rodje

Walon (Rifondou)

Etimolodjeye

Tayon-bodje latén « rubeus » ‎(« rŭbĕus »).

Prononçaedje

• AFE :
  • diferins prononçaedjes : /ʀɔt͡ʃ/ /ʀut͡ʃ/ /ʀuːt͡ʃ/ /ʀud͡ʒ/ (cåzu k’ deus prononçaedjes) (oyon O.OU)
  • prononçaedje zero-cnoxheu : /ʀɔt͡ʃ/
• Ricepeures : nén rcepåve

• 
  Rodje sonk
• 
  Rodje croes
• 
  Rodje cour

Sustantif

rodje

1. (coleur) coleur soûmintrece (avou l' djaene et l' bleu), li cene do sonk.
   • Li rodje vos ahåye bén.
   • Elle a so si ptite binete pol moens troes taetches di beaté :
     Li prumire, on pô poyowe, est so s' tchife do schlintche costé,
     Li deujhinme k' est so s' minton est d' on rodje ene gote foncé,
     Li troejhinme dizo s' påpire, c' e-st ene frambåjhe boune a côper. — Jean Dessard, D'ine cohe so l'aute, 1939, p.168, L’afaîre èst faîte (1928) (fråze rifondowe).
2. comunisse ou socialisse.
   • Vosse pere a todi vôté po les rodjes.
   • End a ossu d' ene ôte pårotche
     Ki m' diront kécfeye
     K' i n' veyèt nén voltî l' rodje ;
     Por mi, dj' endè reye. — François Barillié, Li camarad′ dè l'joie, 1852, Li ci qu'n'est nin contint di s'woisin qui rescoul' si mohonne, p.35 (fråze rifondowe).
3. (mot del fotbale) djouweu ou sopoirteu do Standård di Lidje.
   • Alez les rodjes !
4. (mot d’ colebeu) sôre di colon.
   • [sondje d' ene sakî ki moenne des colon ki djåzèt inte di zels al tape] On gros rodje panachî d' å lon fjheut ene clignete
     A ene pitite noere maytêye, tot rôlant ene cigarete ;
     Et do troejhinme panî on moujhî måcontin,
     Come on vî mårticot groumléve divins ses dints : — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.34 (fråze rifondowe).
     
   • Dire ki dji n' aveu k' on bon colon et pol prumire feye ki djel mete so tape, i n' rivént nén. Si dji poleu raveur mi vî rodje. — Antoine Bouhon, Les Brixhes da Gèrâ, 1900, sinne X, p.27 (fråze rifondowe).
   • Mi ptit rodje, il a fwait cénkinme so Cambrai, mins dji n' a måy rén dit a nolu, mi ! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
5. (mot d’ teyåte) sôre di rodje mastike.
   • Avou l' rodje, l' poude, li perike,
     I savèt bén s' fé bea. — Jean Bury, Joyeux rèspleus, (1899), "Les artistes" (fråze rifondowe).

Parintaedje

• rodjeur, rodjet, rodjete, rodjetes, rodjåsse
• rodji, rodjixhaedje, rodjixhmint, rodjixhant

(minme sourdant etimolodjike)

• Rovroe
• rovioûles
• rosse, rossea, rossete, roslet

Dischindance

• Francès d’ Beldjike Rouches (djouweus do Standård di Lidje)

Ortografeyes

Divant 1900 :

• roch : E203 ^(lére)
• rog : E203 ^(lére)

Après 1900, foû rfondou (Feller, Feller ricandjî, nén Feller) :

• roûdje : O0
• rodje : C1, E1, E34, S0
• roudje : C8, O0, O92 ^(lére), S109, S117

E rfondou walon :

• rodje : R10 ^(lére), R11 ^(lére), R13

Ratournaedjes

rodje

• Inglès : red ^(en)
• Francès : rouge ^(fr)
• Neyerlandès : rood ^(nl)
• Polonès : czerwień ^(pl) femrin

Addjectif

	singulî	pluriyal
omrin	rodje	rodjes
femrin atribut	rodje	rodjes
femrin epitete (todi padvant)	rodje	rodjès

rodje omrin et femrin

1. k' a cisse coleur la.
   • Cwand nenene a metou s' rodje cote, ele barbote come ene viye sote (tchanson d' efant).
2. (mot d’ colebeu) k' a-st on ploumaedje ki saetche sol rodje.

Ratourneures

1. co pus rodje k' ene piyône, rodje come ene crissôte, rodje come ene cresse di cok ; rodje come on colåd
2. fé rodje

Mots d’ aplacaedje

• rodje-goidje, rodje-goyî; rodje-cawe
• Rodje Croes, rodje-croes
• Colåd-Rodje-Betch, Ome ås rodjes dints
• rodjès biesses, rodjès-flotches

Ratournaedjes

rodje

• Inglès : red ^(en)
• Francès : rouge ^(fr)
• Neyerlandès : rood ^(nl)
• Polonès : czerwony ^(pl)