conter

Walon (Rifondou)

Prononçaedje

AFE :
- diferins prononçaedjes : /kɔ̃.ˈte/ /kɔ̃.ˈtɛ/ /kɔ̃.ˈtiː/ (minme prononçaedje pattavå)
- prononçaedje zero-cnoxheu : /kɔ̃.ˈte/
Ricepeures : con·ter

Etimolodjeye 1

Tayon-bodje latén « computare » (conter, fé des carculs, pu dire des mots onk après l' ôte, adon etimolodjicmint do minme bodje ki conter = carculer) çou ki dene on mot avou l’ cawete di codjowaedje « -er » des viebes.

Viebe

Djin et tins	Codjowa
Cåzant Ind. pr. (dji, dj’)	conte
Atôtchî(s) Ind. pr. (vos, vs)	contez
Cåzants Ind. pr. (nos, ns)	contans
Rwaitants Ind. pr., nam. (i/il, ele/elle)	contnut
Cåzant Ind. fut. (dji, dj’)	contrè
Cåzant D.I.E. (dji, dj’)	contéve
Cåzant Suddj. pr. (ki dji, dj’)	conte
pårt. erirece (dj’ a, vos av)	conté
Ôtes codjowaedjes	sipepieus tåvlea

conter

(viebe å coplemint) dire (ene istwere).
- Dji vos va conter li fåve do Mitan d' Cok.
- I conte l' advinteure d' onk di ses vijhéns
  K' est pawoureus, lourd, et minme assez biesse. — Henri Forir, Blouwett lîgeoiss, Râskin (traduit du français), 1843, p.31 (fråze rifondowe).
- Li cisse ki dj' a conté, c' est leye-minme,
  Ley k' a metou m' cour so on lamea. — Martin Lejeune, Œuvres lyriques du poète wallon Martin Lejeune, p. 107, "Leûs manigances" (fråze rifondowe).
- Portant, tchaeke feye ki dj' rintere di l' ovraedje,
  Vos dressîz l' tåve tot m' contant kéke messaedje,
  Ou c' e-st ene crake ki vos leyîz schiper,
  Tot m' riloucant po vey si dj' soreye. — Joseph Vrindts, Pâhûles rîmês, (1897), "Bon cour ni pout minti", p.73 (fråze rifondowe).
- Et, avou ses ptitès manires di femreye di doze ans, avou ses mwins et ses ouys co pus k’ avou ses dvizes, ele conte a si ptit camaeråde ki Rogneuse n’ est nén a trover el måjhone […]. — Arthur Xhignesse, Boule-di-Gôme, 1912, p.20 (fråze rifondowe).
- Schoûtez l’ istwere da Wiyême li crustin,
  L’ ome da Mareye-Djôzef, li fene fleur des dôrlinnes
  Ki contéve a tos ses djins
  Ses mehins
  Les set djoûs del samwinne. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Wiyême li crustin », 1922, p.105-106 (fråze rifondowe).
(viebe å coplemint) dire (ene minte, ene blagreye).
- I m' a conté ene coye.
- Dji conte ene blague, et vla l' roubiesse,
  Kel dit a s' feme ! « Madame, dj' ô bén,
  Ki vs avoz on gros clå sol f... djambe ». — Jean Bury, Joyeux rèspleus, (1899), "Bin v’la st-on râre èdon surmint" (fråze rifondowe).
pinser k' ene sacwè va ariver.
- Dji contéve k' il alént ariver dvant l' eure.
- RIDANT. – C’ est k’ dj’ a come idêye d’ end aler foû d’ mon Renson.
  KINÅVE. – Foû d’ mon Renson ? Et mi ki vs contéve si bén la ! — Henri Simon, «Janète» divins «Quatre comédies liégeoises» da Jean Haust (1936), 1911, p.126 (fråze rifondowe).
- I gn aveut ene feye des djonnes hanteus
  Ki s’ inmént télmint tot les deus
  K’ i contént k’ gn aveut k’ zels sol tere
  Mins l’ moirt djalote di leu bouneur
  Foirdja l’ pus grand d’ tos les måleurs
  Po bénvite fé mori li cmere. — Louis Lagauche, Amon nos autes, tchansons tchusèyes, (1908-1912), «Dièrinne vûsion» p.99 (fråze rifondowe).
- Mins, dji contéve k’ ele esteut-st adlé s’ sour po ût djoûs, mi. — Paul-Henri Thomsin, ratourtnant Tchantchès, c'èst po rîre, 2023, p.24 (fråze rifondowe).
(v. sins coplemint) esse important.
- Li cour ni conte pus puski vs l' avoz metou e vosse cofe-fôrt.— Joseph Mignolet, Li vôye qui monte, (1933), p.42 (fråze rifondowe).
- Çou ki conte, c' est ki l' contesse soexhe arivêye sins nou måleur, citweyin — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 28 (fråze rifondowe).
(v. sins coplemint) pinser.
- Il a conté sins s' mwaisse, l' ome, ki, tot passant dlé,
  A veyou d' on côp d' ouy çou ki valeut di çanse. — Henri Simon, Li pan dè bon Diu, "Li moirt di l' åbe" (fråze rifondowe).
- Vî pere, vis è sovnoz vs co bén,
  Do tins k' dj' esteu djonne ?
  Dji m' saiwtéve a tos les moumints
  Sins conter vs fé del poenne. — Jean Dessard, D'ine cohe so l'aute, 1939, p.103, Ombåde a m’ vî pere (fråze rifondowe).
- A, c' est twè ? Dji contéve ki c' esteut t' copleu. — Paul-Henri Thomsin, ratournant Maigret èt l’danseûse d’å Gai-Moulin, 1994, p. 12 (fråze rifondowe).
(v. sins coplemint) aveur idêye do fé ene sacwè a l' avni.
- Oh ! Dj' inméve d' î viker, dji contéve î mori !
  Djeriant d' aveur so m' fosse ene pougnêye di fetchires
  Bén puvite k' ene corone di rôzes ou di feu d' li ! — Louis Lagauche, L'aimant, (1947), Li ponne dè gård di bwès, p. 147 (fråze rifondowe).
(v. å coplemint nén direk eployî avou li dvancete « so »).
1. poleur aveur fiyate dins ene sakî.
  - Mins sol parole des omes, veyoz vs, dji conte si pô
    Qui dji n' croerè k' c' est vraiy, ki cwand dj' terrè l' magzô. — André Delchef, Bultén del Societé d' Lidje, Bulletin de 1858, «Li galant de l'siervante», p.5 (fråze rifondowe).
  - NAPOLEYON. - [...]Et s' on n' a nén ene pitite gote po s' sotni, vos comprindroz ki nos frans l' boigne et l' aveule cwand l' diåle vénrè.
    BIETMÉ. (riyant) - Et les djins del måjhone ki contèt sor vos.
    NAPOLEYON. - I contèt so ene måle coide. — Joseph Vrindts, Li diale di so l'fontaine, 1889, sinne IX, p.22 (fråze rifondowe).
  - Li docteur m' a prometou k' i pasreut l' al-nute, moncheu … vos poloz conter sor mi …— Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 29 (fråze rifondowe).
2. esperer ene sacwè.
  - I sondjént :
    Ki s' pôve efant la,
    A cåze di çoula,
    Ni pôreut-st aveur
    Çou k' ele contéve dissus ! — Jean Bury, Joyeux rèspleus, (1899), "Li songe d’à Rôse" (fråze rifondowe).
  - Mins tot rawårdant les bårbeas,
    On roveye sovint l’ eure ki passe,
    Et cila k’ tot timpe å matén,
    Contéve dedja so ene fricassêye,
    Rivna sol tård di cisse djournêye,
    Måva d’ aveur pierdou s’ tins. — Joseph Vrindts, Vîx Lîge, (1901), p.9, “Ine Mâle Journêye” (fråze rifondowe).
(viebe å prono) : Loukîz a : « si conter ».

Ratourneures

Parintaedje

conte
contaedje, conteu, contåve
raconter, racontaedje, raconteu, racontroûle, racontåve
riconter

Sinonimeye

(dire ene minte) : stitchî
(pinser k' ene sacwè va ariver) : croere, pinser

Ortografeyes

Divant 1900 :

conté : E177

Après 1900, foû rfondou (Feller, Feller ricandjî, nén Feller) :

contè : C1, C8
conter : E1, E165, O0

E rfondou walon :

conter : R10 ^(lére), R13

Ratournaedjes

dire ene plaijhante istwere

Inglès : to tell ^(en)
Francès : conter ^(fr), raconter ^(fr)

dire ene minte

Francès : raconter ^(fr)

pinser k' ene sacwè va ariver

Loukîz a : croere

Francès : croire ^(fr), penser ^(fr)

esse important

Francès : conter ^(fr), prévaloir ^(fr), passer avant tout ^(fr)

conter so

Francès : compter sur ^(fr), faire confiance ^(fr), se fier ^(fr)

Etimolodjeye 2

Tayon-bodje latén « computare » (minme sinse), çou ki dene on mot avou l’ cawete di codjowaedje « -er » des viebes.

Viebe

Djin et tins	Codjowa
Cåzant Ind. pr. (dji, dj’)	conte
Atôtchî(s) Ind. pr. (vos, vs)	contez
Cåzants Ind. pr. (nos, ns)	contans
Rwaitants Ind. pr., nam. (i/il, ele/elle)	contnut
Cåzant Ind. fut. (dji, dj’)	contrè
Cåzant D.I.E. (dji, dj’)	contéve
Cåzant Suddj. pr. (ki dji, dj’)	conte
pårt. erirece (dj’ a, vos av)	conté
Ôtes codjowaedjes	sipepieus tåvlea

conter (viebe å coplemint)

mete des nombes onk avou l' ôte, et vey çou k' ça dene.
- Après l' shijhe, l' adawiante espiegue,
  Conte les victimes di s' cour fripon. — Martin Lejeune, Œuvres lyriques du poète wallon Martin Lejeune, p. 107, "Leûs manigances" (fråze rifondowe).
On dit eto : carculer.

F. "compte".
aveur divins lu-minme.
- Come vos ndè poloz djudjî, li Societé Walone, contéve totès djins d' cwè. — Joseph Mignolet, Li walon å payîs di Lîdje, (1938), p.48 (fråze rifondowe).