edåmer

Walon (Rifondou)

Etimolodjeye

Bodje vî grek "entemnô" (côper, kimincî a taeyî), pal voye do latén "intaminare", avou l’ betchete « e- » d’ ecloyaedje des viebes, avou l’ cawete di codjowaedje « -er » des viebes , mot cité dins l’ FEW 4 732b .

Prononçaedje

• AFE :
  • diferins prononçaedjes : /ɛdɔːme/ /ɛdaːme/ /ɛdaːmiː/ /adaːme/ /adaːmɛ/ /adame/ /adoːme/ /adoːmɛ/ /adume/ /adymɛ/ /adɔme/ /adãme/ /ɛ̃dame/ (betchfessî å) (36 prononçaedjes)
  • prononçaedje zero-cnoxheu : /ɛdɔːme/

Viebe

Djin et tins	Codjowa
Cåzant Ind. pr. (dji, dj’)	edåme
Atôtchî(s) Ind. pr. (vos, vs)	edåmez
Cåzants Ind. pr. (nos, ns)	edåmans
Rwaitants Ind. pr., nam. (i/il, ele/elle)	edåmnut
Cåzant Ind. fut. (dji, dj’)	edåmrè
Cåzant D.I.E. (dji, dj’)	edåméve
Cåzant Suddj. pr. (ki dji, dj’)	edåme
pårt. erirece (dj’ a, vos av)	edåmé
Ôtes codjowaedjes	sipepieus tåvlea

edåmer (viebe å coplemint)

1. kimincî a côper po prinde on prumî boket di (on pwin, ene dorêye, on djambon, on froumadje).
   • On n' åreut nén edåmer l' pwin sins fé on sene di croes dsu.
   • Kî çk' a edåmé l' tåte ås côrins ?
2. kimincî èn aboere (ene botaye, on tonea).
   • Dji n' alans nén edåmer ene ôte botaye, edon ?
3. kimincî a-z alouwer (des cwårs so on magzåd, evnd.).
   • Il a bén falou edåmer nosse patrimoenne po lzî payî leus scoles.
4. (mot d’ medcén) moussî dins les tchås di (ene sakî), tot cåzant d' ene playe.
   • Elle est tote edåmêye, dipu l' tins k' elle est sol lét — Motî d’ Bastogne (fråze rifondowe).
5. mete pol prumî côp (on mousmint).
   • Il edåme si noû texhou.
6. kimincî
   1. ene termene.
      • El djournêye est ddja bén edåmêye — Motî del Lovire (fråze rifondowe).
      • Po-z edåmer l' vesprêye, dj' årans droet a on concert divant l' såle do viyaedje di Cugnon — Pierre Otjacques.
   2. èn ovraedje.
      • Cwand dj' a-st edåmé èn ovraedje, i fåt k' djel porshuve — José Schoovaerts (fråze rifondowe).
   3. on cåzaedje.
      • Kimint çk' il a-st edåmé ene divize avou mi (et k' on n' si rwaitive pus) !?

Ratourneures

1. edåmer conversåcion u: edåmer ene divize : atôtchî, arinner ene sakî (kimincî a djåzer avou leye).
   • Vla l' leu k' edåme conversåcion, Et lyi fé complumint so s' cråxhe — Léon Bernus (fråze rifondowe).

Parintaedje

• edåmaedje, edåmeu, edåmeure, edåme, edåmé
• redåmer

Sinonimeye

• (prinde li prumî boket) : ataker, kimincî
• (kimncî ene botaye) : drovi
• (mete pol prumî côp on mousmint) : strimer, afroyî

Ortografeyes

Après 1900, foû rfondou (Feller, Feller ricandjî, nén Feller) :

• adamér : O100
• èdaumè : C1, C13
• adanmer : O0, O2
• adoumer : S0
• adamer : O4
• adåmer : S117
• èdamer : E1, E34, O4
• adaumer : S5, S17, S25, S41
• èdaumer : O0, C9, C99
• adumè : S40
• intamer : O4
• adomér : O100
• indamer : O3
• adan.mér : O100
• adâmè : S0
• adaumè : C8

E rfondou walon :

• èdåmer : R1, R10 ^(lére)
• edåmer : R11 ^(lére)

Li mot n’ est nén dins : R13

Ratournaedjes

kimincî a côper po prinde li prumî boket

• Inglès : to start ^(en), to start on ^(en)
• Francès : entamer ^(fr)
• Neyerlandès : aansnijden ^(nl), (djusse tot cassant) aanbreken ^(fr)

kimincî èn aboere

• Inglès : to open ^(en)
• Francès : entamer ^(fr), ouvrir ^(fr), (tonea) mettre en perce ^(fr)
• Neyerlandès : (tonea) aansteken ^(nl)

kimincî a-z alouwer (des cwårs)

• Inglès : to eat ^(en) into, to make a dent in, to make a hole in
• Francès : entamer ^(fr) (des économies)

mete pol prumî côp (on mousmint).

• Francès : étrenner ^(fr)

kimincî (on cåzaedje)

• Inglès : to strike up ^(en) (a conversation)
• Francès : entamer ^(fr) (une conversation)

kimincî (èn ovraedje, evnd.)

• Inglès : to launch ^(en), to start ^(en), to begin ^(en)
• Francès : entamer ^(fr), entreprendre ^(fr)
• Neyerlandès : ondernemen ^(nl)

moussî dins les tchås tot cåzant d' ene playe

• Inglès : to graze ^(en)
• Francès : entamer ^(fr) (les chairs, les tissus sous-jacents)