Aller au contenu

roye

Èn årtike di Wiccionaire.
Loukîz eto : roy.

Etimolodjeye

[candjî]

Tayon-bodje gayel « rica » (minme sinse), vî lingaedje d’ oyi "roie"; adon parint avou l' burton «reg», li walès «rhych», li scôswès «riach», li francès «raie».

Prononçaedje

[candjî]

Sustantif

[candjî]
singulî pluriyal
roye royes

roye femrin

  1. lene di tcherwaedje.
    • Co deus royes et ça serè ddja bon po ådjourdu.
  2. totes les plantes ki levèt dins ene lene di semaedje.
    • Les betråles levèt, après sacwants djoûs, on trevoet les royes. Jean-Jacques Gaziaux (fråze rifondowe).
  3. lene d’ ene plake vinile.
    • C’ est l’ vraiy kel plake aroke todi dins les minmès royes. José Schoovaerts (fråze rifondowe).
  4. trait bén droet traecî so do papî, al tere :
    1. lene å croyon, evnd.
      • MATÎ. Dji t’ va lére les kékès royes ki dj’ a scrît, ci n’est nén co totafwait fini, mins ti voerès cwand minme di cwè k’ i rtoûne. Louis Lagauche, Cåse d'on comichonaire, 1904, p.6-7 (fråze rifondowe).
      • C’ e-st ene idêye ki lyi a spité el tiesse on djoû k’ a trové po wåde a ene live di saeyén ene imådje, ene bele imådje d’ åtoû d’ vint cadjolés ptits tåvleas avou kékès royes di scrît dizo tchaeconk, et ene grosse lete el coine. Arthur Xhignesse, « Boule-di-Gôme », 1912, p.12 (fråze rifondowe).
      • Li djonne comére medcén lyi a fwait des royes et des croes, des djaenes, des rodjes, des noeres pattåvå s’ vinte; il esteut maxhuré come èn indyin. Paul Renson (fråze rifondowe).
      • Ele leyive on vude inte tchaeke roye. Motî d’ Vervî (fråze rifondowe).
    2. (pus stroetmint) (mot d’ cwårdjeu) lene k’ on fwait po djouwer å couyon.
  5. bordon.
    • Sor lu l’ mizere a hazi s’ clå.
      Mins l’ potince, po s’ rifé les voennes,
      Magne ene boune roye di tchocolåt. Joseph Vrindts, « Pâhûles rîmês » (1897), «Li marchand d’trappes», p.108 (fråze rifondowe).

Ratourneures

[candjî]
  1. rabate ene roye
    1. pont d’ roye a rabate
  2. cori a roye
  3. tcherwer ene boune roye : tcherwer fond.
  4. mete des pires al roye : espaitchî ene sakî di fé çou k’ i vôreut bén.
    On dit eto: des xhames el voye.
    F. embûches.
  5. èn nén esse å dbout d’ ses royes; èn nén esse å coron d’ ses royes
  6. il a ploû so nos royes : on s’ a fwait emantchî.
  7. Les longuès royes : no d’ ene plaece di Viyance. Loukîz a: djivêye, coûteure.
  8. ene roye di crås, ene roye di maigue; u: ene roye di blanc ene roye di noer : on djoû di l’ aweure, li londmwin del målaweure, mitan mitan, halif halof.
    On dit eto: ene voye di crås….
  9. aveur des royes a ses coines°.
    F. mauvaise réputation.
  10. djouwer cénk roye :
    1. djouwer ene pårt di couyon.
      • On bråve ome, li curé, ki tapéve voltî ene copene avou nost ome et afeye djouwer cénk royes avou lu. Jean-Pierre Dumont (fråze rifondowe).
    2. (imådjreçmint) djouwer on mwais toû.
      On dit eto: on pî d’ pourcea. F. vilain tour.

Parintaedje

[candjî]

Mots d’ aplacaedje

[candjî]

Sinonimeye

[candjî]
  • (lene di tcherwaedje) : royon, choyon (Roman payis, calké do picård, eployî pa Robert Vanorlé)
  • (plantes ki crexhnut so ene lene di semaedje) : voye, lene
  • (roye al tere po-z ataker on djeu) : linse

Omofoneye possibe

[candjî]
  • /ʀɔj/ roy (rwè)

Ortografeyes

[candjî]
Après 1900, foû rfondou (Feller, Feller ricandjî, nén Feller) :

Ratournaedjes

[candjî]
lene di tcherwaedje
plantes ki crexhnut so ene lene di semaedje
lene å croyon ou al tere
lene d’ ene plake vinile
bordon

Codjowas

[candjî]

roye

  1. indicatif prezintrece, prumire et troejhinme djins do singulî, do viebe « royî ».
  2. suddjonctif prezintrece, prumire et troejhinme djins do singulî, do viebe « royî ».
  3. kimandeu prezintrece, deujhinme djin do singulî, fôme camaerådrece, do viebe « royî ».

Ratourneures

[candjî]
  1. l’ ome roye et l’ Bon Diu disroye

Omofoneye possibe

[candjî]