepåve

Sustantif

singulî	pluriyal
craeye	craeyes

craeye femrin

1. plaece k' est ene miete drovowe, so ene grande longueur, et k' ene sacwè î pout passer, aprume :
   1. trô dins ene plate sitindêye.
      • Gn av' on rai d' solea ki moussive e gurnî pa ene craeye do toet.
      • I passe on rai d' solea pal craeye di l' ouxh di ståve. — Motî del Fagne et del Tieraxhe (fråze rifondowe).
      • Et li ptit sourd ki djômive cial el fondreye apotche foû di s’ djîsse, tot djoyeus, et ratake si tchanson ki zûne inte les craeyes del rotche — Henri Simon, "Wice va l’êwe" (1907) (fråze rifondowe).
      • Li bouneur brotche pa totes les craeyes di nosse bea paradis. — Félicien Barry (fråze rifondowe).
      • Å cmince, il a cachî d' raclapoter çou k' i poleut: il a muchyî les craeyes des meurs avou des imådjes. — Ben Genaux (fråze rifondowe).
      • Ça aveut clatchî come on côp d' tonoere, et les sûnes avént apassé pa totes les craeyes. — Robert Arcq (fråze rifondowe).
      • L' aiwe sititche pa totes les craeyes Gn a pattavå a dikedaye. — Philippe Maudoux (fråze rifondowe).
      • Ene grosse estouve ki rfole pa totes ses craeyes. — Louis Lecomte (fråze rifondowe).
   2. adroveure d' èn ouxh, ene finiesse.
      • Leyîz ene craeye a l' ouxh; i fwait stofant, cial !
      • El feu djômeye : leyîz ene craeye a l' ouxh po k' i rprinde. — Motî del Fagne et del Tieraxhe (fråze rifondowe).
      • On-z etind l' vint brouyî pa l' craeye di l' ouxh.
      • Dji l' a waitî pa ene craeye di l' ouxh. — Motî del Lovire (fråze rifondowe).
      • Li måleur, c’ est k’ l’ ivier e-st a l’ ouxh, al craeye di l’ ouxh – on traite aiwisse ivier k’ on n’ kinoxhe cåzu pus nole ôte et ki fwait s’ tchet des pôvriteus ossu rade et co mî k’ èn ôte, - èn ivier di moudreus… — Arthur Xhignesse, « Boule-di-Gôme », 1912, p.7 (fråze rifondowe).
      • Li tchet fwait ene craeye a l' ouxh et fritchter evoye. — Joseph Pannaye (fråze rifondowe).
2. (måhonteuzmint)
   1. mozete d' ene comere.
   2. (pa stindaedje do sinse) pitite båshele ki vént å monde.

Ratourneures

1. drovi a craeye : djusse drovi ene miete; on dit eto : adrovi
2. waitî ås craeyes : waitî ene sakî pa on ptit trô, et k' ele ni vos voet nén; on dit eto : awaitî, båker
3. al måjhon d' on moirt, gn a todi ene craeye :
   1. divinltins, on leyive todi l' ouxh å lådje la k' gn aveut on moirt;
   2. (mocreçmint) dijhêye a onk k' a s' brayete å lådje.

Parintaedje

• craeyete, craeyire, craeyêye, craeyeure, craeyele,
• craeyî, craeylé
• discraeyî

Sinonimeye

• (finte dins ene plate sitindêye) : creveure, bîleure (bwès), finte (bwès, pire), findeure, crin, kernaxhe, scherlaxhe, creneure, xhåvleure, xhiyeure
• (adroveure a l' ouxh, al fignesse) : creveure
• (seke del comere) : mozete, kene, canou, conete, conin, mosse

Ortografeyes

Après 1900, foû rfondou (Feller, Feller ricandjî, nén Feller) :

• kròy : G152 p. 385
• crêye : S0
• kráy : G152 p. 385
• crauye : S17 p. 149
• crèye : E1, S0, S117, FE1 a "fente"
• crâye : S0, O0, O3, O100, C61
• craûye : C8
• craye : C1, C99, C106, O0, FE1 a "fente"
• cråye : S117, FE1 a "fente"

E rfondou walon :

• craeye : R10 ^(lére), R13

Li mot n’ est nén dins : E203, E212, E213, E34, S25, S41

Omofoneye possibe

• croye

Ratournaedjes

finte

• Francès : fente ^(fr), fissure ^(fr), crevasse ^(fr), lézarde ^(fr), anfractuosité ^(fr)

adrovaedje d' èn ouxh

• Francès : entrebâillement ^(fr), encoignure ^(fr); waitî ås craeyes : épier ^(fr); drovi a craeye : entrouvrir ^(fr), entrebâiller ^(fr)

seke del comere

• Francès : fente génitale, vulve ^(fr), con ^(fr), vagin ^(fr)