maton

Walon (Rifondou)

Etimolodjeye

Tayon-bodje latén « mattus » (mate), avou l’ cawete « -on » (boket d' ene mate sacwè); mot cité dins l’ FEW 6/1 522a.

Prononçaedje

• AFE :
  • prononçaedje zero-cnoxheu : /ma.tɔ̃/ (minme prononçaedje pattavå)
• Ricepeures : ma·ton

Sustantif

singulî	pluriyal
maton	matons

maton omrin (pus sovint eployî å pluriyal)

1. groumiote k' arive cwand l' laecea toûne.
   • Vosse boleye toûne a matons.
   • Li tonire fwait tourner l' laecea a matons. — Motî d’ Vervî (fråze rifondowe).
   • Cwand l' laecea est bolou, l' prumire tcholeur k' i sint, i toûne; il est tot a groumiotes, a nuketes; i vént des matons ki toumnut å fond do pailon.
   • Li stofé n' est nén reyussi : il est a gurzeas, a groujhletes, come a matons. — Jean-Jacques Gaziaux, L’élevage des bovidés à Jauchelette (fråze rifondowe).
2. (mot d’ medcén) groumiote dins do rvômixhaedje, dins del schite, ki vént do laecea må didjeré.
   • Li laecea toûne télfeye a matons so li stoumak. — Motî Forir (fråze rifondowe).
   • I vômit des matons. — Le parler d'Andenne : édition critique du lexique du docteur Auguste Melin (fråze rifondowe).
   • Il a l' diyarêye ås matons. — Le parler d'Andenne : édition critique du lexique du docteur Auguste Melin (fråze rifondowe).
3. (mot d’ årtisse des biesses) groumiote, come do blanc d' oû cût, ki vént dins l' laecea ås vatches k' atrapèt del mamite.
   • C' est on gros maton ki ristope li tete.
   • I n' pasreut ddja grand matons: li pés est tot deur: li mamite est trop viye. — Sintake Rimåke, p. 139 (fråze rifondowe et rarindjeye).
   • Dj' irans cweri des tubes di mamite : nosse vatche ra des matons. — Motî d’ Bastogne (fråze rifondowe).
   • Cwand ene vatche a les mamites, ele dene des matons, des tchaplets d' matons. — Le parler d'Andenne : édition critique du lexique du docteur Auguste Melin (fråze rifondowe).
   • E m' aprotchant, dj' a avizé do côp k' li biesse fijheut del mamite, ca pa des côps, t' aveus li tete ki s' sitopéve, et pus des matons ki stritchént foû avou l' laecea. — Lucyin Mahin, la p’tite coumére avu la blantche camisole.
4. (todi pluriyal) mannestés ki vnèt so del bire k' a flori.
   • Nosse bire est seure; elle est a matons. — Motî del Lovire (fråze rifondowe).

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. groumiote dins l' sonk (po fé les tripes).
   • Ti n' såreus reyussi tes tripes avou do sonk ås matons.
2. no des fleurs u grinnes di sacwantès plantes :

   a) ronde blanke fleur do matonî.

   • On bouket d' matons — Motî Forir (fråze rifondowe).

   F. boule de neige.

   b) grinne do froumidjoû, ki l’ sincieus no, c’ est : Malvea alcea F. mauve.

   c) schite d' agaece,ki l’ sincieus no, c’ est : Cardamine pratensis F. cardamine des prés.

   maton d' djårdén plante des cortis a blankes u violêyès fleurs, ki l’ sincieus no, c’ est : Hesperis matronalis.

• 
  Maton dvins ene vôte (blanc rond al copete a droete)
• 
  maton rexhant d' ene tete di vatche ki fwait del mamite

Ratourneures

1. blanc come on maton
2. stofé d’ matons : stofé rifwait avou do laecea k' a tourné. F. fromage de lait caillé.
3. tåte ås matons gozåd (rascrovowe tåte) fwait avou del makêye, des amandes, des masteles et del påsse di peme.
4. maton d' asmeteure : agloumyî bet. F. colostrum durci.
5. bire ås matons : bire k' i gn a des matons dsu. On dit eto: bire ås faflotes, ås fleurs, matnêye bire.

Parintaedje

• matonî
• matner
• matneus

Sinonimeye

• (mannesté sol bire) =faflote

Omofoneye possibe

• minton (maton après Bastogne)

Ortografeyes

Divant 1900 :

• matons : (pluriyal) E212 ^(lére)
• maton : E203 ^(lére)

Après 1900, foû rfondou (Feller, Feller ricandjî, nén Feller) :

• matons : E213
• maton : C1, C9, C13, C18, C100, E1, E34, O0, O2, O3, O100, S0, S25, S28, S117

E rfondou walon :

• maton : R10 ^(lére), R11 ^(lére)

Li mot n’ est nén dins : C5, C8, E2, E145, O4, S24, S40

Ratournaedjes

groumiote di laecea tourné dins èn amagnî

• Francès : grumeau ^(fr), flocon ^(fr)

groumiote di laecea tourné dins l' schite u li rnådaedje

• Francès : grumeau ^(fr), coagulum ^(fr)

groumiote di mamite

• Francès : grumeau ^(fr), caillot ^(fr)

Waitîz eto

Lijhoz l’ årtike maton (discramiaedje) so Wikipedia