saedje

Walon (Rifondou)

Etimolodjeye 1

S’ i gn åreut ene sakî ki sepreut cwè åd fwait di l’ etimolodjeye di « saedje », el pout stitchî vaici.

Prononçaedje

• AFE :
  • diferins prononçaedjes : /sɛt͡ʃ/ /saːt͡ʃ/
    • (pa rfrancijhaedje) /saːʃ/
  • prononçaedje zero-cnoxheu : /sɛt͡ʃ/
• Ricepeures : nén rcepåve

Addjectif

	singulî	pluriyal
omrin	saedje	saedjes
femrin padrî	saedje	saedjes
femrin padvant	saedje	saedjès

saedje come addjectif djondrece, metou purade divant l' no

1. ki schoûte bén, tot djåzant d’ èn efant ; ki n’ fwait pont d’ biestreye avou les valets, tot cåzant d’ ene djonne feye.
   • La èn efant saedje. — Motî d’ Djivet (fråze rifondowe).
   • On saedje efant fwait çou k’ on dit. — Motî del Lovire (fråze rifondowe).
   • Il a stî saedje e scole. — Motî d’ Nivele (fråze rifondowe).
   • Alez, fouxhoz saedje ! — Motî del Fagne et del Tieraxhe.
   • Elle a prometou d’ esse saedje et d’ aschoûter ses parints. — Motî d’ Nivele (fråze rifondowe).
   • Come il a stî saedje, i pout prinde ene bouboune dins l’ boesse. — Motî del Fagne et del Tieraxhe.
   • C’ est ene djonne feye k’ a seu dmorer saedje. — Motî del Fagne et del Tieraxhe.
   • Si vos n’ estoz nén pus saedje ki ça, Sint Nicolai n’ vénrè nén. — Motî Gilliard (fråze rifondowe).
2. ki tuze bén, a môde d’ on filozofe, tot cåzant d’ ene grande djin.
   • Si vos estoz saedje et bén avizé, èn dalez nén. — Motî do Coûtchant walon (fråze rifondowe).
   • Est ç’ bén saedje di dner l’ veye a èn efant pol mete å djoû dins nosse monde, dins nos traeyins, dins nos gueres ? — Michel Robert (fråze rifondowe).
3. malén, sûti.
   • Soeyoz pus saedje ene ôte feye ! — Motî Forir (fråze rifondowe).
   • Il est ddja ossu saedje ki s’ mwaisse. — Motî do Coûtchant walon (fråze rifondowe).

Notule d’ uzaedje

On mete pacô l’ addjectif padrî, çou ki mostere bén k’ il est adon rsintou come on calcaedje do francès.

Ratourneures

1. saedje come ene andje, come ene imådje : foirt saedje.
2. on n’ pout nén dire ki vos estoz saedje, oubén, el fåt dire rade : dijhêye po èn arnåjhe efant.
3. on est saedje ki cwand on rvént di scole : djeu d’ mot avou « saedje » dins l’ sinse di « djinti» , po les efants esse vayants après les scoles.

Parintaedje

• saedjmint
• saedjesse

Mots d’ aplacaedje

• saedje-dame
• saedje-feme

Mots vijhéns

(ki tuze bén)

• avizant
• precåcioneus

(malén, sûti)

• sincieus

Sinonimeye

• voyant
• djinti
• binamé
• mamé
• påjhûle
• påjhire
• åjhey
• råjhnåve
• bråve
• coe

Ortografeyes

Divant 1900 :

• sèdje : E203 ^(lére)
• seche : E212 ^(lére)
• sech : E203 ^(lére)

Après 1900, foû rfondou (Feller, Feller ricandjî, nén Feller) :

• sâje : C1, C100, C106
• sâdje : C8, C106, O0, O3, O4, O100
• sèdje : E1, E212b
• sådje : FO94

E rfondou walon :

• saedje : R10 ^(lére), R11 ^(lére)

Li mot n’ est nén dins : C9, C105, E2, E170, S0, S25, S40, O5

Sipårdaedje do mot

Li prumî sinse di « saedje » (vayant, binamé) n’ esteut nén eployî sol Payis d’ Lidje. Dandjreus pask’ il esteut rsintou come francès, et ki l’ sinonime « binamé » esteut foû corant. Minme sitouwåcion el Basse Årdene avou « vayant ».

Li troejhinme sinse a egzisté a Lidje e 19inme sieke. On l’ trouve divins l’ Motî Forir, mins il esteut rsintou come on vî mot e 20inme sieke. Çouci, motoit paski l’ disfondowe « sèdje » est omonime di « setch », avou les marixhaedjes possibes.

Sol walon do Coûtchant, l’ erîlêye disfondowe « sâdje » s’ a spårdou pus åjheymint, et wangnî l’ walon do Mitan.

Ratournaedjes

ki schoûte bén

• Francès : sage ^(fr), docile ^(fr), obéissant ^(fr), tranquille ^(fr), calme ^(fr), pausé ^(fr)

ki tuze bén

• Francès : sage ^(fr), prudent ^(fr), lucide ^(fr), avisé ^(fr), censé ^(fr), prévenu ^(fr)

malén, sûti

• Francès : instruit ^(fr), savant ^(fr)

Sustantif

singulî	pluriyal
saedje	saedjes

saedje omrin

1. djin foirt avizante, ki tuze lon.
   • On bea monsieu dins ene longue cote avou ene air di saedje s’ a ashid a costé d’ ene dame k’ aveut sacwants markes di coleur dissu s’ vizaedje. — Yves Paquet (fråze rifondowe).
2. (vî mot) sûteye sacwè.
   • Nos n’ avans fwait k’ saedje. — Vî tecse walon di 1634 ramexhné pa J. Haust (sourdant a recråxhî) (fråze rifondowe).

• 
  Li vî saedje Lao-tseu ki scole Confuciusse.

Ratourneures

1. fé saedje (a ene sakî) : lyi fé sawè, el racsegnî.
   • Ureuzmint k’ on m’ a vnou fé saedje. — Motî do Coûtchant walon (fråze rifondowe).
   • Dji l’ a fwait saedje di çou ki l’ ratindeut. — Motî del Lovire (fråze rifondowe).
2. troclet d’ saedjes : sacwants djins, foirt sûti, tchoezis po vudî d’ ene sitouwåcion avou bråmint des rujhes.

Ratournaedjes

djin foirt avizante, ki tuze lon

• Francès : sage ^(fr)

sûteye sacwè

• Francès : précaution ^(fr), chose sage

fé saedje (a ene sakî)

• Francès : faire savoir, informer ^(fr), renseigner ^(fr)

troclet d’ saedjes

• Francès : comité de sages

Etimolodjeye 2

Tayon-bodje latén « salvia » (minme sinse) (yebe madjike, po divni saedje, sûti).

Sustantif

singulî	pluriyal
saedje	saedjes

saedje omrin et femrin

1. (plante) yebe ås maladeyes et yerbêye, ahivêye dins les cortis, ki l’ sincieus no, c’ est : Salvia officinalis
   • Leyîz m’ cachî ås oûs dins les pîyônes et l’ saedje. — Willy Bal (fråze rifondowe).
   • I fåt del saedje po-s acomôder les puvions. — Motî Forir (fråze rifondowe).
   • Metoz del saedje al sope. — Motî d’ Bastogne (fråze rifondowe).
   • Lavez ses tchveas avou del saedje. — Motî Haust (fråze rifondowe).
   • Cwand k’ on sofere del sape, i fåt gargosser avou do té d’ saedje. — Live so les plantes da Bastin (fråze rifondowe).
   • Fé do té d’ saedje pol rinnete. — Motî d’ Nivele (fråze rifondowe).
   • Del tijene di saedje, c’ est bon po rdiner d’ l’ alant. — Motî del Fagne et del Tieraxhe.
   • Do té d’ saedje po on malåde ki s’ rileve. — Motî del Hesbaye (fråze rifondowe).
2. tchene di deujhinme cwålité, po fé les saetchs.

Ratourneures

• franc saedje u franke saedje : saedje, po fé l’ diferince avou l’ saedje des bwès et l’ saedje des tchamps. F. "sauge officinale".
• aiwe di saedje, té d’ saedje u tijene de saedje : saedje metowe a boure dins d’ l’ aiwe. F. "tisane, infusion de sauge".
• on paket d’ saedje : ene bohêye di saedje loyeye avou on fi. F. "bouquet de sauge".
• Li ci k’ a del saedje e s’ corti ni pout mori : spot ki mostere tos les bénfwaits del plante.

Mots d’ aplacaedje

• franc saedje u franke saedje (plante des cortis)
• saedje des bwès, såvadje saedje (plante des bwès)
• saedje des tchamps (plante des tchamps)
• foye di saedje (instrumint d’ cérudjin)

Ortografeyes

Divant 1900 :

• sarge : S100 p. 407
• seche : E212 ^(lére)
• sètche : E125

Après 1900, foû rfondou (Feller, Feller ricandjî, nén Feller) :

• sådje : FO94, S117
• sèdge : E167
• sadje : C1, C9, C56, C57, C100, C106, E9, S0
• sârtche : S24
• sâdje : O3, O4, O99, O76, S0
• saudje : O4, O100, S117
• sètche : E204
• sârdje : O4, S24, S107, S117
• sèdje : E1, E9, E21, E34, E170, E212b, S0

E rfondou walon :

• saedje : R10 ^(lére), R11 ^(lére)

Ratournaedjes

ki l’ sincieus no, c’ est : Salvia officinalis

• Espagnol : salvia ^(es)
• Francès : sauge ^(fr)
• Kimon amazir marokin : ⵜⵉⵍⵙⴰⵙ ^(zgh), ⵜⵉⵎⵣⵓⵜ ^(zgh)

tchene di deujhinme cwålité, po fé les saetchs

• Francès : mauvais chanvre

Omofoneye possibe

• saetch (satch & sètch si prononcèt come sadje & sadje)
• saetchî (dji satche & dji sètche si prononcèt come sadje & sadje)
• setch (si prononce come sèdje)