haerna

Èn årtike di Wiccionaire.
Sauter à la navigation Sauter à la recherche

Flag of Wallonia.svg Walon (Rifondou)[candjî]

Etimolodjeye[candjî]

Bodje norwès « hernest » (amunicions po l’ årmêye), adon racuzinåve avou l’ francès « harnais », li neyerlandès « harnas », l’ inglès « harness », l’ espagnol « arnés ».

Prononçaedje[candjî]

Sustantif[candjî]

singulî pluriyal
haerna haernas

haerna o.

  1. totes les pîces di cur u d’ coides et les fiers, po on tchvå poleur saetchî èn ekipadje.
    • Li pezant haerna so ses rins, Markis loukive li gritchete. J. André (fråze rifondowe).
    • So mi haerna d’ bwès, pus roed k’ ene baguete, Dji n’ a k’ ene mousseure po tos les djamas haerna.
    • Vozôtes les comeres, vos estoz l’ tcherete, li haerna, li tchedje et li scoreye, et nozôte les omes les biesses ki saetchèt. A. Masson (fråze rifondowe).
  2. tolminme kéne usteye.
    • Dji vos va djåzer des haernas et agayons di m’ mestî.
  3. totes des usteyes eshonne, copurade les cenes d’ ene cinse.
  4. sacwè k’ on-z a dandjî po fé tourner åk, po-z adjinçner ene fiesse, po s’ maryî, evnd.
    • Vos pôroz aprester les haernas. A. Masson (fråze rifondowe).
    • Les efants d’ Djiblou front raviker l’ molén et ses haernas. J. Lahaye (fråze rifondowe).
  5. li cinse, l’ oujhene leye-minme.
  6. (pa stindaedje do sinse) patrimoenne.
    • Mins po wangnî ôte tchoi, fåt i piede çou k’ on-z a ? Totes les ritchesses ki nos avéns e nosse haerna. M. Slangen (fråze rifondowe).
  7. (vî mot) pîce di bwès del få, metowe å dzeu del lame, po rilver l’ fåtchaedje.
    • Pol four, li waeyén, li frumint et l’ avoenne, l’ ovrî si sierveut d’ ene få å haerna po rlever l’ prumire bate, bén sovint aflaxheye. G. Michel (fråze rifondowe).
  8. (mot d’ tchesseu) pîce do filet des tindeus ås moxhons.
    • Pu, li tindeu ås wôteus divrè tinkyî ses haerna ; adonpwis, les rascovri d’ såvlon ; fé si hobete, et ratinde, li pougn agrawé åd dibout do haetchant. — LMah (fråze rifondowe).
    • C’ est bén l’ vraiy ki, dispoy sacwants moes, li måleur nos aveut tertos emacralé dins ses haernas (Marie Vandenheuvel).

Ratourneures[candjî]

  1. riployî haerna, riclaper si haerna
  2. leyî la l’ haerna : si djoker di tni ene cinse, evnd.
    • Mes parints divnèt vîs, i sont presses a leyî la l’ haerna et a passer les guides di l’ atelêye a on djonne manaedje. J.-P. Dumont (fråze rifondowe).
  3. (ri)prinde li haerna : divni mwaisse ene sadju (après èn ôte k’ eva).
    • Cwand ls Amerikins ont stî po rprinde li haerna, et les Francès riployî bagaedje, on nos a evoyî å Cambodje. L. Mahin.
  4. on gros haerna, on grand haerna, on fameus haerna : ene grosse cinse, ene bele fabrike, on molén ki toûne bén.
  5. si herer dins l’ haerna (d’ ene kimere, d’ on galant) : si leyî andoûler par lu (leye).

Parintaedje[candjî]

Sinonimeye[candjî]

Mots vijhéns[candjî]

  • (ahesse di bwès del få) : tchet (ôte ahesse ki s’ pout monter e minme tins, come so l’ imådje ådzeu)

Ratournaedjes[candjî]

dalaedje.gif

± ahesses po-z ateler on tchvå
  • F. outil.
  • F. matériel, équippement, outillage.
  • F. équippement, effet, annexes, trousseau.
  • F. exploitation, entreprise.
  • F. grande ferme, grand domaine, grosse exploitation, belle petite entreprise.
  • F. filet.
± leyî la l’ haerna
  • Flag of France.svg Francès : cesser l’ exploitation
± prinde li haerna
  • Flag of France.svg Francès : prendre la relève