Aller au contenu

haerna

Èn årtike di Wiccionaire.

Walon (Rifondou)

[candjî]
  • Haerna simpe.
    Haerna simpe.
  • Tchivås avou tos leus haernas.
    Tchivås avou tos leus haernas.
  • Haerna del få.
    Haerna del få.

Etimolodjeye

[candjî]

Bodje « hernest » (amunicions po l’ årmêye), adon racuzinåve avou l’ francès « harnais », li neyerlandès « harnas », l’ inglès « harness », l’ espagnol « arnés ».

Prononçaedje

[candjî]

Sustantif

[candjî]
singulî pluriyal
haerna haernas

haerna omrin

  1. totes les pîces di cur u d’ coides et les fiers, po on tchvå poleur saetchî èn ekipadje.
    • Li pezant haerna so ses rins, Markis loukive li gritchete. — Joseph André (fråze rifondowe).
    • So mi haerna d’ bwès, pus roed k’ ene baguete, Dji n’ a k’ ene mousseure po tos les djamas haerna.
    • Vozôtes les comeres, vos estoz l’ tcherete, li haerna, li tchedje et li scoreye, et nozôte les omes les biesses ki saetchèt. — Arthur Masson (fråze rifondowe).
  2. tolminme kéne usteye.
    • Dji vos va djåzer des haernas et agayons di m’ mestî.
  3. totes des usteyes eshonne, copurade les cenes d’ ene cinse.
  4. sacwè k’ on-z a dandjî po fé tourner åk, po-z adjinçner ene fiesse, po s’ maryî, evnd.
    • Vos pôroz aprester les haernas. — Arthur Masson (fråze rifondowe).
    • Les efants d’ Djiblou front raviker l’ molén et ses haernas. — Joseph Lahaye (fråze rifondowe).
  5. li cinse, l’ oujhene leye-minme.
  6. (pa stindaedje do sinse) patrimoenne.
    • Mins po wangnî ôte tchoi, fåt i piede çou k’ on-z a ? Totes les ritchesses ki nos avéns e nosse haerna. — Marcel Slangen (fråze rifondowe).
  7. (vî mot) pîce di bwès del få, metowe å dzeu del lame, po rilver l’ fåtchaedje.
    • Pol four, li waeyén, li frumint et l’ avoenne, l’ ovrî si sierveut d’ ene få å haerna po rlever l’ prumire bate, bén sovint aflaxheye. — Georges Michel (fråze rifondowe).
  8. (tchesse), (tindreye) pîce do filet des tindeus ås moxhons.
    • Si ptit cour k' e-st eco banåve,
      E m' haerna djel vôreu rclaper. — Martin Lejeune, Œuvres lyriques du poète wallon Martin Lejeune, p. 108, "Lu hèrna" (fråze rifondowe).
    • Pu, li tindeu ås wôteus divrè tinkyî ses haerna ; adonpwis, les rascovri d’ såvlon ; fé si hobete, et ratinde, li pougn agrawé åd dibout do haetchant. — LMah (fråze rifondowe).
    • C’ est bén l’ vraiy ki, dispoy sacwants moes, li måleur nos aveut tertos emacralé dins ses haernas. — Marie Vandenheuvel (fråze rifondowe).
    • Po poleur mi prinde e haerna,
      I m' vinént fé d' leus intrichats
      Les sots omes. — Camille Gaspard (fråze rifondowe).
  9. (imådjreçmint) gayole, trape.
    • C’ e-st ene mizere do vey co des bråves djins refuzer al feme li droet d’ viker, s’ ele trouve ki l’ mariaedje e-st ene tchinne et l’ måle veye on haerna. — Arthur Xhignesse, Bwègnes mèssèdjes èt p'titès gotes, (1905), p.15 (fråze rifondowe).
    • I n’ ont nén ene vintinne d’ anêyes k’ i sont blancs come des makêyes
      Et l’ moirt ki les awaite,
      Doûçmint ls assaetche e s’ haerna. — Louis Lagauche, Amon nos autes, tchansons tchusèyes, (1908-1912), «Qui n’èstans-gn’ co di ç’timps-là ! » p.28 (fråze rifondowe).

Ratourneures

[candjî]
  1. ateler l’ haerna
  2. riployî haerna, riclaper si haerna
  3. leyî la l’ haerna : si djoker di tni ene cinse, evnd.
    • Mes parints divnèt vîs, i sont presses a leyî la l’ haerna et a passer les guides di l’ atelêye a on djonne manaedje. — Jean-Pierre Dumont (fråze rifondowe).
  4. (ri)prinde li haerna : divni mwaisse ene sadju (après èn ôte k’ eva).
    • Cwand ls Amerikins ont stî po rprinde li haerna, et les Francès riployî bagaedje, on nos a evoyî å Cambodje. — Lucyin Mahin.
  5. on gros haerna, on grand haerna, on fameus haerna : ene grosse cinse, ene bele fabrike, on molén ki toûne bén.
  6. saetchî l’ côp d’ haerna
  7. si herer dins l’ haerna (d’ ene kimere, d’ on galant) : si leyî andoûler par lu (leye).
    • Veyant k’ ele atome e haerna,
      Li fén matchot trefele di djoye :
      Il est da sinne, cist oujhea la. — Joseph Vrindts, Pâhûles rîmês, (1897), «Li bâhège di Judas», p.132 (fråze rifondowe).

Parintaedje

[candjî]

Sinonimeye

[candjî]

Mots vijhéns

[candjî]
  • (ahesse di bwès del få) : tchet (ôte ahesse ki s’ pout monter e minme tins, come so l’ imådje ådzeu)

Ortografeyes

[candjî]
E li scrîta (1100-1600) :
  • harnas : (Jehan Lebel 1290-1370)
Divant 1900 :
Après 1900, foû rfondou (Feller, Feller ricandjî, nén Feller) :
E rfondou walon :

Ratournaedjes

[candjî]
Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.
ahesses po-z ateler on tchvå
  • F. outil.
  • F. matériel, équippement, outillage.
  • F. équippement, effet, annexes, trousseau.
  • F. exploitation, entreprise.
  • F. grande ferme, grand domaine, grosse exploitation, belle petite entreprise.
  • F. filet.
leyî la l’ haerna
  • Francès : cesser l’ exploitation
prinde li haerna
  • Francès : prendre la relève
Prin del pådje «https://wa.wiktionary.org/w/index.php?title=haerna&oldid=425229»