gade

Walon (Rifondou)

Etimolodjeye

Bodje induropeyin * « ǵʰaidos », « gʰaidos », fouxh-t i pal voye do tayon-bodje vî vî tîxhon * « gaitaz », (minme sinse), fouxh-t i pal voye do vî vî gayel, adon racuzinåve avou l’ inglès « goat », li neyerlandès « geit », l’ almand « Geiss », li suwedwès « get », li lombård « ghizza », li roumantche « ghiza », li roumin « ghiț »; mot cité dins l’ FEW 16 28. Grandgagnage aveut mostré ki l’ mot walon n’ a nén savu ariver pal voye do tixhon, ôtrumint il åreut dné *gåde.

Prononçaedje

• AFE :
  • prononçaedje zero-cnoxheu : /ɡat/ (minme prononçaedje pattavå)
• Ricepeures : nén rcepåve

Sustantif

singulî	pluriyal
gade	gades

gade femrin

1. (no d’ biesse ås tetes) aclevåve biesse, roemiante, å pus sovint avou des coines et ki dene do laecea, ki l’ sincieus no, c’ est : Capra hircus.
2. (pus stroetmint) frumele di cisse biesse la.
3. frumele di tchivroû.
   • Elle esteut ossu subtile k’ ene gade di tchivroû. — Pierre Otjacques.
4. emantchaedje avou cwate pates, po mete des plantches, u ôte tchoi dsu.
5. grand tas d’ four metou a souwer so des pîces; ces pietches la.

• 

  Biesse ås tetes

• 

  Gade di four

Ratourneures

1. esse todi metou la k’ les gades si soukèt : il est todi la k’ i n’ fåt nén.
2. Flamind des gades : dijhêye po traiter on Flamind (ricomprindaedje do mot flamind "gat" (trô), dins l’ måhonteuse response "kus mijn gat" (båjhe mi cou).
3. rinde ene pougneye al gade : fé l’ amour å mitan del nute (so l’ apinse k’ on dispiertêye si feme, tot djhant k’ on va aler rsognî l’ gade, po n’ nén dire direk çou k’ on vout). On dit eto : rinde a boere ås tchets.
4. wårder l’ gade et magnî l’ cabu
5. wice ki l’ gade est loyeye, i fåt k’ ele waideye, u ou çki l’ gade est loyeye, i fåt k’ ele brostêye, u ou çki l’ gade est aloyeye, i fåt k’ ele paxhe

Parintaedje

• gadot, gadlot, gadlî
• gadler, gadlaedje
• s’ agadler, agadler
• ragadler, ragadlaedje, ragadelreye, ragadleu, ragadlåd

Mots d’ aplacaedje

• bok-et-gade
• gade d’ ôr (gade-d’-ôr)

Ortografeyes

Divant 1900 :

• gade : E212
• gatt : E177 (1823 & 1843)
• gatte : E89 ^(lére), E212

Après 1900, foû rfondou (Feller, Feller ricandjî, nén Feller) :

• gade : E1, C1, S0, O0
• gate : Charles Bartholomez, S.L.L.W, 1904

E rfondou walon :

• gade : R10 ^(lére), R13

Ratournaedjes

aclevåve biesse, Capra hircus

• Arabe : ماعز ^(ar) =‎ mâ3z pluriyal (pluriyal nén contåve, sôre di biesse); معزة ^(ar) =‎ ma3aza (singulî contåve)
• Arabe marokin : ماعز ^(ary) =‎ ma3ez (pluriyal nén contåve, sôre di biesse); معزة ^(ary) = مْعزة =‎ m3eza (singulî contåve)
• Daenwès : ged ^(da)
• Almand : Ziege ^(de), Geiss ^(de)
• Inglès : goat ^(en)
• Francès : chèvre ^(fr)
• Itålyin : capra ^(it)
• Norvedjin : geit ^(no)
• Occitan : cabra ^(oc)
• Picård : gaye ^(pcd)
• Polonès : koza ^(pl)
• Portuguès : cabra ^(pt)
• Roumin : capră ^(ro)
• Tchampnwès : cabe
• Sicilyin : crapa ^(scn)
• Suwedwès : get ^(sv)
• Kimon amazir marokin : ⵜⴰⵖⴰⴹⵜ ^(zgh) =‎ taghaḍet (singulî contåve); ⵉⵖⴰⴹⴰⵏ ^(zgh) =‎ ighaden (pluriyal)

emantchaedje avou cwate pates po sotni des plantches

• Inglès : stand ^(en), support ^(en), trestle ^(en); (di soyeu) sawbench ^(en), sawhorse ^(en)
• Francès : traiteau ^(fr), chevalet ^(fr)

emantchaedje avou cwate pates po sotni des plantches

• Inglès : stand ^(en), support ^(en), trestle ^(en); (di soyeu) sawbench ^(en), sawhorse ^(en)
• Francès : traiteau ^(fr), chevalet ^(fr)

emantchaedje di troes bwès po souwer l’ four

• Francès : siccateur ^(fr) de fenaison

Waitîz eto

Lijhoz l’ årtike gade so Wikipedia.

Creyole ayicyin

Prononçaedje

• AFE : /ɡa.ˈde/

Viebe

gade

1. wårder.