bleu

Walon (Rifondou)

Etimolodjeye

Tayon-bodje vî francike « blāo » (minme sinse), adon racuzinåve avou li neyerlandès « blauw ».

Prononçaedje

AFE :
- diferins prononçaedjes : /bløː/ /blœ/ /bløːw/ (minme prononçaedje cåzu pattavå)
- prononçaedje zero-cnoxheu : /bløː/
Ricepeures : nén rcepåve

Sustantif

singulî	pluriyal
bleu	bleus

bleu omrin

(coleur) coleur soûmintrece (avou l’ rodje et l’ djaene), li cene do clair cir.
- C’ est des bleus ki sont trop clairs.
- Shû, disk’ å bleu do cir, les frawiants coclivîs. — Maggy Frisée (fråze rifondowe).
- Asteure nos veyans li ptite veye di Kremse ki bagne ses pîs dins l’ bea bleu do Danube. — Louis Sohy (fråze rifondowe).
(coleur) coleur d' ene låme d' acî, di foumire, di cinde.
- Loukîz don dzeu l' Årdene l' aireur ki s' diswalpêye
  Tot distindant les stoeles ene après l' ôte, å cir !
  Et l' zuvion ki hansixh so ene hole et claire nûlêye,
  Semer ene hiede di blankès berbis, sol bleu d' acî. — Louis Lagauche, "L' inmant", (1947), A l’Årdène, p. 145 (fråze rifondowe).
(pa stindaedje do sinse) bleu mousmint.
- I fåt fé l’ bouwêye des bleus tote seule.
- Si vs voloz cnoxhe l' ovrî houyeu,
  Vozôtes ki n' ont måy veyou ene taeye,
  Metoz s' barete, moussîz ses bleus,
  Montez sol trait, si dvalez ene feye
  So les takes adlé ls acrotcheus ! — Jean Dessard, D'ine cohe so l'aute, 1939, p.73, Dizos lès molètes (1935) (fråze rifondowe).
djindåre (ki poite on bleu costume).
- Nén les bleus, målureus ! I stitchront leu nez dins tot çk’ i gn a nén dandjî. — Auguste Laloux, Li curè d’ Sautau, p. 31 (fråze rifondowe).
novea dins ene sicole (aprume l’ univiersité), ene fabrike, on mestî.
- Kibén gn a-t i d’ bleus ki n’ s’ ont nén fwait batijhî ?
(mot d’ medcén) sonk rexhou des ecdûts après on côp, et spårdou dizo l’ pea d’ ene djin.
(mot d’ colebeu) sôre di colon bleu.
- I n’ estént nén contints, dai, la k’ dji mete mi bleu-bijhe ! Dj’ a si bén oyou l’ côp d’ sounete ! … Sortot Kinåve avou s’ fameus surlet ki n’ a co djamåy polou cori tot côp k’ dj’ a tapé m’ bleu… — Henri Simon, « Li bleû-bîhe » 1886, (eplaidaedje da Jean Haust e 1936), p.9 (fråze rifondowe).
- Dj' a co on flori bleu ki våt s' pezant d' ôr po l' amateur... Vos n' fjhoz nén dvins les colons paret vos Monsieu Dåvid ? — Joseph Mignolet, "Li vôye qui monte" (1933), p.8 (fråze rifondowe).
(mot d’ bateu d' cok) sôre di bleu cok di bate.
- On mete les coks e l' treye.
  « Est nosse tins, saiss, Benoet !
  Li volêye est cminceye,
  On rvindje dedja l' grand bleu ». — Jean Dessard, D'ine cohe so l'aute, 1939, p.151, Al bate di coqs (1923) (fråze rifondowe).

Parintaedje

bleuse, bleuwe
bleuti, bleuwi, bleutixhaedje, bleuwixhaedje
bleuwåsse, bleuwisse, bleuwisté

(minme sourdant etimolodjike)

Mots d’ aplacaedje

Sinonimeye

(djindåre) : gableu

Ortografeyes

Après 1900, foû rfondou (Feller, Feller ricandjî, nén Feller) :

bleu : C8
bleuw : C1
bleû : C1, E1, E21, E34, C1, C9, O0, O2, O3, O4

E rfondou walon :

bleu : R10 ^(lére), R11 ^(lére), R13

Ratournaedjes

coleur soûmintrece

Arabe : أزرق ^(ar) = أَزْرَق =‎ azraq
Arabe marokin : زرڭ ^(ary) = زْرڭ =‎ zreg ; زرق ^(ary) = زْرق =‎ zreq
Almand : Blau ^(de)
Inglès : blue ^(en)
Espagnol : azul ^(es)
Francès : bleu ^(fr)
Neyerlandès : blauw ^(nl)

sonk dizo l’ pea après on côp

Arabe marokin : زرڭة‎ ^(ary) = زرْڭة =‎ zerga
Francès : bleu ^(fr), hématome ^(fr)

Addjectif

	singulî	pluriyal
omrin	bleu	bleus
femrin addj. sudjetrece	bleuwe	bleuwes
femrin addj. sudjetrece	bleuse	bleuses
femrin addj. djondrece (todi padvant)	bleuwe	bleuwès
femrin addj. djondrece (todi padvant)	bleuse	bleusès

bleu omrin, (come addjecif djondrece, todi metou padvant l’ no)

k’ a cisse coleur la.
- Ene bleuwe vatche.
tot djåzant di l' acî ki lût.
- Èt, pidjote a midjote,
  vola come ine grande plåye faîte a l’åbe, qui djèmih
  èt fruzih a chaque côp dès bleûs tèyants d’acîr. — Henri Simon.
tot djåzant del foumire.
- Divins l' bleuwe foumire di l' ecinse
  Ki l' ecinswer evoye å cir,
  Mes deus ouys veyèt l' esperance,
  Adschinde, påjhûle, si vni rashir,
  Ås pîs do Criss k' e-st e l' tchapele — Joseph Vrindts, « Pâhûles rîmês » (1897), p.2 (fråze rifondowe).
- Abaxhî, sor leye, a dmeye vwès,
  Onk etertént si adorêye,
  Ele a des ouys bleus come l’ aistrêye
  Et des lepes rodjes come les pavoes
  — Jean de Lathuy, "Les djârdins sins vôyes"« Li want », 1930 (fråze rifondowe).
tot djåzant d' ene sakî espawtêye.
- « Tiesse di moirt ! », brait ele, Fefeye, tot l’ veyant divni tot bleu, sins poleur riprinde alinne, et tot-z aporçuvant ses gros gris ouys k’ abrotchèt foû di s’ tiesse come s’ aléve rinde l’ åme. — Arthur Xhignesse, « Boule-di-Gôme », 1912, p.7 (fråze rifondowe).

Ratourneures

bleu d’ colere
- Cwand nost ome aprinda l' afwaire
  I fjha come on demon,
  Et tot bleu d' colere,
  Al vole i tchessa,
  Li pôve pitit here
  Tot l' traitant d' marlatcha. — Louis Lagauche, Tchansons tchusèyes, (1908-1912), «L'istwére dè vî molin» p.83 (fråze rifondowe).
toumer roed bleu sot d’ ene sakî : toumer fén amoreus d’ lu (leye).
- Portant dj' so reû-bleû du m' vwèzène Marèye— Camille Gaspard.

Ortografeyes

Après 1900, foû rfondou (Feller, Feller ricandjî, nén Feller) :

blèw, blèwe : C65
bleû, bleûve : E1
bleuw : C1
bleû : C1, E21, O2, O3
bleu, blèwe : C8
(bleu), bleuse : C99
(bleû), bleûse : E165, O5
bleû, bleuwe : C9, O92 ^(lére)
bleû, bleûse : E34, O0, O4

E rfondou walon :

bleu : R13
bleu, bleuwe u bleuse : R10 ^(lére)
bleu, bleuwe : R9 ^(lére), R11 ^(lére)

Francès

Sustantif

singulî	pluriyal
bleu	bleus

bleu (mot scrît eyet prononcî e francès come e walon)
- J’aime le bleu de tes yeux.
  Dji voe voltî l’ bleu d’ vos ouys.

Addjectif

	singulî	pluriyal
omrin	bleu	bleus
femrin	bleue	bleues

bleu (mot scrît eyet prononcî e francès come e walon)
- La terre est bleue comme une orange (Eluard)
  Li Daegne est bleuwe come ene orandje.