schård

boke avou on schård di dint

Walon (Rifondou)

Ordinairmint	Dirî cossoune s’ on prononce /sk/
schård	eschård

Etimolodjeye

Tayon-bodje vî francike «skarda» (schete, sclat), adon racuzinåve avou l' almand « Scharte » (minme sinse), li francès « écharde » (schete), l' inglès « shard » (« spiteure, pitit boket »); mot cité dins l’ FEW 17 97a (lére).

Prononçaedje

• AFE :
  • diferins prononçaedjes : /skaːʀ/ /ʃoːʀ/ /ʃaːʀ/ /ʃãʀ/ /hɔːʀ/ /haːʀ/ (betchfessî sch), (betchfessî å)
  • prononçaedje zero-cnoxheu : /skɔːʀ/ (waire u nén prononcî insi å 20inme sieke) /ʃɔːʀ/
• Ricepeures : nén rcepåve

Sustantif

singulî	pluriyal
schård	schårds

schård omrin

1. acrin nén volou dins ene lame, on côpant osti, on taexhon.
   • N a des schårds divins m' hepe et ossu dvins m' fiermint. — Motî Forir (fråze rifondowe).
   • Dj' a fwait on schård a m' coutea. — Motî d’ Nivele (fråze rifondowe).
   • Gn a on schård e m' raezoe. — Motî do Coûtchant walon (fråze rifondowe).
   • I gn a on schård dins m' cougneye. — Motî d’ Bastogne (fråze rifondowe).
   • Kî çk' a fwait on schård dins m' bele djate ? — Motî d’ Bastogne (fråze rifondowe).
2. (mot d' costire) kischiraedje d' ene sitofe.
   • Dj' a fwait on schård divins ç' bele sitofe la. — Motî Forir (fråze rifondowe).
   • Dj' a fwait on schård a m' marone. — Motî do Coûtchant walon (fråze rifondowe).
   • Vos avoz fwait on fameus schård à vosse pantalon. — Motî d’ Cînè (fråze rifondowe).
   • Dj' a ou schård dins m' schorsoe. — Motî d’ Bastogne (fråze rifondowe).
   • Çou k' dj' a co prins po m' catåre El côp k' dj' a rtcheu avou on schård Dins m' nouve coulote k' on vneut di m' mete. — Robert Mayence (fråze rifondowe).
3. (mot d’ mousseure) drovaedje d' ene tchimijhe e hatrea.
   • Cisse tchimijhe a on trop grand schård (po-z aler foû avou). — Motî Toussaint (fråze rifondowe).
4. (mot d’ medcén) kischiraedje del pea.
   • I s' a fwait on laid schård avou s' coutea. — Motî d’ Cînè (fråze rifondowe).
5. dint di dvant ki manke.
   • Fote mi l' camp ou dji t' fwai on schård di dint. — Bob Dechamps (fråze rifondowe).
6. edåmaedje d' ene (pwin, påstedjreye), d' èn ovraedje (fåtchaedje d' on boket).
   • Les soris ont hagnî on schård e drap. — Motî Toussaint (fråze rifondowe).
   • Dj' avans ddja fwait on bea schård dins ç' boket la. — Motî d’ Bastogne (fråze rifondowe).
   • 'Dj' a passé dé t' boket d' swele ersè, et les bixhes î avént ddja fwait on bea schård. — Joseph Calozet (fråze rifondowe).
7. alouwaedje d' ene grosse pårt d' on moncea d' çanses
   • Il a fwait on fameus schård a l' eritaedje. — Motî Forir (fråze rifondowe).
   • On a ddja fwait on fameus schård a l' cwénzinne. — Motî d’ Cînè (fråze rifondowe).
8. (mot d’ militaire) trô fwait å canon ou a l' esplôzant dins on meur di disfinse.
9. (imådjreçmint) sinsåcion d' vude, après l' moirt d' ene djin.
   • Si moirt lait on grand schård. — Motî Toussaint (fråze rifondowe).

Ratourneures

1. fote on schård a s' boûsse u : fé on schård e s' sint-crespin : atchter ene tchire sacwè.
2. fé on schård dins l' caisse : poujhî dins l' caisse d' on botike, d' ene soce.

Parintaedje

• schårder, schårdé, schårdaedje

Mots d’ aplacaedje

• schård di dint
• schård e sacramint, schård dins l' contrat
• schård di bwès (xheye, nåle)

Sinonimeye

• (acrin dins ene lame) : schårdaedje, sclat, crin; miersipepieuzmint e l’ notule ALW 4.154 .
• (kischiraedje d' on mousmint) : cénk, sclefe, nafteure, schiråde; miersipepieuzmint e l’ notule ALW 5.75 (rawetes p. 163).
• (kischiraedje del pea) : plåye, kernaxhe, skernaxhe, crin, schiråde, zafe; miersipepieuzmint e l’ notule ALW 15.60 .
• (dins on meur, ene paroeze di rotche) : creveure, crevåde

Omofoneye possibe

• (/hɔːʀ/ /haːʀ/)
  • håre (kimande å tchvå)
  • håde (vî mousmint)
  • håre (loyén d' plante)
• (/ʃoːʀ/) chaure (Do viebe chaurer, aler rade)

Ortografeyes

Divant 1900 :

• hâr : E177, E203 ^(lére)

Après 1900, foû rfondou (Feller, Feller ricandjî, nén Feller) :

• scôd : G204 p. 299
• chaurd : C1, C13, O0
• chôd : G204 p. 299
• hyârd : E200, G204 p. 299
• chaur : C8, C9, O2
• chârd : S0, G204 p. 299
• chård : S117
• shanrd : E165
• hår : E1, G215 p. 142
• scâr : G215 p. 142
• châr : G215 p. 142
• scârd : O0, O4, G204 p. 299
• chôr : G215 p. 142
• hård : E1, E34, E170
• chôrd : G204 p. 299, Bour, Sing

E rfondou walon :

• schård : R10 ^(lére), R11 (a « sacré ») ^(lére)

Li mot n’ est nén dins : C62 (k' a «chaurder»), S109, R13 (k' a «schårder»)

Ratournaedjes

trô dins ene lame

• Francès : brèche ^(fr), ébréchure ^(fr)

kischiraedje d' ene sitofe

• Francès : déchirure ^(fr), taillade ^(fr)

drovaedje d' on mousmint

• Francès : échancrure ^(fr)

kischiraedje del pea

• Inglès : breach ^(en)
• Francès : balafre ^(fr), taillade ^(fr), estafilade ^(fr), entaille ^(fr), plaie ouverte ^(fr)
• Gåmès : chârd

bea edåmaedje

• Francès : entame ^(fr), entamure ^(fr)

trô dins on meur di disfinse

• Inglès : breach ^(en), gap ^(en)
• Francès : brèche ^(fr)

vude, après l' moirt d' ene djin

• Francès : vide ^(fr)