lumciner

Walon (Rifondou)

Bodje « lumçon » (avou candjmint d' voyale on => in) avou l’ cawete di codjowaedje « -er » des viebes; çou ki dene on mot avou l’ dobe cawete « -iner » des viebes.

AFE :
- diferins prononçaedjes : /lym.si.ne/ /lym.si.nɛ/ /lyp.sɪ.ne/
- prononçaedje zero-cnoxheu : /lym.si.ne/
Ricepeures : lum·ci·ner

Djin et tins	Codjowa
Cåzant Ind. pr. (dji, dj’)	lumcene
Atôtchî(s) Ind. pr. (vos, vs)	lumcinez
Cåzants Ind. pr. (nos, ns)	lumcinans
Rwaitants Ind. pr., nam. (i/il, ele/elle)	lumcinnut
Cåzant Ind. fut. (dji, dj’)	lumcinrè
Cåzant D.I.E. (dji, dj’)	lumcinéve
Cåzant Suddj. pr. (ki dji, dj’)	lumcene
pårt. erirece (dj’ a, vos av)	lumciné
Ôtes codjowaedjes	come copiner

lumciner

(v. sins coplemint) aler doûçmint.
- Lumciner so l' ovraedje — Motî Haust (fråze rifondowe).
- Lumciner tot avå les voyes — Motî Haust (fråze rifondowe).
- On soverdea voet nosse halene so li stipea et hop ! l' avale sins lumciner — André Dewelle (fråze rifondowe).
(v. sins coplemint) rimete todi a pus tård.
- Et bén, el plaece del dimander, dj’ a lumciné lontins télmint ki dj’ so pawoureus, et, tot l’ volant fé come on m’ l’ aveut consyî, dj’ a-st asblawi Matî k’ a fwait on côp d’ måleur ! — Henri Simon, « Li bleû-bîhe » 1886, (eplaidaedje da Jean Haust e 1936), p.30 (fråze rifondowe).
(viebe å coplemint) boere a ptits côps.
- Mins, po les vîs, c' est dedja trop, et vo les la ki s' rischapèt, tot lumcinant ene pitite rôguêye — Henri Simon (fråze rifondowe).
(viebe å coplemint) magnî a ptits côps.
- Cial å banket, dj' a bon do vey,
  Mi vijhén ki raletche ses plats,
  Sol tins k' dji lumcene ene betcheye,
  Et k' dj' endè lai co l' mitan la. — Jean Bury, Joyeux rèspleus (1899), "Ji sos trop p'tit magneu" (fråze rifondowe).
(viebe å coplemint) dire tot bas et londjinnmint des paroles målåjheyes a comprinde.
- Et l’ efant tot bas lumcene
  Come ene priyire k’ on n’ comprind nén — Martin Lejeune, “ Œuvres lyriques du poète Martin Lejeune” p.135, « L’ andje dèl têre » (fråze rifondowe).