tere

Loukîz eto : Tere.

Walon (Rifondou)

Etimolodjeye

Tayon-bodje latén « terra » (minme sinse).

Prononçaedje

AFE :
- diferins prononçaedjes : /tɛːʀ/ /teʀ/ /tɛʀ/ /tɛ̃ʀ/ /taːʀ/ miersipepieuzmint e l’ notule ALW 6.1 .
- prononçaedje zero-cnoxheu : /tɛːʀ/
Ricepeures : nén rcepåve

Sustantif

singulî	pluriyal
tere	teres

tere femrin

(djeyografeye) sitindowe k' est a nos pîs.
- Nos irans si lon ki l' tere nos pôrè poirter. — Motî Forir (fråze rifondowe).
- A tant plorer, l’ tere divént frexhe,
  Et bén vite, nos pîs s’ efoncèt. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Quî sét ?», 1909, p.134 (fråze rifondowe).
(djeyolodjeye) dismantcheyès pires, la k' les plantes efonçnut leus raecinêyes.
- I prinda del tere, li strûler etur ses doets, et l' leyî cori djus sol tchamp. — Lucyin Mahin. (ratournant Albin Georges)
årzeye.
- C' est ene pupe di tere.
- Elle esteut bén viye li måjhinete do pere Flipete ! Tot cmoudris, ses meurs di tere mancént tofer do waguer ; — Joseph Mignolet, Vè l' loumîre, 1922, p.5 (fråze rifondowe).
(astronomeye) planete k' on vike dissu.
- Li tere est a 37 miyons et dmey d' eures erî do solea. — Motî Forir (fråze rifondowe).
(mot des cinsîs) sitindêye d' on metou payis.
- Nos estans cial so tere d' Almagne. — Motî Forir (fråze rifondowe).
- Dj' inme li Beldjike do fond di mi åme,
  Paski c' est cial ki dj' a nexhou
  Et po rén, dji n' vou nén k' on blåme
  Li tere la wice ki dj' a crexhou. — Louis Wesphal, Les Plaihants Ramages, 1922, Vers sicrîts d’vins l’ lîve d’ôr rimettou à M. Poincaré, prèsident dè l’ République Française (1919), p. 132 (fråze rifondowe).
(mot des cinsîs) pitite sitindêye d' on cinsî.
- I n' a måy volou vinde si tere do Ban-bwès.
Modele:plur dominne d' on nôbe, d' ene pouxhante djin.
- C’ est don fini dispoy ir di mes teres et d’ mes bwès, tot est vindou. — Louis Lagauche, Les bwèh'lîs, 1948, p.16 (fråze rifondowe).

Ratourneures

(sitindêye a nos pîs)

al tere, a tere : djus sol tere, a daegne.
- Tchinne tchôke si gåtche djino a tere. — Joseph Calozet (fråze rifondowe). F. à terre, sur le sol, à même le sol.
aveur al tere : abate.
- I fåt qu’on l’åye al tére ! C’è-st-å toûr dès cougnêyes :
  èles l’ataquèt po l’ pîd. Li bwès, deûr come dè fiér,
  tint bon conte lès-ac’seûres dès hagnantès-ustèyes.
  Li brès′ dès-omes falih ; mins, so l’ timps qu’onk si r’hape,
  in-aute riprind l’ovrèdje.
  — Henri Simon.
dimani tere et bon.
- C’ est vraiy ki Bâtisse, k’ endè voet co pus, lu – del tcherete, del veye, et d’ zels-minme – dimane tere et bon. — Arthur Xhignesse, « Boule-di-Gôme », 1912, p.19 (fråze rifondowe).
li tere est basse : dijhêye cwand on doet ramasser åk a tere, et k' on a do må.
dji lyi mosterrè ki l' tere est basse ! : djel va fote al tere. Franwal: ahåyant po: F. je lui ferai mordre la poussière.
fé tere ewale

(dismantcheyès pires po les plantes crexhe)

i fåt semer cwand l' tere est amoureuse
boune tere, fele tere : ritche tere (d' årzeye).
måle tere, mwaijhe tere : pôve tere (di såvlon, di fagne).
cråsse tere : tere k' on-z a bén ansiné.
maigue tere : tere nén ansinêye.
tere årziyeuse, tere cawieuse, tere al tchåsse : sôres di teres.

(sitindêye d' on cinsî)

egadjî ene tere : (E203)
tant våt l' ome, tant våt s' tere : (E203)

(nosse monde)

Sol tere, li ci ki n' a pont d' måleurs è ratind
- Awè, hin, vî posti, bon vî posti da nosse !
  Twè k' a cnoxhou sol tere les meyeus d' mes atnants,
  Twè ki m' pere a sayî do wårder tot s' vicant,
  Cwand dji t' louke, dji m' fwai må di t' vey divni halcrosse. — Jean Dessard, D'ine cohe so l'aute, 1939, p.56, Li vî posti (1928) (fråze rifondowe).