sô

Loukîz eto : so.

Walon (Rifondou)

Etimolodjeye 1

Tayon-bodje latén « satullus » (k' a trop bevou), di «satur» (k' a bén magnî).

Prononçaedje

AFE :
- diferins prononçaedjes : /sɔ̃/ ^{aschoûtez lu} /soː/ /sõː/ /suː/ (betchfessî ô)
- prononçaedje zero-cnoxheu : /sõː/ ^{aschoûtez lu}
Ricepeures : nén rcepåve

Addjectif

	singulî	pluriyal
omrin	sô	sôs
femrin padrî	sôle	sôles
femrin padvant	sôle	sôlès

sô omrin (come addjectif djondrece, metou padvant u padrî l’ no)

k' a trop bevou del gote, del bire, evnd, et ki n' sait pus çou k' i fwait.
- Il esteut co sô ayir — Motî d’ Bastogne (fråze rifondowe).
- Il est sô tos les djoûs — Motî d’ Bastogne (fråze rifondowe).
- C' est nén bea, ene feme k' est sôle.
- I n' såreut dner des côps,
  S' il est sô. — Henri Forir, Blouwett lîgeoiss, On bon pârti (traduit du français), 1843, p.29 (fråze rifondowe).
- Mins ci-cial, c’ e-st on målignant.
  Disconte l’ åté, sô come ene biesse,
  I fwait des mawes padrî l’ priyesse
  Ki dene li bateme a si efant ! — Joseph Vrindts, ”Vîx Lîge” (1901), p.50, “Li Pèqu’teu” (fråze rifondowe).
- Vos dirîz, diåle mi speye, k' i s' dispitèt timpesse
  Li boket d' pan hiné foû del mwin d' on trop sô. — Jean Dessard, D'ine cohe so l'aute, 1939, p.47, Pauves pitits oûhês (1910) (fråze rifondowe).
- Noyé esteut si sô k’ i n’ poleut pus hope et k’ i s’ aveut essocté so ses voyes — Jean-Pierre Dumont (fråze rifondowe).
- - K’ a t i hapé ?
  - Ene fameuse rouflåde da m’ feme ki contéve ki c’ esteut mi ki rintréve sô ! — Paul-Henri Thomsin, ratourtnant Tchantchès, c'èst po rîre, 2023, p.25 (fråze rifondowe).
k' est bén rpaxhî.
- Les vatches sont bén sôles — Motî d’ Bastogne (fråze rifondowe).
- Mins, veyoz vs, nost ome est sô d’ djoye— Joseph Vrindts, ”Vîx Lîge” (1901), p.37, “Sau d’ Jôye” (fråze rifondowe).

Ratourneures

Parintaedje

Mots d’ aplacaedje

Sinonimeye

(k' a trop bevou) : k' a ene perike, ene tampone, ene tchike, tchiké, cût; Loukîz a : Motyince:sô et sôlêye/walon
(k' a trop magnî) : ripaxhou

Omofoneye possibe

/sõ/ : sôz
/soː/ : så
/sɔ̃/ : sont (viebe "esse"), son (brut), sôz
/suː/ soû (d' èn ouxh)

Ortografeyes

Divant 1900 :

sôu, sôule : C9a (a « moir-sôu ») ^(lére)
sô, sôll : E177a ^(lére)
sô, sôl : E203 ^(lére)

Après 1900, foû rfondou (Feller, Feller ricandjî, nén Feller) :

sô, sôle : E34, E165, S0, S117
sô : C8, C9, O92 ^(lére), S17 p. 28
soû, soûle : O4
saoûl : O103

E rfondou walon :

sô, sôle : R10 ^(lére)
sô : R13

Ratournaedjes

k' a trop bevou d' l' alcol

Arabe : سكران ^(ar) = سَكْران =‎ sakrân
Arabe marokin : سكران ^(ary) = سْكْران =‎ skran
Almand : betrunken ^(de)
Inglès : drunk ^(en)
Espagnol : borracho ^(es)
Francès : soul ^(fr), soûl ^(fr), ivre ^(fr)
Neyerlandès : dronken ^(nl), zat ^(nl)

k' est bén rpaxhou

Loukîz a : ripaxhou

Inglès : full ^(en)
Francès : repu ^(fr), rassasié ^(fr)

Sustantif

sô omrin

dins l’ ratourneure : « magnî s’ sô »: magnî disca esse bén rpaxhou.
dins l’ ratourneure : «end awè s' sô» / «end aveur si sô»: èn pus poleur sopoirter.

Ratourneures

doirmi s’ sô.
- - Ele est bén metchante don l' feye di cial ?
  - - Nonna, mins cwand ele ni doime nén s' sô, ele est haeyåve. — Joseph Vrindts, « Li pope d'Anvers » (1896), p.7 (fråze rifondowe).
end awè s’ sô
cwand l’ pourcea end a s’ sô, les naveas sont seurs
magnî s’ sô

Sinonimeye

dins « magnî s' sô »

binåjhe (magnî s’ binåjhe)

Etimolodjeye 2

Tayon-bodje latén « solidus »

Prononçaedje

AFE :
- diferins prononçaedjes : /soː/ /su/ /sɔ/ (betchfessî ô)
- prononçaedje zero-cnoxheu : /soː/
Ricepeures : nén rcepåve

Sustantif

singulî	pluriyal
sô	sôs

sô omrin

(manoye) manoye do l' Ancyin redjime, k' endè faleut 24 po fé èn aidant d' Lidje.
- Divins l' tins, il aveut falou vint-cwate sôs po fé èn aidant d' Lidje et motoit foirdjive-t on adon des pîces di keuve d' on sô — Nicolas Lequarré (fråze rifondowe).

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

pîce di cénk cintemes bedjes (1830-2001).
on ptit sô u on simpe sô : pîce di cénk cintemes.

on gros sô u : on dobe sô : pîce di dijh cintemes.
vint sôs : on franc. cint sôs : cénk francs.
èn nén aveur nén on pelé sô ( u : on vete sô u : on sô vayant) : esse sins cwår.
aveur li sô : esse ritche.
Ça n' våt nén on sô : ça n' våt rén.
Djel wadje vint francs conte on sô : dji so seur di çou ki dj' di (on franc valeut 20 sôs).
I lyi manke todi dijh nouf sôs po fé l' franc : il est todi djus d' sôs (sins cwårs).
C' est rén d' boere po dijh sôs cwand on wangne on franc :
rl a: franc.
esse conoxhou (-owe) come li mwais sô : aveur ene mwaijhe rilomêye.
il est prope come on sô : il est bén moussî (bén abiyî).
i rlût come on noû sô :
rl a: noû.
i côpréve on sô e deus : il est pice-crosse.
pîce di 5 cintemes d' euro.
des sôs: des cwårs.
- I wangne bråmint des sôs.
il a l' sô : il est ritche.

i fåt prinde li tins come i vént, et l' sô pa dou çk' i vént : i fåt waitî d' wangnî des sôs, pa tolminme ké moyén.
Les sôs lyi broûlèt les mwins : i coschire (i furleye) tos ses cwårs.
i n' fåt nén stoper l' trô pa dou çki l' sô vént : I fåt waitî di n' nén piede èn ovraedje ki rapoite bén, des pratikes k' atchtèt aidant sol mwin, evnd. Franwal: ahåyant po: "Il ne faut pas tuer la poule aux œufs d'or".
esse sins sô ni maye
- Dji so portant sins sô ni maye ;
  Dj' overe po boere et wangnî m' pan,
  Et cwand c' est k' dji n' pôrè pus hay,
  K' on m' etere, s' on vout, tot vicant. — François Barillié, Li camarad′ dè l'joie, 1852, Li bon vî célibataire, p.116 (fråze rifondowe).

Mots d’ aplacaedje

doze-sôs

Ortografeyes

Divant 1900 :

sô : E203 ^(lére)

Après 1900, foû rfondou (Feller, Feller ricandjî, nén Feller) :

sou : C8, E1 (dins des ratourneures ki vnèt do francès), E34, O0
sô : E1

E rfondou walon :

sô : R10 ^(lére)

Li mot n’ est nén dins : R13

Ratournaedjes

F. sou.

Pwaire minimom

så (åbe)
sot