arsouye

Walon (Rifondou)

Etimolodjeye

Do francès « arsouille » (do viebe « arsouiller ») ; mot cité dins l’ FEW 12 64a (lére).

Prononçaedje

• AFE :
  • diferins prononçaedjes : /aʀ.ˈsuj/ /aːʀ.ˈsuj/ (minme prononçaedje cåzu pattavå)
  • prononçaedje zero-cnoxheu : /aʀ.ˈsuj/
• Ricepeures : ar·souye

Sustantif

singulî	pluriyal
arsouye	arsouyes

arsouye omrin et femrin

1. målåjhey efant, todi e damadje.
   • Il a crexhou boun an mål an, — On djonne di tchet d’ après l’ Sint-Djhan —, l’ arsouye. — Philippe Antoine (fråze rifondowe).
   • Mi, el pus arsouye, dji droveu les ouxhs, poûssî les veras et ascoxhî les salopreyes di totes les cognes. — Jean Goffart, Dji m’ lome Mèliye (fråze rifondowe)..
   • I n’ faleut sortot nén racuzer et poirter l’ discredit so des institucions et des djins bén respectåves ki n’ avént ki l’ toirt di esse trop djintis avou des arsouyes plins di diålreyes dins leu capotene. — José Schoovaerts (fråze rifondowe).
   • Dji cache après one cwane al rimouye
     Èwou ç’ qui dj’ m’î pôreû stinde
     M’î r’pachî, rètinde,
     Mès bièstrîyes d’arsouye
     — Jacques Desmet.
2. efant, djonnea ki djowe voltî des kéntes, conter des fåves, evnd.
   • Nos esténs ene binde d’ arsouyes del minme ådje. — D.T.W.
   • L’ arsouye, tot spitant come on spirou, aveut levé l’ daxhe do costé d’ l’ adjustaedje. — Louis Lecomte.
3. djonne feye ki ravize co èn efant.
   • Wai cisse pitite arsouye la ki frecante dedja.

Parintaedje

• arsouyreye

Sinonimeye

• (målåjhey efant) : diåle, arnåjhe, ravachole, pwezon, speye-tot, broye-tot
• efant, djonnea ki djowe voltî des kéntes, dire des fåves : conteu d’ coyes, d’ fåves, djouweu d’ kéntes

Fås amisse

• francès : arsouille

Rilomêye do mot

• Mot k' a passé e francès d' Beldjike (arsouille)
• Li mot dins on tite di live, di gazete, di soce, di marke
  • L’ Arsouille, gazete e walon eplaideye a Nameur, di 1919 a 1924.
  • L’ arsouye, tchanson da Vincent Delire, paroles da Philippe Antoine
  • Ene sacrêye pitite arsouye : roman e walon da Chantal Denis

Ortografeyes

Après 1900, foû rfondou (Feller, Feller ricandjî, nén Feller) :

• årsouye : E1
• ârsouye : C1, C8, O0, S0
• arsôye : JHou
• arsouye : C9, C13, E1, O3, O4

E rfondou walon :

• arsouye : R9 ^(lére), R10 ^(lére), R11 ^(lére), R13

Li mot n’ est nén dins : E177, E178, E203, E212, G0

Ratournaedjes

målåjhey efant

• Arabe marokin : شيطان ^(ary) =‎ chi6an omrin; شيطنة ^(ary) =‎ chi6ena femrin
• Francès : espiègle ^(fr)

efant, djonnea ki djowe voltî des kéntes, dire des fåves, evnd.

• Francès : farceur ^(fr), blagueur ^(fr)