tuzer

Walon (Rifondou)

Etimolodjeye

Tayon-bodje mîtrin neyerlandès « tusen » (dimorer coe, sondjiner), lu-minme do bodje mîtrin hôt almand « tûzen » ; çou ki dene on mot avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /tyː.ˈze/ /tyː.ˈzɛ/ /tyː.ˈziː/ (minme prononçaedje cåzu pattavå)
  • prononçaedje zero-cnoxheu : /tyː.ˈze/
• Ricepeures : tu·zer

Viebe

Djin et tins	Codjowa
Cåzant Ind. pr. (dji, dj’)	tuze
Atôtchî(s) Ind. pr. (vos, vs)	tuzez
Cåzants Ind. pr. (nos, ns)	tuzans
Rwaitants Ind. pr., nam. (i/il, ele/elle)	tuznut
Cåzant Ind. fut. (dji, dj’)	tuzrè
Cåzant D.I.E. (dji, dj’)	tuzéve
Cåzant Suddj. pr. (ki dji, dj’)	tuze
pårt. erirece (dj’ a, vos av)	tuzé
Ôtes codjowaedjes	sipepieus tåvlea

tuzer

1. (v. sins coplemint) fé aler s’ cervea po trover ene rexhowe a on problinme, ene rujhe.
   • Po scrire, i fåt todi tuzer pus k’ po djåzer : c’ est po çoula k’ les femes n’ inmèt gote do scrire. — Arthur Xhignesse, « Bwègnes mèssèdjes » (1905), p.3 (fråze rifondowe).
   • Dji m’ va passer l’ nute tot tuzant po rfé l’ minme tchanson k’ i gn a cwarante ans — Mme Cambier (fråze rifondowe).
   • Sins tuzer, come èn efant coixhî, Mossieu A a stitchî s’ doet e s’ boke — Lorint Hendschel.
2. (v. sins coplemint) aveur ene pinsêye po.
   • Mi fi, c' e-st ouy ki mi ptite feye a ses anêyes, seulmint cial, personne n' î a tuzé… — Joseph Mignolet, "Milionêre !" (1934), p.50 (fråze rifondowe).
3. (v. sins coplemint) èn nén bodjî, tot avant l’ air di sondjî.
4. (v. sins coplemint) trinner a l'ovraedje tot sondjant, s’ arester tofer tot rotant.
   • Tot cagnåd, li Pere Noyé shût s’ voye, piyane miyane, e tuzant — Yves Paquet (fråze rifondowe).
5. (viebe å coplemint) pinser, reflechi a, trover ene rexhowe a.
   • C’ est tot tuzé : dji n’ irè nén — Motî d’ Bastogne (fråze rifondowe).
   • Dj’ a tuzé çou k’ dj’ aléve fé.
   • Cwè çki t’ tuzes co la ? — Motî d’ Bastogne (fråze rifondowe).
   • Fårè co k’ el « feme sins profession » coridje les fåtes del redaccion Ubén tuzer cwè dire divins l’ elocucion. — Louis Baijot (fråze rifondowe).
   • Si bén tuzêye k’ ele pout-z esse, ene tactike come li « Consum » doet-z esse sitrimêye po polou mostrer s’ valeur — Louis Baijot (fråze rifondowe).
6. (v. å coplemint nén direk eployî avou li dvancete « a ») pinser, reflechi (a).
   • A cwè tuzez co, don, Tchofile ? Vosse cafè va-z esse froed ! — Ernest Benoit (fråze rifondowe).
   • Il a tuzé å moyén di rfé l’ machine.
7. (viebe å prono) dins les ratourneures : si tuzer moirt, si tuzer sot.

Ratourneures

1. tuzer (pus) lon : vey lon padvant çou ki pôreut avni.
   • Tuzer lon, ci n’ est nén todi tuzer bon. — Arthur Xhignesse, « Bwègnes mèssèdjes & pititès gotes » (1905), p.11 (fråze rifondowe).
   • Mon Diu come vos tuzez lon m' fi Djan ? … — Joseph Mignolet, "Li vôye qui monte" (1933), p.25 (fråze rifondowe).
2. tuzer lu tot seu, leye tote seule : tuzer sins dmander cwè ås ôtes.
3. on n’ tuze måy assez : dijhêye cwand on s’ rind conte k’ on-z a rovyî ene sacwè dins èn ovraedje.
4. tuzer al vude, tuzer sot : tuzer sins rzultat.
5. tuzer tos plans : fé totes sôres di pordjets, imådjiner totes sôres di rexhowes.
6. tuzer moirts et corvêyes, tuzer poenne et mizere : awè totes sôres di noerès idêyes.

Parintaedje

• tuzaedje, tuzeu, tuzåd, tuzêye
• tuzreye, tuzinne
• tuza, tuzance, tuzanmint, tuzea
• tuziner / tûzner, tuzinaedje, tuzineu
• tuzyî, tuziaedje
• catuzer, catuzaedje
• cotuzer, cotuzeu, cotuzaedje
• fortuzer, fortuzaedje
• rituzer, rituzaedje
• ratuzer, ratuzaedje
• racatuzer, racatuzaedje, racatuzeu, racatuzance

Sinonimeye

• (fé aler s’ cervea) : pinser, sondjî, reflechi
• (trinner tot sondjant) : tuziner
• (bén arindjî dins s’ tiesse) : atuzler, mådjiner

Ortografeyes

Divant 1900 :

• tuzer : G0

Après 1900, foû rfondou (Feller, Feller ricandjî, nén Feller) :

• tûzer : C1, C100, E1, E34, S0, S117
• tuzer : S117, S109
• tûzè : C1, C13
• tûser : E165 p. 17

E rfondou walon :

• tuzer : R11 ^(lére), R13

Li mot n’ est nén dins : O4, E203

Ratournaedjes

fé aler s’ cervea

• Arabe marokin : فكّر ^(ary) =‎ fekker, خمّم ^(ary) =‎ khemmem
• Almand : denken ^(de)
• Inglès : to think ^(en)
• Espagnol : pensar ^(es)
• Francès : penser ^(fr), réfléchir ^(fr)
• Neyerlandès : denken ^(nl)

èn nén bodjî, tot avant l’ air di sondjî

• Francès : méditer ^(fr), ruminer ^(fr), être plongé dans ses pensées

trinner a l’ ovraedje tot sondjant

• Francès : lambiner ^(fr)

trover ene rexhowe a

• Francès : penser ^(fr), concevoir ^(fr), imaginer ^(fr)

tuzer (pus) lon

• Francès : être prévoyant, anticiper ^(fr)

tuzer lu tot seu

• Francès : penser intérieurement

tuzer tos plans

• Francès : élaborer un tas de projets, avoir des idées plein la tête

tuzer moirts et corvêyes, tuzer poenne et mizere

• Francès : avoir des idées noires, broyer du noir