stok

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stok	sitok	estok

Etimolodjeye 1

Tayon-bodje tîxhon « stok » (« stok d’ åbe », « baston ») ; mot cité dins l’ FEW 17 238b.

Prononçaedje

• AFE :
  • diferins prononçaedjes : /stɔk/ /stu/ Prononçaedje a radjouter
  • prononçaedje zero-cnoxheu : /stɔk/
• Ricepeures : nén rcepåve

Sustantif

singulî	pluriyal
stok	stoks

stok omrin

1. pî d’ èn åbe, dins tere u råyî, avou les raecinêyes et les prumîs cintimetes do bodje (çou k’ on n’ såreut abate).
   • Dj’ a monté so li stok avou l’ tchår.
   • Cwand t’ es po soyî ene tronce, fåt todi bén rwaitî li costé do stok et l’ costé des coxhes. — Motlî d’ Tchonveye (fråze rifondowe).
   • La on fel feu d’ setchoes et di stoks. — Pierre-Joseph Dosimont (fråze rifondowe).
2. dizo do bodje d’ èn åbe, d’ on bouxhon.
   • Il ont råyî totes les vegnes et rplanter des noveas stoks.
   • C’ est des stoks di vegne di Bourgogne.
   • Al Sint-Nicolai, les veurlîs fijhént ene porcession tot poirtant on stok di håye, avou des bistokes pindowes après, k’ i dnént ås shofleus. — Motî do Coûtchant walon (fråze rifondowe).
3. (pus stroetmint) årdispene .
   • Ene håye di stok.
4. bohêye di plante avou del lignene (ronxhe, fetchire) .
5. (vî mot) (mot des cinsîs) sitamon (pilé d’ bwès, ki sieve a sotni l’ plafond des ståves, et a loyî les biesses).
6. (vî mot) (mot des cinsîs) anea po loyî les biesses après li stamonêye.
7. (vî mot) (mot d’ houyeu) plaece inte deus concessions dins on payis d’ tcherbonaedjes, k’ on n’ î fwait pont d’ taeyes, et ki fwait come on pilé d’ tere nén trawêye, po-z espaitchî ki les aiwes des viyès galreyes ni corexhe dins les noveles, et l’ air k’ on stitche el fosse di rexhe pa les viyès arinnes.
   • I fåt todi leyî on stok po n' måy avni a trawer e-z aiwes. — Motlî Van Calsteren sol houyreye (fråze rifondowe).
8. (vî mot) (mot d’ houyeu) distance inte deus taeyes.
9. (vî mot) (mot d’ houyeu) boket d’ ene havêye k’ èn ovrî n’ aveut nén abatou al fén d’ ene djournêye (et ki fwait come on pilé dins l’ arinne).
   • T’ as co leyî on stok. — Motlî Van Calsteren sol houyreye (fråze rifondowe).
10. plaece k’ on s’ î pout sotni.
11. (imådjreçmint) dins l’ ratourneure : vî stok, atôtcha po on bon soçon.
    • Ké novele, hê, vî stok ?
12. coxhe di parintêye.
    • Li cuzene Rôze et nozôtes, c’ est do minme sitok.
13. pårt d’ eritaedje ki va avou ene parintêye.
    • Nos estans a cwate estoks. — Motî do Coûtchant walon (fråze rifondowe).
14. (vî mot) dins l’ ratourneure : stok di clawtî, blokea d’ bwès avou on cwåré trô del taye do clå.
15. (vî mot) gade des schaytons.
16. baston, et copurade :
    1. fier come on baston ki stope on batch avou do fier fondou, et k’ on rsaetche po coler l’ fier.
       • On va fé passer li stok houte. — Motî do Coûtchant walon (fråze rifondowe).
    2. brijhe (baston avou on taeyî dbout, k’ on tape e l’ air tot bouxhat dsu avou èn ôte baston).
17. (vî mot) dijhea d’ djåbes.

Ratourneures

(pî d’ èn åbe)

1. côpe a blanc stok : abataedje di tos les åbes d’ on bwès.
2. di stok.
3. Divant li Stok : (la-minme : Duvant lu Sto): no d’ ene plaece di Tchonveye.

(dizo do bodje d’ èn åbe, d’ on bouxhon)

1. estok di vegne : pî d’ vegne, d’ ene metowe sôre, k’ on rplante et ki rdjete.
2. stok di håye : pî di spene.
3. stok di trait : åbe u bouxhon côpé on mete hôt, ki sieve d’ abanaedje.

(anea po loyî les biesses après li stamonêye)

1. dimorer å stok : dimorer e s’ måjhone å n’ rén fé (come ene biesse ki dimeure loyeye å ståve).
   • Sins bouter, i fwait deur di dmorer å stok. — Émile Dumont (fråze rifondowe).

(po on houyeu)

1. feri u aler di stok et d’ taeye : bouxhî avou l’ schavrece el taeye (fond del galreye) et å stok (plaeces k’ on-z a rovyî) ; (imådjreçmint) voleur bouter d’ tos les costés. On dit eto : di håre et d’ hote.

(plaece k’ on s’ î pout sotni)

1. pilé di stok : sitançon d’ ene galreye di fosse.
2. stok di schåle : (mot d’ houyeu) grand clå ki sieve a astoker ene schåle après on sômî.
3. sitok do manaedje : li ci (cene) ki wangne li crosse po nouri l’ manaedje.
4. djouwer al bale å stok : djouwer a taper l’ bale conte on meur.

(coxhe di parintêye)

1. stok di famile : coxhlaedje avou tos les parints et les tåyes d’ ene sakî.

(baston, brijhe)

1. djeu fan-bon-stok : dijhêye å djeu del brijhe.

(gade des schaytons)

1. esse au stok : bouter.
2. raler å stok : ricmincî a bouter.

Parintaedje

• stocoe, sitocou, stocåde, stokêye (plantes ki crexhèt so on minme estok), stokisse
• stocaesse, stoké
• astok, astoker
• distoker
• rastoker
• sitocler
• si stoker

(minme sourdant etimolodjike)

• sokete, sokea

Mots d’ aplacaedje

• pî-stok
• plat stok
• astok, tini astok
• stok-cwåte

Sinonimeye

• (dizo do bodje d’ èn åbe, d’ on bouxhon) : pî-stok
• (bohêye di plante avou del lignene)  : sitokêye
• (plaece k’ on s’ î pout sotni) : astok
• (vî stok) : vî stoumak, vi strouk, vî scorion, viye gueuye
• (dijhea d’ djåbes) moyete, croupete

Ortografeyes

Après 1900, foû rfondou (Feller, Feller ricandjî, nén Feller) :

• (è)sto : O0, O4, S104
• sto / sito : C8
• sto : C1, E172, S17, S107, S109
• stok : C1, E1, O0, S0, S27
• stoc : S109
• sto / suto : S117
• = ? (sto) : G152
• stou / istou : O0
• stoke : O0 femrin

E rfondou walon :

• stok / sitok u estok : R10 ^(lére), R11 ^(lére)
• stok : R13

Li mot n’ est nén dins :

Ratournaedjes

pî d’ èn åbe

• Francès : souche ^(fr)

dizo do bodje d’ èn åbe, d’ on bouxhon

• Francès : souche avec tronc

bohêye di plante avou del lignene

• Francès : touffe ^(fr) (de plante ligneuse)

sitamon

• Francès : pilier ^(fr), poteau ^(fr)

(mot d’ houyeu) boket d’ ene havêye

• Francès : îlot ^(fr), bouchon ^(fr)

plaece k’ on s’ î pout sotni

• Francès : soutient ^(fr)

estok di vegne

• Francès : cep ^(fr) (de vigne), cépée ^(fr), cépage ^(fr)

dimorer å stok

• Francès : chômer ^(fr), rester oisif, rester inactif

djouwer al bale å stok

• Francès : jouer au squash ^(fr)

vî stok

• Francès : vieille branche (en parlant d’une personne arrivée à l’âge mûr)

stok di famile

• Francès : arbre généalogique ^(fr)

Etimolodjeye 2

Calcaedje do francès « stock », lu-minme di l’ inglès « stock ».

Sustantif

singulî	pluriyal
stok	stoks

stok omrin

1. hopea d’ sacwès po vinde u po wårder po cwand on dn årè dandjî.
   • Il ont likidé tot leu stok di grinnes. — Motî d’ Bastogne (fråze rifondowe).
   • Il ont passé tote li matinêye a rwaitî les foyous di stoks estént bén e leu plaece. — Lucyin Mahin.

Ratourneures

1. aveur (ene sacwè) di stok :
   1. end aveur po vinde (en on botike).
      • I n’ ont nén ça di stok. — Motî d’ Bastogne (fråze rifondowe).
      • Il ont rmetou di l’ ôre dins tot l’ magazin, ki les pîces et les éndjoles, et totes les ahesses, estént stitcheyes dins totes les coines, sins ddja saveur cou k’ i gn aveut co di stok. — Lucyin Mahin, Vera.
   2. end aveur d’ avance (dins ene måjhon).

Parintaedje

• stoker

Mots d’ aplacaedje

• Stok amerikin : botike ki vindeut totès sacwès come les sôdårs amerikins del guere di 40.

Ortografeyes

Après 1900, foû rfondou (Feller, Feller ricandjî, nén Feller) :

• stok : S0, FE170, FO4

E rfondou walon :

• stok : R11 ^(lére)

Li mot n’ est nén dins : E1, E21, E170, C1, C100, C106, O0, O4

Ratournaedjes

stok

• Francès : stock ^(fr)

aveur (ene sacwè) di stok

• Francès : avoir en stock ^(fr)