conte

Walon (Rifondou)

Prononçaedje

AFE :
- prononçaedje zero-cnoxheu : /kɔ̃ːt/ (minme prononçaedje pattavå)
Ricepeures : nén rcepåve

Etimolodjeye 1

Svierba do viebe « conter » (raconter).

Sustantif

singulî	pluriyal
conte	contes

conte omrin

plaijhante istwere.
- C’ est on vraiy conte di Noyé, voste istwere !
(mocreçmint) istwere sins cou ni tiesse.
- K’ on n’ mi vegne pus dire ki c’ est tos contes do tins passé, savoz, asteure ! — Henri Simon, « Li Neûre Poye » 1889, (eplaidaedje da Jean Haust di 1936), p.96 (fråze rifondowe).
- I babouye totes sôres di contes,
  Po dislaxhî s’ cour tcherdjî d’ peket. — Joseph Vrindts, Pâhûles rîmês, (1897), «Li jou d’l’ an», p.96 (fråze rifondowe).
- WÅTÎ. (riyant)- Adonpwis, s’ i n’ vout nén plonkî e l’ aiwe, k’ i pregne on cotrea. Avou ene gote d’ adjeyisté, lu k’ e-st ossu spitant k’ on dzi, pôrè prinde li tchesturlinne po ene trûte !
  BÊTRI. - Oh ! Taijhoz vs, avou vos contes ki n' volèt rén dire ! — Joseph Mignolet, Li tchèsturlinne dèl bèle rotche, 1922, p.26 (fråze rifondowe).

Ratourneures

dire si conte : dire çou k' on rprotche a (ene sakî).
- C' est paski dj' vén d' lyi dire si conte,
  Paret, k' i s' a volou måvler. — Jean Bury, Joyeux rèspleus (1899), "Bin v’la st-on râre èdon surmint" (fråze rifondowe).

Parintaedje

conter ; Loukîz a : « conter »

Mots d’ aplacaedje

Ortografeyes

Divant 1900 :

contt : E177

Après 1900, foû rfondou (Feller, Feller ricandjî, nén Feller) :

conte : C1, C8, E1, E165, O4

E rfondou walon :

conte : R10 ^(lére), R13

Ratournaedjes

plaijhante istwere

Inglès : tale ^(en)
Francès : conte ^(fr)

Codjowa

conte

indicatif prezintrece, prumire et troejhinme djins do singulî, do viebe « conter ».
- I m' conte ene coye, come il est la ?
suddjonctif prezintrece, prumire et troejhinme djins do singulî, do viebe « conter ».
- I fåt k' dji lyi conte li cayet.
kimandeu prezintrece, deujhinme djin do singulî, fôme camaerådrece, do viebe « conter ».
- Conte mu ene minte, tant k' t' î es !

Etimolodjeye 2

Svierba do viebe « conter » (carculer).

Sustantif

singulî	pluriyal
conte	contes

conte omrin

adicion, carculaedje, rizultat.
- Li bon docteur a sogne k’ on n’ l’ evoye tot près do front s’ i n’ trouve nén l’ conte des lanchtoûnes k’ on lyi dmande. — Les crwès dins les bruwères (fråze rifondowe).

Ratourneures

a bon conte
esse di bon conte
end awè s’ conte
diner s’ conte
- Del nute, do djoû, po vs bén adjonde
  Li microbe est la ki vs ratind
  I vs apice bén, i vs dene vosse conte
  Et vs estoz xhorbou so on moumint. — Martin Lejeune (fråze rifondowe).
fé po s’ conte
- Avou les lådjès rowes, les esprits sont droviets
  Et tchaeskene fwait po s' conte, on n' vout pus rén etinde. — Joseph Vrindts, Vîx Lîge, (1901), p.143, “Li Trô Bottin” (fråze rifondowe).
sins pus d’ conte ki ça
si rinde conte : bén vey.
- Dji m’ rind conte kel tins del djonnesse pout esse court, k’ il a do må d’ brouyî evoye. — Félix Duval (fråze rifondowe).
tini conte di : aconter.
çou k’ nos avans fwait et rén c’ est l’ conte
- BÅDWIN. - Djamåy dji n' vis rvårè çou k' vos avoz fwait por mi.
  HOUBERT. - Çou k’ nos avans fwait et rén c’ est l’ conte.
  BÅDWIN. - Taijhoz vs, mononke, vos catchîz on cour d' ôr. — Jean Lejeune, Po marier Lèyontine, 1928, ake I, sinne XI, p.13 (fråze rifondowe).
sol conte di
a ç’ conte la : dins ces condicions la

Parintaedje

conter ; Loukîz a : « conter »

Mots d’ aplacaedje

Parintaedje

Loukîz a : conter

Ortografeyes

Après 1900, foû rfondou (Feller, Feller ricandjî, nén Feller) :

conte : C8, E1, O0, O4
compte : C1, E1

E rfondou walon :

conte : R10 ^(lére), R13

Ratournaedjes

carculaedje

Francès : compte ^(fr)
Neyerlandès : rekening ^(nl)

Codjowa

conte

indicatif prezintrece, prumire et troejhinme djins do singulî, do viebe « conter ».
- I m' conte deus côps cisse botaye d' aiwe la.
suddjonctif prezintrece, prumire et troejhinme djins do singulî, do viebe « conter ».
- Ki dj' conte tote vosse manoye ? Et pu co cwè !?
kimandeu prezintrece, deujhinme djin do singulî, fôme camaerådrece, do viebe « conter ».
- Conte sor lu et t' årès ene bele broke

Etimolodjeye 3

S’ i gn åreut ene sakî ki sepreut cwè åd fwait di l’ etimolodjeye di « conte », el pout stitchî vaici.

Divancete

conte (nén candjåve)

mostere k’ on tént avou l’ ôte costé di des djins nén d’ acoird.
- Il esteut dins ene lisse conte mi.
- Ele si mwaijhixheut s’ on bateut conte leye. — Émile Gilliard (fråze rifondowe).
mostere on rméde po rweri d’ on må.
- Conte les halenes, mete del tchene al tere åtoû des cabus.
- Conte li fivlinne on pindeut ene boursete avou des crås pourceas åtoû do hatrea ; ça dveut pinde so li stoumak. — Georges Ghys (fråze rifondowe).
mostere ene discandje.
- Les camaerådes påtnut chiner dins les cinses do coron et discandjî do tchocolåt ubén do savon conte des canadas. — Louis Sohy (fråze rifondowe).
mostere k’ on djond (ene sacwè, ene sakî).
- N’ aspoyîz nén vosse doet conte li meur : li plåsse n’ est nén co setch.
- Les stoubions do vint vinént bômer conte on cwårtea d’ baracmints plantés e mitan des prés. — Willy Bal (fråze rifondowe).
- Ele sere si feye conte si pwetrene ; « Louwiza », shofele-t ele. — Félicien Barry (fråze rifondowe).
- Li brut a rbucté conte les grands castagnîs tot do long d’ l’ aiwe. — Émile Gilliard (fråze rifondowe).
- Lès-oûhês l’ riqwèrèt, li monså faît s’ niyêye
  divins ’ne fotche conte si bôr èt, qwand l’ Bêté tchèrèye
  påhûl’mint d’vins les steûles èl doûce tièneûr dèl nut′
  — Henri Simon, Li mwért di l'åbe.

Ratourneures

bate conte : dire ki c’ n’ est nén l’ veur.
- Dandjreus k’ i sont dins l’ bon et dji n’ va nén bate conte. — Émile Gilliard (fråze rifondowe).
dji n’ pixhe nén conte : dji nel rifuze nén.
- Si to véns avou ene boune dorêye, dji n’ pixhe nén conte.
fén conte fén, gn a pont d’ dobleure : djeu d’ mot inte li sinse « contråve a » et l’ sinse « astok di ».

Parintaedje

Mots d’ aplacaedje

Sinonimeye

(tos les sinses): conte di, sconte, sconte di, disconte, disconte di
(ki djond): astok di, a costé di, djondant

Ortografeyes

Divant 1900 :

contt : E177

Après 1900, foû rfondou (Feller, Feller ricandjî, nén Feller) :

conte : C1, E1, O0, O4

E rfondou walon :

conte : R10 ^(lére), R13

Ratournaedjes

avou l’ ôte costé di des djins ki s' batèt

Loukîz a : conte di

Inglès : against ^(en)
Francès : contre ^(fr)
Neyerlandès : tegen ^(nl)

po rweri

Francès : contre ^(fr), pour guérir de

po discandjî avou

Francès : contre ^(fr), en échange de ^(fr)

mostere k’ on djond (ene sacwè, ene sakî)

Francès : contre ^(fr), auprès de, sur ^(fr)

bate conte

Francès : dire le contraire, s’opposer à

dji n’ pixhe nén conte

Francès : je ne refuse pas

Sustantif

singulî	pluriyal
conte	contes

conte omrin

tot çou ki n’ tént nén avou ene prumire sacwè.
- Elle a bén mostré l’ po et l’ conte.

Ratourneures

ki ti m’ fwais dire li conte : dijhêye po d’ escuzer d’ aveur dit on laid mot.
- Espece di wesse, ki m’ fwait dire li conte. — Arthur Masson (fråze rifondowe).

Ratournaedjes

conte

Francès : contre ^(fr)

ki ti m’ fwais dire li conte

Francès : excusez-moi de m’emporter de la sorte

Ortografeyes

Après 1900, foû rfondou (Feller, Feller ricandjî, nén Feller) :

conte : E1

Etimolodjeye 4

Do vî lingaedje d' oyi conte, lu-minme do latén comitem (cogne acusative di comes, copagnou); dj' ô bén, li ci k' acpagntêye li rwè (al guere).

Sustantif

	singulî	pluriyal
omrin	conte	contes
femrin	contesse	contesses

conte omrin

(el hôte moyinådje) fonccionaire lomé pa l’ impreur, li rwè po manaedjî on boket d’ l’ impire. Ci boket si loméve ene conteye.
- Rôle avou les contes, les barons,
  Motoit pus tård ki l' fi Piron
  Sipozrè l' feye d' ene ritche barone ! — Joseph Vrindts, « Pâhûles rîmês » (1897), "Li dieraine atote", p.31 (fråze rifondowe).
- C’est-c’djoû-là qui tos les comtes et les barons qui s’sintît k’pissîs di r’mwérd, avît pris l’creûs d’blanke sôye dè creûh’lé. — Joseph Mignolet, "Li Payîs des Sotês", 1926, p. 33.
(el basse moyinådje et co asteure) tite di nôblesse padzo l’ duk.

Parintaedje

contesse, conteye
viconte

Ortografeyes

Après 1900, foû rfondou (Feller, Feller ricandjî, nén Feller) :

comte, comtèsse : C1

E rfondou walon :

conte, contesse : R9 ^(lére), R10 ^(lére)

Li mot n’ est nén dins : R13, C8

Ratournaedjes

tite di nôblesse

Espagnol : conde ^(es)
Francès : comte ^(fr)
Itålyin : conte ^(it)
Djaponès : 伯爵 ^(ja) (はくしゃく, hakushaku)

Waitîz eto

Lijhoz l’ årtike conte (discramiaedje) so Wikipedia

Francès

Sustantif

singulî	pluriyal
conte	contes

conte omrin

conte (mot scrît eyet prononcî e francès come e walon) (plaijhante istwere).

Codjowa

conte

Do viebe « conter ».
- Il me conte fleurette.
  - I m' conte des galguizoûtes.