ramter

Walon (Rifondou)

Etimolodjeye

Bodje neyerlandès « ram- » ‎(« rammelen ») avou l’ cawete di codjowaedje « -ter » des viebes.

Prononçaedje

• AFE :
  • diferins prononçaedjes : /ʀam.ˈte/ /ʀam.ˈtɛ/ (minme prononçaedje cåzu pattavå)
  • prononçaedje zero-cnoxheu : /ʀam.ˈte/
• Ricepeures : ram·ter

Viebe

Djin et tins	Codjowa
Cåzant Ind. pr. (dji, dj’)	ramtêye
Atôtchî(s) Ind. pr. (vos, vs)	ramtez
Cåzants Ind. pr. (nos, ns)	ramtans
Rwaitants Ind. pr., nam. (i/il, ele/elle)	ramtêynut
Cåzant Ind. fut. (dji, dj’)	ramtêyrè
Cåzant D.I.E. (dji, dj’)	ramtéve
Cåzant Suddj. pr. (ki dji, dj’)	ramtêye
pårt. erirece (dj’ a, vos av)	ramté

ramter (v. sins coplemint)

1. cåzer bråmint.
   • C' est ene tchafete: ele passe totes ses djournêyes a ramter — Guy Cabay (fråze rifondowe).
   • Djans i ramtêye tot l' tins
     Mins por mi ûreuzmint
     Deus shijhes so troes, dji m' endè va
     Ås reyûnions di m' sindicat
     — Camille Gaspard (fråze rifondowe).
   • Gn a bén deus eures k' ele ramtèt la, leus deus — Motî Forir (fråze rifondowe). & — Motî Haust (fråze rifondowe).
   • Fini do ramter ! On-z î va !— Paul-Henri Thomsin, ratournant Astérix amon lès Bèljes, 2022, p. 43 (fråze rifondowe).
2. djåzer avou metchansté.
   • I mèta s’paletot so s’tièsse èt i tchoûla dès-eûres å long. Çou qu’a fêt qu’ lès djins ont-st-ataqué a ram’ter : « Loukîz on pô, li pôve mi cowe qu’ èst la tot pèneûs, dismètant qu’li rwè s’amûse avou s’feume èt vos ‘nnè chal èt vos ‘nn’årez co ! » — Georges Ghys.
3. dire des biestreyes, des paroles k' ont n' comprind waire.
   • -K' est çk' i ramtêye ?
     Dji n' sé rén ! Mins bén vraiye portant ki gn aveut ir ene ôte sakî k' end a ralé avou Adele … — Paul-Henri Thomsin, ratournant Maigret èt l’danseûse d’å Gai-Moulin, 1994, p. 19 (fråze rifondowe et rarindjeye).
4. cåzer doûçmint tot estant mwais.
   • Et tot l' monde rintra e s' måjhone tot ramtant … — Paul-Henri Thomsin, ratournant "Li vî bleu" da François Walthéry & Raoul Cauvin, 2011 (fråze rifondowe).
5. (avou l' assaetchance di « ramaedje ») criyî tot djåzant di sacwants oujheas.
   • Et les poyes ki ramtèt
     Udon ki codåcsèt
     Ces poyes la, biesses come tot,
     N' aprindèt rén do tot
     (A. Dauphin)
   • Li huflå qui hufeule, lu mohon qui tchiptêye
     Rèspôdèt måfaitmint ås fåvetes, ås pèssons;
     Les djônes hoûtèt les vîs po-z aprinde lu lèçon ;
     Et l' ci ki n' sét tchanter come lès autes, i rametêye— Martin Lejeune, 1895.

Parintaedje

• ramteu
• ramtaedje
• ramtreye
• ramtata
• ramtatame

Sinonimeye

• (cåzer di trop) : berdeler, tchafyî, tchafter, djawyî, canler
• (djåzer avou metchansté) : discåzer, discaliner, kidjåzer, dimeprijhî, taper l’ hate
• (cåzer doûçmint tot estant mwais) : Loukîz a : «Motyince:cåzer inte ses dints/walon».

Ortografeyes

Divant 1900 :

• ramté : E203 ^(lére)

Après 1900, foû rfondou (Feller, Feller ricandjî, nén Feller) :

• ram’ter : E1
• rameter : E1, C61, G100

Ratournaedjes

cåzer di trop

• Francès : bavarder ^(fr), jacasser ^(fr), commérer ^(fr)

djåzer avou metchansté

• Francès : médire ^(fr), critiquer ^(fr), se moquer ^(fr)

cåzer doûçmint tot estant mwais

• Francès : maugréer ^(fr), ronchonner ^(fr), bouder ^(fr)

criyî tot djåzant di sacwants oujheas

• Francès : jacasser ^(fr), caqueter ^(fr)