rastrinde

Walon (Rifondou)

Etimolodjeye

Do viebe « strinde », avou l’ betchete « ra- » des viebes çou ki dene on mot avou l’ cawete di codjowaedje « -re » des viebes.

Viebe

Djin et tins	Codjowa
Cåzant Ind. pr. (dji, dj’)	rastrin
Atôtchî(s) Ind. pr. (vos, vs)	rastrinoz
Cåzants Ind. pr. (nos, ns)	rastrinans
Rwaitants Ind. pr., nam. (i/il, ele/elle)	rastrinnut
Cåzant Ind. fut. (dji, dj’)	rastrinrè
Cåzant D.I.E. (dji, dj’)	rastrineu
Cåzant Suddj. pr. (ki dji, dj’)	rastrine
pårt. erirece (dj’ a, vos av)	rastrinou
Ôtes codjowaedjes	come ratinde

rastrinde (å prono : si rastrinde)

1. (viebe å coplemint) fé discrexhe.
   • I vos fårè rastrinde les costindje des voyaedjes di siervice.
2. (mot d' costire) rinde pus stroet (on mousmint).
   • Li costire m' a rastrindou m' cote — Motî d’ Cînè (fråze rifondowe).
3. (viebe å coplemint) mete (ene sacwè) bén e s' plaece (metans dins ene dresse serêye a clé).
   • Rastrindoz vos bagues di dimegne — Motî Toussaint (fråze rifondowe).
   • Si vite les schieles rastrindowes et les gamenes revoyes, on s' rimeteut a l' ovraedje — Robert André, dins Del pire di molén al pire d' åté p. 91 (fråze rifondowe).
4. (viebe å coplemint) rissaetchî çou k' i gn a (sol tåve).
   • Ele rastrind l' tåve.
5. (viebe å coplemint) mete e-n ene plaece k' on n' è sait pus vni foû.
   • I m' faleut rastrinde mes poyetes
     Di sogne di tos ces ptits cokeas — Michel Pire (fråze rifondowe).
6. (viebe å coplemint) (djustice) mete e prijhon.
   • I s' a fwait rastrinde — Motî Toussaint (fråze rifondowe).
7. (pa stindaedje do sinse) margougnî.
   • Et c’ est dvins ene tote pitite prijhon,
     Ki les bourias l’ vinèt rastrinde. — Joseph Vrindts, ”Vîx Lîge” (1901), p.193, “In’ Eximpe à sûre” (fråze rifondowe).
8. (viebe å coplemint) (mot d' costire) esse bén del minme taeye ki l' coir di (ene djin) tot djåzant d' on mousmint.
   • Vosse paltot n' vos rastrind nén bén — Motî d’ Vervî (fråze rifondowe).
9. (v. sins coplemint) (mot d' costire) divni pus stroet, po on mousmint k' est lavé.
   • Èm cote a rastrindou å lavaedje.
10. (v. sins coplemint) (puvite å cmandeu) fé discrexhe çou k' on vént d' dire, ricnoxhe ki c' est des mintes.
    • Rastrind, la, valet !
    • Rastrind, valet, rastrinde ! — Motî d’ Vervî (fråze rifondowe).
    • Vos m' diroz kécfeye : "ene sacwè d' djinti, don, di dmander ça!". Oyi, hê, rastrind ! — Chantal Denis, Dji vôreu qu’i ploureut, p. 43 (fråze rifondowe).
    • Rastrind, hê, cousse, c' est totès carabistouyes — Rawete do Motî Gilliard (fråze rifondowe).

Parintaedje

• rastrindaedje
• rastrindeu
• rastrindou
• rastrindance
• rastrindåve
• rastrindåjhe
• rastrindmint
• strinde; Loukîz a : « strinde »

Sinonimeye

mete bén e s' plaece

• roister
• rindjî

mete e-n ene plaece k' on n' è rexhe pus

• reclôre
• resserer

Rilomêye do mot

Li mot dins on tite di live, di gazete, di soce, di marke

• Rastrind, saiss !: deus lives da Bernard Van Vynckt

Ortografeyes

Divant 1900 :

• rastrende : G0

Après 1900, foû rfondou (Feller, Feller ricandjî, nén Feller) :

• rastrinde : C1, C8, C13, E1, E34, E165, E200, G217, S117
• rastrénde : C106, C107

E rfondou walon :

• rastrinde : R10 ^(lére), R15

Li mot n’ est nén dins : R13

Ratournaedjes

fé discrexhe

• Francès : contracter ^(fr), restreindre ^(fr)

rinde pus stroet

• Francès : rétrécir ^(fr), resserrer ^(fr)

mete bén e s' plaece

• Francès : ranger ^(fr)

rissaetchî çou k' i gn a (sol tåve)

• Francès : débarrasser ^(fr)

mete e-n ene cloyowe plaece

• Francès : renfermer ^(fr), confiner ^(fr)

mete e prijhon

• Francès : renfermer ^(fr), emprisonner ^(fr), coffrer ^(fr)

esse bén del boune taeye po on mousmint

• Francès : aler ^(fr), enserrer ^(fr)

divni pus stroet å lavaedje

• Francès : rétrécir ^(fr), se rétrécir ^(fr)

disdire ene pårteye di çk' on vént d' dire

• Francès : modérer ^(fr) (ses propos)

Codjowa

rastrinde

1. suddjonctif prezintrece, prumire et troejhinme djins do singulî, do viebe « rastrinde ».
   • I fåt k' i rastrinde ses sorteyes.