aspiter

Walon (Rifondou)

Etimolodjeye

Do viebe « spiter » avou l’ betchete « a- » des viebes

Prononçaedje

• AFE :
  • diferins prononçaedjes : /as.pi.ˈte/ /as.pɪ.ˈte/ /as.pi.ˈtɛ/ Prononçaedje a radjouter
  • prononçaedje zero-cnoxheu : /as.pi.ˈte/
• Ricepeures : as·pi·ter

Viebe

Djin et tins	Codjowa
Cåzant Ind. pr. (dji, dj’)	aspite
Atôtchî(s) Ind. pr. (vos, vs)	aspitez
Cåzants Ind. pr. (nos, ns)	aspitans
Rwaitants Ind. pr., nam. (i/il, ele/elle)	aspitnut
Cåzant Ind. fut. (dji, dj’)	aspitrè
Cåzant D.I.E. (dji, dj’)	aspitéve
Cåzant Suddj. pr. (ki dji, dj’)	aspite
pårt. erirece (dj’ a, vos av)	aspité
Ôtes codjowaedjes	come bouter

aspiter (v. sins coplemint)

1. sipiter aviè l' ci ki djåze, tot djåzant d' on likide.
   • Li måssite aiwe del corote lyi aspite å vizaedje — Motî Forir (fråze rifondowe).
   • Li sonk aspite pa tot costé !— Joseph Vrindts, ”Vîx Lîge” (1901), p.36, “Battaye di Feumme !” (fråze rifondowe).
   • Ses ouys serés, il oyeut l' crînaedje del pompe et l' aiwe k' aspitéve dins les saeyeas d' blanc fier (J.P. Dumont). On dit eto : abrotchî. F. jaillir.
2. ariver tot d' on côp.
   • Des cints et des cints tiesses aspitît ås finiesses.
   • Il a aspité chal come on côp d' aloumire.
   • Aspite ene nouwêye di coirbås,
     Et come si ene sakî lzî derixhe
     Ki por zels l' eurêye est la presse
     Vo les la plonkîs, tot breyant,
     Å mitan do tcherwé ki foume'
     — Henri Simon (fråze rifondowe).
   • Gn a des gros spès nouwaedjes k' aspitèt did låvå,
     Tot berôlant s' n' on l' ôte, etot maxhurant l' cir
     — Lucyin Mahin, ratournant Baudelaire.
   • I m' aspite ene idêye, mi, Sint-Amour — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 36 (fråze rifondowe).
   • Gn a des Comissions d' Consultåcion k' arindjèt les bidons cwand k' gn a des arokes k' aspitèt inte les parints et li scole— Yvon Laurent (fråze rifondowe).
   • Tossint vént raviker nos mehins... et, avou leye, c' est todi djourmåy li minme paket d' imådjes ki m' aspite ås ouys — Paul-Henri Thomsin (fråze rifondowe).
   • Portant, les djonnes ont sovint dandjî d' ene fråze walone tipike, po ratourner des mots francès d' asteure k aspitèt dins leus tiesses — Lucyin Mahin.. On dit eto: abizer, adårer, adramter, aflûtchî. F. surgir, apparaître brusquement.
3. si spåde tot d' on côp, tot cåzant d' ene novele.
   • E moes d' decimbe 1997, li novele a aspité so l' Etrernete et divins les medias, ki Bon-papa John aléve rinaivyî e cir, po fé des sayes di medcene so l' aviyixhaedje — Lucyin Mahin.F. se répandrefaire l'effet d'une bombe".
4. acori tot d' on côp. On dit eto a: abroker, adårer, adramter, aflûtchî. F. accourir, surgir.
5. kimincî a esse veyowe, tot djåzant d' ene sipite di feu, d' ene sitoele. #*Ene après l' ôte, les stoeles aspitént å cir F. surgir, apparaître.

Sinonimeye

sipiter aviè l' ci ki djåze, tot djåzant d' ene aiwe

• spiter
• stritchî

ariver tot d' on côp

• advini
• aroufler
• atoumer
• atourner
• sorvini

acori tot d' on côp

• acori
• aploure
• aroufler
• avoler

kimincî a esse veyowe, tot djåzant d' ene sipite di feu, d' ene sitoele

• brotchî foû
• båcter

Ortografeyes

Divant 1900 :

• aspité : E203 ^(lére)

Après 1900, foû rfondou (Feller, Feller ricandjî, nén Feller) :

• aspiter : E1, E21, E34

E rfondou walon :

• aspiter : R9 ^(lére), R11 ^(lére)

Li mot n’ est nén dins : C61, E89

Sipårdaedje do mot

w. do Levant

Ratournaedjes

sipiter aviè l' ci ki djåze, tot djåzant d' ene aiwe

• Francès : éclabousser ^(fr)

ariver tot d' on côp

• Francès : surgir ^(fr), survenir ^(fr)

si spåde tot d' on côp, tot cåzant d' ene novele

• Francès : s'ébruiter ^(fr), se propager ^(fr)

acori tot d' on côp

• Francès : accourir ^(fr), se précipiter ^(fr), surgir ^(fr)

kimincî a esse veyowe, tot djåzant d' ene sipite di feu, d' ene sitoele

• Francès : surgir ^(fr), apparaître ^(fr)