poleur

Loukîz a : «Poleur»

Walon (Rifondou)

Plinne cogne	Spotcheye cogne
poleur	pleur

Etimolodjeye

Tayon-bodje latén « posse » (minme sinse) avou l' assaetchance di « voleur », avou l’ cawete di codjowaedje « -eur » des viebes.

Prononçaedje

AFE :
- diferins prononçaedjes : /pɔ.ˈløːʀ/ /pɔ.ˈlœʀ/ /pɔ.ˈlɛʀ/ /pɔ.ˈvwɛːʀ/ /pu.ˈvwɛ/ /pɔ.ˈly/ /pɔ.ˈli/ /pɔ.ˈlu/ /pu.ˈly/ (36 prononçaedjes).
- prononçaedje zero-cnoxheu : /pɔ.ˈløːʀ/
Ricepeures : po·leur

Viebe

Djin et tins	Codjowa
Cåzant Ind. pr. (dji, dj’)	pou
Atôtchî(s) Ind. pr. (vos, vs)	p(o)loz
Cåzants Ind. pr. (nos, ns)	p(o)lans
Rwaitants Ind. pr., nam. (i/il, ele/elle)	polnut
Cåzant Ind. fut. (dji, dj’)	pôrè
Cåzant D.I.E. (dji, dj’)	p(o)leu
Cåzant Suddj. pr. (ki dji, dj’)	poye
pårt. erirece (dj’ a, vos av)	p(o)lou
Ôtes codjowaedjes	sipepieus tåvlea

poleur (aidant viebe)

esse capåbe di.
- Fjhoz çou k' vos poloz — Motî Haust (fråze rifondowe).
- Ele ni pout foû d' cial. — Motî Haust (fråze rifondowe).
- C' est nén l' tot del voleur, el fåt co poleur.
- Dji t' pou fote a l' ouxh sol pî sol tchamp!
- Popa aveut sayî co traze sôres di betchs di grawe divins des potêyes mins ele crexhént sot; ele ni polént viker a cåze des foumires — Georges Alexis (fråze rifondowe).
- Bén sovint, m' viye mere mi repete,
  K' ele end a veyou po m' sognî ;
  Disk' a shijh ans, dj' a-st avou l' tete
  A cåze ki dji n' poleu magnî. — Jean Bury, Joyeux rèspleus (1899), "Ji sos trop p'tit magneu" (fråze rifondowe).
- I n’ poleut nén comprinde,
  Li manovrî d’ set ans, douvént k’ les ôtes cårpeas
  Djouwént so les pavêyes, moussîs come des ptits princes,
  K’ il avént l’ droet do rire, fé zûner leu lokince. — Joseph Vrindts, ”Vîx Lîge” (1901), p.46, “Agnuss” (fråze rifondowe).
- Dji poleu poirter des foû gros rotchîs ! Dji potchive houte des abimes ! — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 12 (fråze rifondowe).
esse possibe.
- Ci polaxhe esse ttossu bén vraiy çoula k' ôte tchoi — Sintake Rimåke (fråze rifondowe).
- A vint ans, on-z est tot fir do poleur sicrire a ene feme k’ on n’ a k’ treveyou. — Arthur Xhignesse, « Bwègnes mèssèdjes » (1905), p.4 (fråze rifondowe).
- Si vos rådisses ont wårdé leus belès foyes bén frisses, vos ndè poloz fé ene boune sope. — Jeanine Xhenseval, gazete "La Wallonne" 4-2010, p. 16 (fråze rifondowe).
- ’L arive èn-ådje k' on n' est pus djonne;
  L' arive èn ådje k' on pôreu divni pus vî.
  Mins l' arive el plaece k' on rifantixhe. — Camille Gaspard (fråze rifondowe).
aveur li permission di
- Pou dju aler djouwer ?
- Dj’ a insi veyou k’ nos polans dmorer a pesteler dins l’ dotance ameternam. — José Schoovaerts, ratournant R. Descartes (fråze rifondowe).
(aprume eployî al deujhinme djin) acsegne k' on pout fé ene sacwè ostant k' on vout, on n' candjrè rén.
- C’ est tofer al respounete,
  Ki l’ amour ratind,
  Vos poloz vs moker di s’ binete :
  Cwand i vs tént, i vs tént !— Martin Lejeune, "Djônèsse, prétimps" (fråze rifondowe).
- Les tchoûlåds polèt pretchî,
  Breyans foirt po n’ nén ls oyî : — Jules Claskin, « Airs di flûte et autres poèmes wallons », édition critique de Maurice Piron, 1956, « C’è-st-ine couyonåde», 1922, p.130 (fråze rifondowe).
- Vos poloz bén rire, må-d'-vinte ki vs estoz ! Mi ptit poleur, il a dedja fwait des pris, lu !!! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
(v. sins djin), (viebe å prono) esse possibe.
- I s' pout k' i vénrè. — Motî Haust (fråze rifondowe).
- I s' pout bén k' nos ramasrans,
  Deus troes gnognots ki ns aclevrans ! — Jean Bury, Joyeux rèspleus (1899), "Mi galant" (fråze rifondowe).
- Dji vike etait, et veyoz vs, i s’ pout k’ c’ est l’ etaitisté k’ on-z a d’ lu-minme ki fwait l’ bouneur. — Joseph Mignolet, « Li tchèsturlinne dèl Bèle Rotche, 1922, p.19 (fråze rifondowe).